ספר תהלים

{פ}　　
פטאא מַ֝שְׂכִּ֗יל לְאֵיתָ֥ן הָאֶזְרָחִֽי׃
^נפרשה פתוחה בב חַֽסְדֵ֣י יְ֭הֹוָה עוֹלָ֣ם אָשִׁ֑ירָה
לְדֹ֥ר וָדֹ֓ר ׀ אוֹדִ֖יעַ אֱמוּנָתְךָ֣ בְּפִֽי׃
גג כִּֽי־אָמַ֗רְתִּי ע֭וֹלָם חֶ֣סֶד יִבָּנֶ֑ה
שָׁמַ֓יִם ׀ תָּכִ֖ן אֱמוּנָתְךָ֣ בָהֶֽם׃
דד כָּרַ֣תִּי בְ֭רִית לִבְחִירִ֑י
נִ֝שְׁבַּ֗עְתִּי לְדָוִ֥ד עַבְדִּֽי׃
הה עַד־ע֭וֹלָם אָכִ֣ין זַרְעֶ֑ךָ
וּבָנִ֨יתִי לְדֹר־וָד֖וֹר כִּסְאֲךָ֣ סֶֽלָה׃
וו וְי֘וֹד֤וּ^נוְי֘וֹד֤וּ=ל ובדפוסיםא!=וְ֘יוֹד֤וּ (הצינורית מסומנת באות וי"ו השווּאה) שָׁמַ֣יִם פִּלְאֲךָ֣ יְהֹוָ֑ה
אַף־אֱ֝מ֥וּנָתְךָ֗ בִּקְהַ֥ל קְדֹשִֽׁים׃
זז כִּ֤י מִ֣י בַ֭שַּׁחַק יַעֲרֹ֣ךְ לַיהֹוָ֑ה
יִדְמֶ֥ה לַ֝יהֹוָ֗ה בִּבְנֵ֥י אֵלִֽים׃
חח אֵ֣ל נַ֭עֲרָץ בְּסוֹד־קְדֹשִׁ֣ים רַבָּ֑ה
וְ֝נוֹרָ֗א עַל־כׇּל־סְבִיבָֽיו׃
טט יְהֹוָ֤ה ׀ אֱלֹ֘הֵ֤י צְבָא֗וֹת
מִי־כָמ֖וֹךָֽ חֲסִ֥ין ׀ יָ֑הּ
וֶ֝אֱמ֥וּנָתְךָ֗סְבִיבוֹתֶֽיךָ׃
יי אַתָּ֣ה מ֭וֹשֵׁל בְּגֵא֣וּת הַיָּ֑ם
בְּשׂ֥וֹא גַ֝לָּ֗יו אַתָּ֥ה תְשַׁבְּחֵֽם׃
יאיא אַתָּ֤ה דִכִּ֣אתָ כֶחָלָ֣ל רָ֑הַב
בִּזְר֥וֹעַ עֻ֝זְּךָ֗ פִּזַּ֥רְתָּ אוֹיְבֶֽיךָ׃
יביב לְךָ֣ שָׁ֭מַיִם אַף־לְךָ֥ אָ֑רֶץ
תֵּבֵ֥ל וּ֝מְלֹאָ֗הּ אַתָּ֥ה יְסַדְתָּֽם׃
יגיג צָפ֣וֹן וְ֭יָמִין אַתָּ֣ה בְרָאתָ֑ם
תָּב֥וֹר וְ֝חֶרְמ֗וֹן בְּשִׁמְךָ֥ יְרַנֵּֽנוּ׃
ידיד לְךָ֣ זְ֭רוֹעַ עִם־גְּבוּרָ֑ה
תָּעֹ֥ז יָ֝דְךָ֗ תָּר֥וּם יְמִינֶֽךָ׃
טוטו צֶ֣דֶק וּ֭מִשְׁפָּט מְכ֣וֹן כִּסְאֶ֑ךָ
חֶ֥סֶד וֶ֝אֱמֶ֗ת יְֽקַדְּמ֥וּ פָנֶֽיךָ׃
טזטז אַשְׁרֵ֣י הָ֭עָם יֹדְעֵ֣י תְרוּעָ֑ה
יְ֝הֹוָ֗ה בְּֽאוֹר־פָּנֶ֥יךָ יְהַלֵּכֽוּן׃
יזיז בְּ֭שִׁמְךָ יְגִיל֣וּן כׇּל־הַיּ֑וֹם
