{פ}
צאאא יֹ֭שֵׁב בְּסֵ֣תֶר עֶלְי֑וֹן
בְּצֵ֥ל שַׁ֝דַּ֗י יִתְלוֹנָֽן׃
בב אֹמַ֗ר לַ֭יהֹוָה מַחְסִ֣י וּמְצוּדָתִ֑י
אֱ֝לֹהַ֗י אֶבְטַח־בּֽוֹ׃
גג כִּ֤י ה֣וּא יַ֭צִּילְךָ מִפַּ֥ח יָק֗וּשׁ
מִדֶּ֥בֶר הַוּֽוֹת׃
דד בְּאֶבְרָת֨וֹ ׀ יָ֣סֶךְ לָ֭ךְ
וְתַחַת־כְּנָפָ֣יו תֶּחְסֶ֑ה
צִנָּ֖ה וְסֹחֵרָ֣ה אֲמִתּֽוֹ׃
הה לֹֽא־תִ֭ירָא מִפַּ֣חַד לָ֑יְלָה
מֵ֝חֵ֗ץ יָע֥וּף יוֹמָֽם׃
וו מִ֭דֶּבֶר בָּאֹ֣פֶל יַהֲלֹ֑ךְ
מִ֝קֶּ֗טֶב יָשׁ֥וּד ׃
זז יִפֹּ֤ל מִצִּדְּךָ֨ ׀ אֶ֗לֶף
וּרְבָבָ֥ה מִימִינֶ֑ךָ
אֵ֝לֶ֗יךָלֹ֣א יִגָּֽשׁ׃
חח רַ֭ק בְּעֵינֶ֣יךָ תַבִּ֑יט
וְשִׁלֻּמַ֖ת רְשָׁעִ֣ים תִּרְאֶֽה׃
טט כִּֽי־אַתָּ֣ה יְהֹוָ֣ה מַחְסִ֑י
עֶ֝לְי֗וֹן שַׂ֣מְתָּ מְעוֹנֶֽךָ׃
יי לֹא־תְאֻנֶּ֣ה אֵלֶ֣יךָ רָעָ֑ה
וְ֝נֶ֗גַע לֹא־יִקְרַ֥ב ׃
יאיא כִּ֣י מַ֭לְאָכָיו יְצַוֶּה־לָּ֑ךְ
לִ֝שְׁמׇרְךָ֗ בְּכׇל־דְּרָכֶֽיךָ׃
יביב עַל־כַּפַּ֥יִם יִשָּׂא֑וּנְךָ
פֶּן־תִּגֹּ֖ף בָּאֶ֣בֶן רַגְלֶֽךָ׃
יגיג עַל־שַׁ֣חַל וָפֶ֣תֶן תִּדְרֹ֑ךְ
תִּרְמֹ֖ס כְּפִ֣יר וְתַנִּֽין׃
ידיד כִּ֤י בִ֣י חָ֭שַׁק וַאֲפַלְּטֵ֑הוּ
אֲ֝שַׂגְּבֵ֗הוּ כִּֽי־יָדַ֥ע שְׁמִֽי׃
טוטו יִקְרָאֵ֨נִי ׀ וְֽאֶעֱנֵ֗הוּ
עִמּֽוֹ־אָנֹכִ֥י בְצָרָ֑ה
אֲ֝חַלְּצֵ֗הוּוַאֲכַבְּדֵֽהוּ׃
טזטז אֹ֣רֶךְ יָ֭מִים אַשְׂבִּיעֵ֑הוּ
וְ֝אַרְאֵ֗הוּ בִּישׁוּעָתִֽי׃