ספר תהלים

{פ}　　
מחאא שִׁ֥יר מִ֝זְמ֗וֹר לִבְנֵי־קֹֽרַח׃
^נפרשה פתוחה בב גָּ֘ד֤וֹל יְהֹוָ֣ה וּמְהֻלָּ֣ל מְאֹ֑ד
בְּעִ֥יר אֱ֝לֹהֵ֗ינוּ הַר־קׇדְשֽׁוֹ׃
גג יְפֵ֥ה נוֹף֮מְשׂ֢וֹשׂ כׇּל־הָ֫אָ֥רֶץ
הַר־צִ֭יּוֹן יַרְכְּתֵ֣י צָפ֑וֹן
קִ֝רְיַ֗ת מֶ֣לֶךְ רָֽב׃
דד אֱלֹהִ֥ים בְּאַרְמְנוֹתֶ֗יהָ
נוֹדַ֥ע לְמִשְׂגָּֽב׃
הה כִּֽי־הִנֵּ֣ה הַ֭מְּלָכִים נ֥וֹעֲד֑וּ
עָבְר֥וּ יַחְדָּֽו׃
וו הֵ֣מָּה רָ֭אוּ כֵּ֣ן תָּמָ֑הוּ
נִבְהֲל֥וּ נֶחְפָּֽזוּ׃
זז רְ֭עָדָה אֲחָזָ֣תַם שָׁ֑ם
חִ֝֗יל^נחִ֝֗יל · א=חִ֝יל (השמטת נקודת הרביע) כַּיּוֹלֵדָֽה׃
חח בְּר֥וּחַ קָדִ֑ים
תְּ֝שַׁבֵּ֗ר אֳנִיּ֥וֹת תַּרְשִֽׁישׁ׃
טט כַּאֲשֶׁ֤ר שָׁמַ֨עְנוּ ׀ כֵּ֤ן רָאִ֗ינוּ
בְּעִיר־יְהֹוָ֣ה צְ֭בָאוֹתבְּעִ֣יר אֱלֹהֵ֑ינוּ
אֱלֹ֘הִ֤ים יְכוֹנְנֶ֖הָ עַד־עוֹלָ֣ם סֶֽלָה׃
יי דִּמִּ֣ינוּ אֱלֹהִ֣ים חַסְדֶּ֑ךָ
בְּ֝קֶ֗רֶב הֵיכָלֶֽךָ׃
יאיא כְּשִׁמְךָ֤ אֱלֹהִ֗ים
כֵּ֣ן תְּ֭הִלָּתְךָעַל־קַצְוֵי־אֶ֑רֶץ
צֶ֝֗דֶק^נצֶ֝֗דֶק · א=צֶ֝דֶק (השמטת נקודת הרביע) מָלְאָ֥ה יְמִינֶֽךָ׃
יביב יִשְׂמַ֤ח ׀ הַר־צִיּ֗וֹן
תָּ֭גֵלְנָה בְּנ֣וֹת יְהוּדָ֑ה
לְ֝מַ֗עַןמִשְׁפָּטֶֽיךָ׃
יגיג סֹ֣בּוּ צִ֭יּוֹן וְהַקִּיפ֑וּהָ
סִ֝פְר֗וּ מִגְדָּלֶֽיהָ׃
ידיד שִׁ֤יתוּ לִבְּכֶ֨ם ׀ לְֽחֵילָ֗הֿ
פַּסְּג֥וּ אַרְמְנוֹתֶ֑יהָ
לְמַ֥עַן תְּ֝סַפְּר֗וּלְד֣וֹר אַחֲרֽוֹן׃
טוטו כִּ֤י זֶ֨ה ׀ אֱלֹהִ֣ים אֱ֭לֹהֵינוּ עוֹלָ֣ם וָעֶ֑ד
ה֖וּא יְנַהֲגֵ֣נוּ עַל־מֽוּת׃