ספר תהלים

{פ}　　
צואא שִׁ֣ירוּ לַ֭יהֹוָה שִׁ֣יר חָדָ֑שׁ
שִׁ֥ירוּ לַ֝יהֹוָ֗ה כׇּל־הָאָֽרֶץ׃
בב שִׁ֣ירוּ לַ֭יהֹוָה בָּרְﬞכ֣וּ^נבָּרְﬞכ֣וּ · א=בָּרֲכ֣וּ (חטף) שְׁמ֑וֹ
בַּשְּׂר֥וּ מִיּֽוֹם־לְ֝י֗וֹם יְשׁוּעָתֽוֹ׃
גג סַפְּר֣וּ בַגּוֹיִ֣ם כְּבוֹד֑וֹ
בְּכׇל־הָ֝עַמִּ֗ים נִפְלְאוֹתָֽיו׃
דד כִּ֥י גָ֘ד֤וֹל יְהֹוָ֣ה וּמְהֻלָּ֣ל מְאֹ֑ד
נוֹרָ֥א ה֝֗וּא^נה֝֗וּא · א=ה֝וּא (השמטת נקודת הרביע) עַל־כׇּל־אֱלֹהִֽים׃
הה כִּ֤י ׀ כׇּל־אֱלֹהֵ֣י הָעַמִּ֣ים אֱלִילִ֑ים
וַ֝יהֹוָ֗ה שָׁמַ֥יִם עָשָֽׂה׃
וו הוֹד־וְהָדָ֥ר לְפָנָ֑יו
עֹ֥ז וְ֝תִפְאֶ֗רֶת בְּמִקְדָּשֽׁוֹ׃
זז הָב֣וּ לַ֭יהֹוָה מִשְׁפְּח֣וֹת עַמִּ֑ים
הָב֥וּ לַ֝יהֹוָ֗ה כָּב֥וֹד וָעֹֽז׃
חח הָב֣וּ לַ֭יהֹוָה כְּב֣וֹד שְׁמ֑וֹ
שְׂאֽוּ־מִ֝נְחָ֗ה וּבֹ֥אוּ לְחַצְרוֹתָֽיו׃
טט הִשְׁתַּחֲו֣וּ לַ֭יהֹוָה בְּהַדְרַת־קֹ֑דֶשׁ
חִ֥ילוּ מִ֝פָּנָ֗יו כׇּל־הָאָֽרֶץ׃
יי אִמְר֤וּ בַגּוֹיִ֨ם ׀ יְ֘הֹוָ֤ה^ניְ֘הֹוָ֤ה · =א (מקום הצינורית בשם הוי"ה כדרכו) מָלָ֗ךְ
אַף־תִּכּ֣וֹן תֵּ֭בֵלבַּל־תִּמּ֑וֹט
יָדִ֥ין עַ֝מִּ֗ים בְּמֵישָׁרִֽים׃
יאיא יִשְׂמְח֣וּ הַ֭שָּׁמַיִם וְתָגֵ֣ל הָאָ֑רֶץ
יִֽרְעַ֥ם הַ֝יָּ֗ם וּמְלֹאֽוֹ׃
יביב יַעֲלֹ֣ז שָׂ֭דַי וְכׇל־אֲשֶׁר־בּ֑וֹ
אָ֥ז יְ֝רַנְּנ֗וּ כׇּל־עֲצֵי־יָֽעַר׃
יגיג לִפְנֵ֤י יְהֹוָ֨ה ׀ כִּ֬י בָ֗א
כִּ֥י בָא֮ לִשְׁפֹּ֢ט הָ֫אָ֥רֶץ
יִשְׁפֹּֽט־תֵּבֵ֥ל בְּצֶ֑דֶק
וְ֝עַמִּ֗ים בֶּאֱמוּנָתֽוֹ׃