וּבְצִדְקָתְךָ֥ יָרֽוּמוּ׃
יחיח כִּי־תִפְאֶ֣רֶת עֻזָּ֣מוֹ אָ֑תָּה
וּ֝בִרְצוֹנְךָ֗ תָּר֥יוּם^קקקרי/כתיב · (תרים) תָּר֥וּם קַרְנֵֽינוּ׃
יטיט כִּ֣י לַ֭יהֹוָה מָגִנֵּ֑נוּ
וְלִקְד֖וֹשׁ יִשְׂרָאֵ֣ל מַלְכֵּֽנוּ׃
ככ אָ֤ז דִּבַּ֥רְתָּֽ־בְחָז֡וֹן^נדִּבַּ֥רְתָּֽ־בְחָז֡וֹן · =א,ל (מקף בתיבת משרת) לַחֲסִידֶ֗יךָ
וַתֹּ֗אמֶרשִׁוִּ֣יתִי עֵ֭זֶר עַל־גִּבּ֑וֹר
הֲרִימ֖וֹתִי בָח֣וּר מֵעָֽם׃
כאכא מָ֭צָאתִי דָּוִ֣ד עַבְדִּ֑י
בְּשֶׁ֖מֶן קׇדְשִׁ֣י מְשַׁחְתִּֽיו׃
כבכב אֲשֶׁ֣ר יָ֭דִי תִּכּ֣וֹן עִמּ֑וֹ
אַף־זְרוֹעִ֥י תְאַמְּצֶֽנּוּ׃
כגכג לֹא־יַשִּׁ֣יא אוֹיֵ֣ב בּ֑וֹ
וּבֶן־עַ֝וְלָ֗ה לֹ֣א יְעַנֶּֽנּוּ׃
כדכד וְכַתּוֹתִ֣י מִפָּנָ֣יו צָרָ֑יו
וּמְשַׂנְאָ֥יו אֶגּֽוֹף׃
כהכה וֶ֥אֱֽמוּנָתִ֣י וְחַסְדִּ֣י עִמּ֑וֹ
וּ֝בִשְׁמִ֗י תָּר֥וּם קַרְנֽוֹ׃
כוכו וְשַׂמְתִּ֣י בַיָּ֣ם יָד֑וֹ
וּֽבַנְּהָר֥וֹת יְמִינֽוֹ׃
כזכז ה֣וּא יִ֭קְרָאֵנִי אָ֣בִי אָ֑תָּה
אֵ֝לִ֗י וְצ֣וּר יְשׁוּעָתִֽי׃
כחכח אַף־אָ֭נִי בְּכ֣וֹר אֶתְּנֵ֑הוּ
עֶ֝לְי֗וֹן לְמַלְכֵי־אָֽרֶץ׃
כטכט לְ֭עוֹלָם (אשמור)ל֣וֹ^נ(אשמור)ל֣וֹ=ל ובדפוסים (וכן בברויאר)א-כתיב=אֶשְׁמָור־ל֣וֹ (אין הערת קרי) וכן במג"המ"ק-א=<ל' מל'> חַסְדִּ֑י
וּ֝בְרִיתִ֗י נֶאֱמֶ֥נֶת לֽוֹ׃
לל וְשַׂמְתִּ֣י לָעַ֣ד זַרְע֑וֹ
וְ֝כִסְא֗וֹ כִּימֵ֥י שָׁמָֽיִם׃
לאלא אִם־יַעַזְב֣וּ בָ֭נָיו תּוֹרָתִ֑י
וּ֝בְמִשְׁפָּטַ֗י לֹ֣א יֵלֵכֽוּן׃
לבלב אִם־חֻקֹּתַ֥י יְחַלֵּ֑לוּ
וּ֝מִצְוֺתַ֗י לֹ֣א יִשְׁמֹֽרוּ׃
לגלג וּפָקַדְתִּ֣י בְשֵׁ֣בֶט פִּשְׁעָ֑ם
וּבִנְגָעִ֥ים עֲוֺנָֽם׃
לדלד וְ֭חַסְדִּי לֹא־אָפִ֣יר מֵעִמּ֑וֹ
וְלֹֽא־אֲ֝שַׁקֵּ֗ר בֶּאֱמוּנָתִֽי׃
להלה לֹֽא־אֲחַלֵּ֥ל בְּרִיתִ֑י
