ספר תהלים

{פ}　　
מאא לַ֝מְנַצֵּ֗חַ לְדָוִ֥ד מִזְמֽוֹר׃
^נפרשה פתוחה בב קַוֺּ֣ה קִוִּ֣יתִי יְהֹוָ֑ה
וַיֵּ֥ט אֵ֝לַ֗י וַיִּשְׁמַ֥ע שַׁוְעָתִֽי׃
גג וַיַּעֲלֵ֤נִי ׀ מִבּ֥וֹר שָׁאוֹן֮מִטִּ֢יט הַיָּ֫וֵ֥ן
וַיָּ֖קֶם עַל־סֶ֥לַע רַגְלַ֗י
כּוֹנֵ֥ן אֲשֻׁרָֽי׃
דד וַיִּתֵּ֬ן בְּפִ֨י ׀ שִׁ֥יר חָדָשׁ֮תְּהִלָּ֢ה לֵאלֹ֫הֵ֥ינוּ
יִרְא֣וּ רַבִּ֣ים וְיִירָ֑אוּ
וְ֝יִבְטְח֗וּ בַּיהֹוָֽה׃
הה אַ֥שְֽׁרֵי הַגֶּ֗בֶר אֲשֶׁר־שָׂ֣ם יְ֭הֹוָה מִבְטַח֑וֹ
וְֽלֹא־פָנָ֥ה אֶל־רְ֝הָבִ֗ים וְשָׂטֵ֥י כָזָֽב׃
וו רַבּ֤וֹת עָשִׂ֨יתָ ׀ אַתָּ֤ה ׀ יְהֹוָ֣ה אֱלֹהַי֮
נִ֥פְלְאֹתֶ֥יךָ וּמַחְשְׁבֹתֶ֗יךָ אֵ֫לֵ֥ינוּ
אֵ֤ין ׀ עֲרֹ֬ךְ אֵלֶ֗יךָ אַגִּ֥ידָה וַאֲדַבֵּ֑רָה
עָ֝צְמ֗וּ מִסַּפֵּֽר׃
זז זֶ֤בַח וּמִנְחָ֨ה ׀ לֹֽא־חָפַ֗צְתָּ
אׇ֭זְנַיִם כָּרִ֣יתָ לִּ֑י
עוֹלָ֥ה וַ֝חֲטָאָ֗הלֹ֣א שָׁאָֽלְתָּ׃
חח אָ֣ז אָ֭מַרְתִּי הִנֵּה־בָ֑אתִי
בִּמְגִלַּת־סֵ֝֗פֶר^נבִּמְגִלַּת־סֵ֝֗פֶר · א=בִּמְגִלַּת־סֵ֝פֶר (השמטת נקודת הרביע) כָּת֥וּב עָלָֽי׃
טט לַ֥עֲשׂוֹת־רְצוֹנְךָ֣ אֱלֹהַ֣י חָפָ֑צְתִּי
וְ֝ת֥וֹרָתְךָ֗ בְּת֣וֹךְ מֵעָֽי׃
יי בִּשַּׂ֤רְתִּי צֶ֨דֶק ׀ בְּקָ֘הָ֤ל רָ֗ב
הִנֵּ֣ה שְׂ֭פָתַי לֹ֣א אֶכְלָ֑א
יְ֝הֹוָ֗האַתָּ֥ה יָדָֽעְתָּ׃
יאיא צִדְקָתְךָ֬ לֹֽא־כִסִּ֨יתִי ׀ בְּת֬וֹךְ לִבִּ֗י
אֱמוּנָתְךָ֣ וּתְשׁוּעָתְךָ֣ אָמָ֑רְתִּי
לֹא־כִחַ֥דְתִּי חַסְדְּךָ֥ וַ֝אֲמִתְּךָ֗לְקָהָ֥ל רָֽב׃
יביב אַתָּ֤ה יְהֹוָ֗ה לֹֽא־תִכְלָ֣א רַחֲמֶ֣יךָ מִמֶּ֑נִּי
חַסְדְּךָ֥ וַ֝אֲמִתְּךָ֗ תָּמִ֥יד יִצְּרֽוּנִי׃
יגיג כִּ֤י אָפְﬞפֽוּ־עָלַ֨י^נאָפְﬞפֽוּ־עָלַ֨י · א=אָפֲפֽוּ־עָלַ֨י ׀ רָע֡וֹתעַד־אֵ֬ין מִסְפָּ֗ר
הִשִּׂיג֣וּנִי עֲ֭וֺנֹתַי וְלֹא־יָכֹ֣לְתִּי לִרְא֑וֹת
עָצְמ֥וּ מִשַּׂעֲר֥וֹת רֹ֝אשִׁ֗י וְלִבִּ֥י עֲזָבָֽנִי׃
ידיד רְצֵ֣ה יְ֭הֹוָה לְהַצִּילֵ֑נִי
יְ֝הֹוָ֗ה לְעֶזְרָ֥תִי חֽוּשָׁה׃
טוטו יֵ֘בֹ֤שׁוּ וְיַחְפְּר֨וּ ׀ יַחַד֮
מְבַקְשֵׁ֥י נַפְשִׁ֗י לִסְפּ֫וֹתָ֥הּ
יִסֹּ֣גוּ אָ֭חוֹר וְיִכָּלְמ֑וּ
חֲ֝פֵצֵ֗י רָעָתִֽי׃
טזטז יָ֭שֹׁמּוּ עַל־עֵ֣קֶב בׇּשְׁתָּ֑ם
הָאֹמְרִ֥ים לִ֝֗י^נלִ֝֗י · א=לִ֝י (השמטת נקודת הרביע) הֶ֘אָ֥ח ׀ הֶאָֽח׃
יזיז יָ֘שִׂ֤ישׂוּ וְיִשְׂמְח֨וּ ׀ בְּךָ֗כׇּֽל־מְבַ֫קְשֶׁ֥יךָ
יֹאמְר֣וּ תָ֭מִיד יִגְדַּ֣ל יְהֹוָ֑ה
אֹ֝הֲבֵ֗י תְּשׁוּעָתֶֽךָ׃
יחיח וַאֲנִ֤י ׀ עָנִ֣י וְאֶבְיוֹן֮אֲדֹנָ֢י יַחֲשׇׁ֫ב לִ֥י
עֶזְרָתִ֣י וּמְפַלְטִ֣י אַ֑תָּה
אֱ֝לֹהַ֗י אַל־תְּאַחַֽר׃