ספר תהלים

{פ}　　
צהאא לְ֭כוּ נְרַנְּנָ֣ה לַיהֹוָ֑ה
נָ֝רִ֗יעָה לְצ֣וּר יִשְׁעֵֽנוּ׃
בב נְקַדְּמָ֣ה פָנָ֣יו בְּתוֹדָ֑ה
בִּ֝זְמִר֗וֹת נָרִ֥יעַֽ לֽוֹ׃
גג כִּ֤י אֵ֣ל גָּד֣וֹל יְהֹוָ֑ה
וּמֶ֥לֶךְ גָּ֝ד֗וֹל עַל־כׇּל־אֱלֹהִֽים׃
דד אֲשֶׁ֣ר בְּ֭יָדוֹ מֶחְקְרֵי־אָ֑רֶץ
וְתוֹעֲפֹ֖ת הָרִ֣ים לֽוֹ׃
הה אֲשֶׁר־ל֣וֹ הַ֭יָּם וְה֣וּא עָשָׂ֑הוּ
וְ֝יַבֶּ֗שֶׁת יָדָ֥יו יָצָֽרוּ׃
וו בֹּ֭אוּ נִשְׁתַּחֲוֶ֣ה וְנִכְרָ֑עָה
נִ֝בְרְכָ֗ה לִֽפְנֵי־יְהֹוָ֥ה עֹשֵֽׂנוּ׃
זז כִּ֘י ה֤וּא אֱלֹהֵ֗ינוּ
וַאֲנַ֤חְנוּ עַ֣ם מַ֭רְעִיתוֹוְצֹ֣אן יָד֑וֹ
הַ֝יּ֗וֹם אִֽם־בְּקֹל֥וֹ תִשְׁמָֽעוּ׃
חח אַל־תַּקְשׁ֣וּ לְ֭בַבְכֶם כִּמְרִיבָ֑ה
כְּי֥וֹם מַ֝סָּ֗ה בַּמִּדְבָּֽר׃
טט אֲשֶׁ֣ר נִ֭סּוּנִי אֲבֽוֹתֵיכֶ֑ם
בְּ֝חָנ֗וּנִי גַּם־רָא֥וּ ׃
יי אַרְבָּ֘עִ֤ים שָׁנָ֨ה ׀ אָ֘ק֤וּט בְּד֗וֹר
וָאֹמַ֗רעַ֤ם תֹּעֵ֣י לֵבָ֣ב הֵ֑ם
וְ֝הֵ֗ם לֹא־יָדְע֥וּ דְרָכָֽי׃
יאיא אֲשֶׁר־נִשְׁבַּ֥עְתִּי בְאַפִּ֑י
אִם־יְ֝בֹא֗וּן אֶל־מְנוּחָתִֽי׃