צאא תְּפִלָּה֮ לְמֹשֶׁ֢ה אִֽישׁ־הָאֱלֹ֫הִ֥ים
נפרשה פתוחהאֲֽדֹנָ֗י מָע֣וֹן אַ֭תָּה הָיִ֥יתָ לָּ֗נוּ
בְּדֹ֣ר וָדֹֽר׃
בב בְּטֶ֤רֶם ׀ הָ֘רִ֤ים יֻלָּ֗דוּ
וַתְּח֣וֹלֵֽל אֶ֣רֶץ וְתֵבֵ֑ל
וּֽמֵעוֹלָ֥ם עַד־ע֝וֹלָ֗םאַתָּ֥ה אֵֽל׃
גג תָּשֵׁ֣ב אֱ֭נוֹשׁ עַד־דַּכָּ֑א
וַ֝תֹּ֗אמֶר שׁ֣וּבוּ בְנֵֽי־אָדָֽם׃
דד כִּ֤י אֶ֪לֶף שָׁנִ֡יםבְּֽעֵינֶ֗יךָ
כְּי֣וֹם אֶ֭תְמוֹל כִּ֣י יַעֲבֹ֑ר
וְאַשְׁמוּרָ֥ה בַלָּֽיְלָה׃
הה זְ֭רַמְתָּם שֵׁנָ֣ה יִהְי֑וּ
בַּ֝בֹּ֗קֶר כֶּחָצִ֥יר יַחֲלֹֽף׃
וו בַּ֭בֹּקֶר יָצִ֣יץ וְחָלָ֑ף
לָ֝עֶ֗רֶב יְמוֹלֵ֥ל וְיָבֵֽשׁ׃
זז כִּי־כָלִ֥ינוּ בְאַפֶּ֑ךָ
וּֽבַחֲמָתְךָ֥ נִבְהָֽלְנוּ׃
חח שַׁתָּ֣נשַׁתָּ֣=קורן (לשיטתם ושיטתנו)א,ל-קרי=שַׁתָּ֣ה וכן בדפוסים (וכן הכריע ברויאר!) עֲוֺנֹתֵ֣ינוּ לְנֶגְדֶּ֑ךָ
עֲ֝לֻמֵ֗נוּ לִמְא֥וֹר פָּנֶֽיךָ׃
טט כִּ֣י כׇל־יָ֭מֵינוּ פָּנ֣וּ בְעֶבְרָתֶ֑ךָ
כִּלִּ֖ינוּ שָׁנֵ֣ינוּ כְמוֹ־הֶֽגֶה׃
יי יְמֵֽי־שְׁנוֹתֵ֨ינוּ בָהֶ֥ם שִׁבְעִ֪ים שָׁנָ֡ה
וְאִ֤ם בִּגְבוּרֹ֨ת ׀ שְׁמ֘וֹנִ֤ים שָׁנָ֗ה
וְ֭רׇהְבָּם עָמָ֣ל וָאָ֑וֶן
כִּי־גָ֥ז חִ֝֗ישׁנחִ֝֗ישׁ · א=חִ֝ישׁ (השמטת נקודת הרביע) וַנָּעֻֽפָה׃
יאיא מִֽי־י֭וֹדֵעַ עֹ֣ז אַפֶּ֑ךָ
וּ֝כְיִרְאָתְךָ֗ עֶבְרָתֶֽךָ׃
יביב לִמְנ֣וֹת יָ֭מֵינוּ כֵּ֣ן הוֹדַ֑ע
וְ֝נָבִ֗א לְבַ֣ב חׇכְמָֽה׃
יגיג שׁוּבָ֣ה יְ֭הֹוָה עַד־מָתָ֑י
וְ֝הִנָּחֵ֗ם עַל־עֲבָדֶֽיךָ׃
ידיד שַׂבְּעֵ֣נוּ בַבֹּ֣קֶר חַסְדֶּ֑ךָ
וּֽנְרַנְּנָ֥ה וְ֝נִשְׂמְחָ֗ה בְּכׇל־יָמֵֽינוּ׃
טוטו שַׂ֭מְּחֵנוּ כִּימ֣וֹת עִנִּיתָ֑נוּ
שְׁ֝נ֗וֹת רָאִ֥ינוּ רָעָֽה׃
טזטז יֵרָאֶ֣ה אֶל־עֲבָדֶ֣יךָ
וַ֝הֲדָרְךָ֗ עַל־בְּנֵיהֶֽם׃
יזיז וִיהִ֤י ׀ נֹ֤עַם אֲדֹנָ֥י אֱלֹהֵ֗ינוּעָ֫לֵ֥ינוּ
וּמַעֲשֵׂ֣ה יָ֭דֵינוּ כּוֹנְﬞנָ֥הנכּוֹנְﬞנָ֥ה · א=כּוֹנֲנָ֥ה (חטף) עָלֵ֑ינוּ
וּֽמַעֲשֵׂ֥ה יָ֝דֵ֗ינוּ כּוֹנְﬞנֵֽהוּנכּוֹנְﬞנֵֽהוּ · א=כּוֹנֲנֵֽהוּ (חטף)׃