ספר תהלים

{פ}　　
מטאא לַמְנַצֵּ֬חַ ׀ לִבְנֵי־קֹ֬רַח מִזְמֽוֹר׃
^נפרשה פתוחה בב שִׁמְעוּ־זֹ֭את כׇּל־הָעַמִּ֑ים
הַ֝אֲזִ֗ינוּ כׇּל־יֹ֥שְׁבֵי חָֽלֶד׃
גג גַּם־בְּנֵ֣י אָ֭דָם גַּם־בְּנֵי־אִ֑ישׁ
יַ֝֗חַד^ניַ֝֗חַד · א=יַ֝חַד (השמטת נקודת הרביע) עָשִׁ֥יר וְאֶבְיֽוֹן׃
דד פִּ֭י יְדַבֵּ֣ר חׇכְמ֑וֹת
וְהָג֖וּת לִבִּ֣י תְבוּנֽוֹת׃
הה אַטֶּ֣ה לְמָשָׁ֣ל אׇזְנִ֑י
אֶפְתַּ֥ח בְּ֝כִנּ֗וֹר חִידָתִֽי׃
וו לָ֣מָּה אִ֭ירָא בִּ֣ימֵי רָ֑ע
עֲוֺ֖ן עֲקֵבַ֣י יְסוּבֵּֽנִי׃
זז הַבֹּטְחִ֥ים עַל־חֵילָ֑ם
וּבְרֹ֥ב עׇ֝שְׁרָ֗ם יִתְהַלָּֽלוּ׃
חח אָ֗ח לֹא־פָדֹ֣ה יִפְדֶּ֣ה אִ֑ישׁ
לֹא־יִתֵּ֖ן לֵאלֹהִ֣ים כׇּפְרֽוֹ׃
טט וְ֭יֵקַר פִּדְי֥וֹן נַפְשָׁ֗ם
וְחָדַ֥ל לְעוֹלָֽם׃
יי וִיחִי־ע֥וֹד לָנֶ֑צַח
לֹ֖א יִרְאֶ֣ה הַשָּֽׁחַת׃
יאיא כִּ֤י יִרְאֶ֨ה ׀ חֲכָ֘מִ֤ים יָמ֗וּתוּ
יַ֤חַד כְּסִ֣יל וָבַ֣עַר יֹאבֵ֑דוּ
וְעָזְב֖וּ לַאֲחֵרִ֣ים חֵילָֽם׃
יביב קִרְבָּ֤ם בָּתֵּ֨ימוֹ ׀ לְֽעוֹלָ֗ם
מִ֭שְׁכְּנֹתָם לְד֣וֹר וָדֹ֑ר
קָרְא֥וּ בִ֝שְׁמוֹתָ֗םעֲלֵ֣י אֲדָמֽוֹת׃
יגיג וְאָדָ֣ם בִּ֭יקָר בַּל־יָלִ֑ין
נִמְשַׁ֖ל כַּבְּהֵמ֣וֹת נִדְמֽוּ׃
ידיד זֶ֣ה דַ֭רְכָּם כֵּ֣סֶל לָ֑מוֹ
וְאַחֲרֵיהֶ֓ם ׀ בְּפִיהֶ֖ם יִרְצ֣וּ סֶֽלָה׃
טוטו כַּצֹּ֤אן ׀ לִ֥שְׁא֣וֹל שַׁתּוּ֮מָ֤וֶת יִ֫רְעֵ֥ם
וַיִּרְדּ֘וּ בָ֤ם יְשָׁרִ֨ים ׀ לַבֹּ֗קֶר
וְ֭ציוּרָם^קקקרי/כתיב · (וצירם) וְ֭צוּרָם לְבַלּ֥וֹת שְׁא֗וֹל
מִזְּבֻ֥ל לֽוֹ׃
טזטז אַךְ־אֱלֹהִ֗ים יִפְדֶּ֣ה נַ֭פְשִׁי מִֽיַּד־שְׁא֑וֹל
כִּ֖י יִקָּחֵ֣נִי סֶֽלָה׃
יזיז אַל־תִּ֭ירָא כִּֽי־יַעֲשִׁ֣ר אִ֑ישׁ
כִּי־יִ֝רְבֶּ֗ה כְּב֣וֹד בֵּיתֽוֹ׃
יחיח כִּ֤י לֹ֣א בְ֭מוֹתוֹ יִקַּ֣ח הַכֹּ֑ל
לֹֽא־יֵרֵ֖ד אַחֲרָ֣יו כְּבוֹדֽוֹ׃
יטיט כִּֽי־נַ֭פְשׁוֹ בְּחַיָּ֣יו יְבָרֵ֑ךְ
וְ֝יוֹדֻ֗ךָ כִּי־תֵיטִ֥יב לָֽךְ׃
ככ תָּ֭בוֹא עַד־דּ֣וֹר אֲבוֹתָ֑יו
עַד־נֵ֝֗צַח^נעַד־נֵ֝֗צַח · א=עַד־נֵ֝צַח (השמטת נקודת הרביע) לֹ֣א יִרְאוּ־אֽוֹר׃
כאכא אָדָ֣ם בִּ֭יקָר וְלֹ֣א יָבִ֑ין
נִמְשַׁ֖ל כַּבְּהֵמ֣וֹת נִדְמֽוּ׃