ספר תהלים

{פ}　　
צדאא אֵל־נְקָמ֥וֹת יְהֹוָ֑ה
אֵ֖ל נְקָמ֣וֹת הוֹפִֽיעַ׃
בב הִ֭נָּשֵׂא שֹׁפֵ֣ט הָאָ֑רֶץ
הָשֵׁ֥ב גְּ֝מ֗וּל עַל־גֵּאִֽים׃
גג עַד־מָתַ֖י רְשָׁעִ֥ים ׀ יְהֹוָ֑ה
עַד־מָ֝תַ֗י רְשָׁעִ֥ים יַעֲלֹֽזוּ׃
דד יַבִּ֣יעוּ יְדַבְּר֣וּ עָתָ֑ק
יִ֝תְאַמְּר֗וּ כׇּל־פֹּ֥עֲלֵי אָֽוֶן׃
הה עַמְּךָ֣ יְהֹוָ֣ה יְדַכְּא֑וּ
וְֽנַחֲלָתְךָ֥ יְעַנּֽוּ׃
וו אַלְמָנָ֣ה וְגֵ֣ר יַהֲרֹ֑גוּ
וִ֖יתוֹמִ֣ים יְרַצֵּֽחוּ׃
זז וַ֭יֹּ֣אמְרוּ לֹ֣א יִרְאֶה־יָּ֑הּ
וְלֹא־יָ֝בִ֗ין אֱלֹהֵ֥י יַעֲקֹֽב׃
חח בִּ֭ינוּ בֹּעֲרִ֣ים בָּעָ֑ם
וּ֝כְסִילִ֗ים מָתַ֥י תַּשְׂכִּֽילוּ׃
טט הֲנֹ֣טַֽע אֹ֭זֶן הֲלֹ֣א יִשְׁמָ֑ע
אִֽם־יֹ֥צֵֽר עַ֝֗יִן^נעַ֝֗יִן · א=עַ֝יִן (השמטת נקודת הרביע) הֲלֹ֣א יַבִּֽיט׃
יי הֲיֹסֵ֣ר גּ֭וֹיִם הֲלֹ֣א יוֹכִ֑יחַ
הַֽמְﬞלַמֵּ֖ד^נהַֽמְﬞלַמֵּ֖ד · א=הַֽמֲלַמֵּ֖ד (חטף) אָדָ֣ם דָּֽעַת׃
יאיא יְֽהֹוָ֗ה יֹ֭דֵעַ מַחְשְׁב֣וֹת אָדָ֑ם
כִּי־הֵ֥מָּה הָֽבֶל׃
יביב אַשְׁרֵ֤י ׀ הַגֶּ֣בֶר אֲשֶׁר־תְּיַסְּרֶ֣נּוּ יָּ֑הּ^ניָּ֑הּ=ל,ש1 (יו"ד דגושה) ומסורת-ל וטברניות ומ"ש (וכך הכריעו ברויאר ומג"ה)א=יָ֑הּ (אין דגש באות יו"ד)
וּֽמִתּוֹרָתְךָ֥ תְלַמְּדֶֽנּוּ׃
יגיג לְהַשְׁקִ֣יט ל֭וֹ מִ֣ימֵי רָ֑ע
עַ֤ד יִכָּרֶ֖ה לָרָשָׁ֣ע שָֽׁחַת׃
ידיד כִּ֤י ׀ לֹא־יִטֹּ֣שׁ יְהֹוָ֣ה עַמּ֑וֹ
וְ֝נַחֲלָת֗וֹ לֹ֣א יַעֲזֹֽב׃
טוטו כִּֽי־עַד־צֶ֭דֶק יָשׁ֣וּב מִשְׁפָּ֑ט
וְ֝אַחֲרָ֗יו כׇּל־יִשְׁרֵי־לֵֽב׃
טזטז מִֽי־יָק֣וּם לִ֭י עִם־מְרֵעִ֑ים
מִי־יִתְיַצֵּ֥ב לִ֝֗י^נלִ֝֗י · א=לִ֝י (השמטת נקודת הרביע) עִם־פֹּ֥עֲלֵי אָֽוֶן׃
יזיז לוּלֵ֣י יְ֭הֹוָה עֶזְרָ֣תָה לִּ֑י
כִּמְעַ֓ט ׀ שָׁכְנָ֖ה דוּמָ֣ה נַפְשִֽׁי׃
יחיח אִם־אָ֭מַרְתִּי מָ֣טָה רַגְלִ֑י
חַסְדְּךָ֥ יְ֝הֹוָ֗ה יִסְעָדֵֽנִי׃
יטיט בְּרֹ֣ב שַׂרְעַפַּ֣י בְּקִרְבִּ֑י
תַּ֝נְחוּמֶ֗יךָ יְֽשַׁעַשְׁע֥וּ נַפְשִֽׁי׃
ככ הַֽ֭יְחׇבְרְךָ כִּסֵּ֣א הַוּ֑וֹת
יֹצֵ֖ר עָמָ֣ל עֲלֵי־חֹֽק׃
כאכא יָ֭גוֹדּוּ עַל־נֶ֣פֶשׁ צַדִּ֑יק
וְדָ֖ם נָקִ֣י יַרְשִֽׁיעוּ׃
כבכב וַיְהִ֬י יְהֹוָ֣ה לִ֣י לְמִשְׂגָּ֑ב
וֵ֝אלֹהַ֗י לְצ֣וּר מַחְסִֽי׃
כגכג וַיָּ֤שֶׁב עֲלֵיהֶ֨ם ׀ אֶת־אוֹנָ֗ם
וּבְרָעָתָ֥ם יַצְמִיתֵ֑ם
יַ֝צְמִיתֵ֗םיְהֹוָ֥ה אֱלֹהֵֽינוּ׃