וּמוֹצָ֥א שְׂ֝פָתַ֗י לֹ֣א אֲשַׁנֶּֽה׃
לולו אַ֭חַת נִשְׁבַּ֣עְתִּי בְקׇדְשִׁ֑י
אִֽם־לְדָוִ֥ד אֲכַזֵּֽב׃
לזלז זַ֭רְעוֹ לְעוֹלָ֣ם יִהְיֶ֑ה
וְכִסְא֖וֹ כַשֶּׁ֣מֶשׁ נֶגְדִּֽי׃
לחלח כְּ֭יָרֵחַ יִכּ֣וֹן עוֹלָ֑ם
וְעֵ֥ד בַּ֝שַּׁ֗חַק נֶאֱמָ֥ן סֶֽלָה׃
לטלט וְאַתָּ֣ה זָ֭נַחְתָּ וַתִּמְאָ֑ס
הִ֝תְעַבַּ֗רְתָּ עִם־מְשִׁיחֶֽךָ׃
ממ נֵ֭אַרְתָּה בְּרִ֣ית עַבְדֶּ֑ךָ
חִלַּ֖לְתָּ לָאָ֣רֶץ נִזְרֽוֹ׃
מאמא פָּרַ֥צְתָּ כׇל־גְּדֵרֹתָ֑יו
שַׂ֖מְתָּ מִבְצָרָ֣יו מְחִתָּֽה׃
מבמב שַׁ֭סֻּהוּ כׇּל־עֹ֣בְרֵי דָ֑רֶךְ
הָיָ֥ה חֶ֝רְפָּ֗ה לִשְׁכֵנָֽיו׃
מגמג הֲ֭רִימוֹתָ יְמִ֣ין צָרָ֑יו
הִ֝שְׂמַ֗חְתָּ כׇּל־אוֹיְבָֽיו׃
מדמד אַף־תָּ֭שִׁיב צ֣וּר חַרְבּ֑וֹ
וְלֹ֥א הֲ֝קֵימֹת֗וֹ בַּמִּלְחָמָֽה׃
מהמה הִשְׁבַּ֥תָּ מִטְּהָר֑וֹ
וְ֝כִסְא֗וֹ לָאָ֥רֶץ מִגַּֽרְתָּה׃
מומו הִ֭קְצַרְתָּ יְמֵ֣י עֲלוּמָ֑יו
הֶ֥עֱטִ֨יתָ עָלָ֖יו בּוּשָׁ֣ה סֶֽלָה׃
מזמז עַד־מָ֣ה יְ֭הֹוָה תִּסָּתֵ֣ר לָנֶ֑צַח
תִּבְעַ֖ר כְּמוֹ־אֵ֣שׁ חֲמָתֶֽךָ׃
מחמח זְכׇר־אֲנִ֥י מֶה־חָ֑לֶד
עַל־מַה־שָּׁ֝֗וְא^נעַל־מַה־שָּׁ֝֗וְא · א=עַל־מַה־שָּׁ֝וְא (השמטת נקודת הרביע) בָּרָ֥אתָ כׇל־בְּנֵֽי־אָדָֽם׃
מטמט מִ֤י גֶ֣בֶר יִֽ֭חְיֶה וְלֹ֣א יִרְאֶה־מָּ֑וֶת
יְמַלֵּ֨ט נַפְשׁ֖וֹ מִיַּד־שְׁא֣וֹל סֶֽלָה׃
ננ אַיֵּ֤ה ׀ חֲסָדֶ֖יךָ הָרִאשֹׁנִ֥ים ׀ אֲדֹנָ֑י
נִשְׁבַּ֥עְתָּ לְ֝דָוִ֗ד בֶּאֱמוּנָתֶֽךָ׃
נאנא זְכֹ֣ר אֲ֭דֹנָי חֶרְפַּ֣ת עֲבָדֶ֑יךָ
שְׂאֵתִ֥י בְ֝חֵיקִ֗י כׇּל־רַבִּ֥ים עַמִּֽים׃
נבנב אֲשֶׁ֤ר חֵרְפ֖וּ אוֹיְבֶ֥יךָ ׀ יְהֹוָ֑ה
אֲשֶׁ֥ר חֵ֝רְפ֗וּ עִקְּב֥וֹת מְשִׁיחֶֽךָ׃
נגנג בָּר֖וּךְ יְהֹוָ֥ה לְעוֹלָ֗ם
אָ֘מֵ֥ן ׀ וְאָמֵֽן׃