ספר תהלים

{פ}　　
מאאא לַמְנַצֵּ֗חַ מִזְמ֥וֹר לְדָוִֽד׃
^נפרשה פתוחה בב אַ֭שְׁרֵי מַשְׂכִּ֣יל אֶל־דָּ֑ל
בְּי֥וֹם רָ֝עָ֗ה יְֽמַלְּטֵ֥הוּ יְהֹוָֽה׃
גג יְהֹוָ֤ה ׀ יִשְׁמְרֵ֣הוּ וִ֭יחַיֵּהוּ יוְאֻשַּׁ֣ר^קקקרי/כתיב · (יאשר) וְאֻשַּׁ֣ר בָּאָ֑רֶץ
וְאַֽל־תִּ֝תְּנֵ֗הוּ בְּנֶ֣פֶשׁ אֹיְבָֽיו׃
דד יְֽהֹוָ֗ה יִ֭סְעָדֶנּוּ עַל־עֶ֣רֶשׂ דְּוָ֑י
כׇּל־מִ֝שְׁכָּב֗וֹ הָפַ֥כְתָּ בְחׇלְיֽוֹ׃
הה אֲֽנִי־אָ֭מַרְתִּי יְהֹוָ֣ה חׇנֵּ֑נִי
רְפָאָ֥ה נַ֝פְשִׁ֗י כִּי־חָטָ֥אתִי לָֽךְ׃
וו אוֹיְבַ֗י יֹאמְר֣וּ רַ֣ע לִ֑י
מָתַ֥י יָ֝מ֗וּת וְאָבַ֥ד שְׁמֽוֹ׃
זז וְאִם־בָּ֤א לִרְא֨וֹת ׀ שָׁ֤וְא יְדַבֵּ֗ר
לִבּ֗וֹ יִקְבׇּץ־אָ֥וֶן ל֑וֹ
יֵצֵ֖א לַח֣וּץ יְדַבֵּֽר׃
חח יַ֗חַד עָלַ֣י יִ֭תְלַחֲשׁוּ כׇּל־שֹׂנְאָ֑י
עָלַ֓י ׀ יַחְשְׁב֖וּ רָעָ֣ה לִֽי׃
טט דְּֽבַר־בְּ֭לִיַּעַל יָצ֣וּק בּ֑וֹ
וַאֲשֶׁ֥ר שָׁ֝כַ֗ב לֹא־יוֹסִ֥יף לָקֽוּם׃
יי גַּם־אִ֤ישׁ שְׁלוֹמִ֨י ׀ אֲשֶׁר־בָּטַ֣חְתִּי ב֭וֹ
אוֹכֵ֣ל לַחְמִ֑י
הִגְדִּ֖יל עָלַ֣י עָקֵֽב׃
יאיא וְאַתָּ֤ה יְהֹוָ֗ה חׇנֵּ֥נִי וַהֲקִימֵ֑נִי
וַאֲשַׁלְּמָ֥ה לָהֶֽם׃
יביב בְּזֹ֣את יָ֭דַעְתִּי כִּֽי־חָפַ֣צְתָּ בִּ֑י
כִּ֤י לֹֽא־יָרִ֖יעַ אֹיְבִ֣י עָלָֽי׃
יגיג וַאֲנִ֗י בְּ֭תֻמִּי תָּמַ֣כְתָּ בִּ֑י
וַתַּצִּיבֵ֖נִי לְפָנֶ֣יךָ לְעוֹלָֽם׃
ידיד בָּ֘ר֤וּךְ יְהֹוָ֨ה ׀ אֱלֹ֘הֵ֤י יִשְׂרָאֵ֗ל
מֵֽ֭הָעוֹלָם וְעַ֥ד הָעוֹלָ֗ם
אָ֘מֵ֥ן ׀ וְאָמֵֽן׃