{פ}
צגאא יְהֹוָ֣ה מָלָךְ֮גֵּא֢וּת לָ֫בֵ֥שׁ
לָבֵ֣שׁ יְ֭הֹוָה עֹ֣ז הִתְאַזָּ֑ר
אַף־תִּכּ֥וֹן תֵּ֝בֵ֗ל בַּל־תִּמּֽוֹט׃
בב נָכ֣וֹן כִּסְאֲךָ֣ מֵאָ֑ז
מֵעוֹלָ֣ם אָֽתָּה׃
גג נָשְׂא֤וּ נְהָר֨וֹת ׀ יְֽהֹוָ֗ה
נָשְׂא֣וּ נְהָר֣וֹת קוֹלָ֑ם
יִשְׂא֖וּ נְהָר֣וֹת דׇּכְיָֽם׃
דד מִקֹּל֨וֹת ׀ מַ֤יִם רַבִּ֗ים
אַדִּירִ֣ים מִשְׁבְּרֵי־יָ֑ם
אַדִּ֖יר בַּמָּר֣וֹם יְהֹוָֽה׃
הה עֵֽדֹתֶ֨יךָ ׀ נֶאֶמְנ֬וּ מְאֹ֗ד
לְבֵיתְךָ֥ נַאֲוָה־קֹ֑דֶשׁ
יְ֝הֹוָ֗הלְאֹ֣רֶךְ יָמִֽים׃