ספר משלי

יטאא טֽוֹב־רָ֭שׁ הוֹלֵ֣ךְ בְּתֻמּ֑וֹ
מֵעִקֵּ֥שׁ שְׂ֝פָתָ֗יו וְה֣וּא כְסִֽיל׃
בב גַּ֤ם בְּלֹא־דַ֣עַת נֶ֣פֶשׁ לֹא־ט֑וֹב
וְאָ֖ץ בְּרַגְלַ֣יִם חוֹטֵֽא׃
גג אִוֶּ֣לֶת אָ֭דָם תְּסַלֵּ֣ף דַּרְכּ֑וֹ
וְעַל־יְ֝הֹוָ֗ה יִזְעַ֥ף לִבּֽוֹ׃
דד ה֗וֹן יֹ֭סִיף רֵעִ֣ים רַבִּ֑ים
וְ֝דָ֗ל מֵרֵעֵ֥הוּ יִפָּרֵֽד׃
הה עֵ֣ד שְׁ֭קָרִים לֹ֣א יִנָּקֶ֑ה
וְיָפִ֥יחַ כְּ֝זָבִ֗ים לֹ֣א יִמָּלֵֽט׃
וו רַ֭בִּים יְחַלּ֣וּ פְנֵֽי־נָדִ֑יב
וְכׇל־הָ֝רֵ֗עַ לְאִ֣ישׁ מַתָּֽן׃
זז ^נ=א (קמץ ומרכא); התיבה מוקפת במ"ג דפוס ונציה <כָּ֥ל־>. ראו עוד במידע על מהדורה זו, פרק שני, לגבי ההכרעה בין קמץ קטן לקמץ גדול בתיבה זו. יש עוד "כל" בקמץ ומרכא בתהלים (לה,י). אֲחֵי־רָ֨שׁ ׀ שְֽׂנֵאֻ֗הוּ
אַ֤ף כִּ֣י מְ֭רֵעֵהוּ רָחֲק֣וּ מִמֶּ֑נּוּ
מְרַדֵּ֖ף אֲמָרִ֣ים(לא)^קקקרי/כתיב · (לא) לוֹ־הֵֽמָּה׃
חח קֹֽנֶה־לֵּ֭ב אֹהֵ֣ב נַפְשׁ֑וֹ
שֹׁמֵ֥ר תְּ֝בוּנָ֗ה לִמְצֹא־טֽוֹב׃
טט עֵ֣ד שְׁ֭קָרִים לֹ֣א יִנָּקֶ֑ה
וְיָפִ֖יחַ כְּזָבִ֣ים יֹאבֵֽד׃
{פ}　　
יי לֹא־נָאוֶ֣ה לִכְסִ֣יל תַּעֲנ֑וּג
אַ֝֗ף^נאַ֝֗ף · א=אַ֝ף (השמטת נקודת הרביע) כִּֽי־לְעֶ֤בֶד ׀ מְשֹׁ֬ל בְּשָׂרִֽים׃
יאיא שֵׂ֣כֶל אָ֭דָם הֶאֱרִ֣יךְ אַפּ֑וֹ
וְ֝תִפְאַרְתּ֗וֹ עֲבֹ֣ר עַל־פָּֽשַׁע׃
יביב נַ֣הַם כַּ֭כְּפִיר זַ֣עַף מֶ֑לֶךְ
וּכְטַ֖ל עַל־עֵ֣שֶׂב רְצוֹנֽוֹ׃
יגיג הַוֺּ֣ת לְ֭אָבִיו בֵּ֣ן כְּסִ֑יל
וְדֶ֥לֶף טֹ֝רֵ֗ד מִדְיְנֵ֥י אִשָּֽׁה׃
ידיד בַּ֣יִת וָ֭הוֹן נַחֲלַ֣ת אָב֑וֹת
וּ֝מֵיְהֹוָ֗ה אִשָּׁ֥ה מַשְׂכָּֽלֶת׃
טוטו עַ֭צְלָה תַּפִּ֣יל תַּרְדֵּמָ֑ה
וְנֶ֖פֶשׁ רְמִיָּ֣ה תִרְעָֽב׃
טזטז שֹׁמֵ֣ר מִ֭צְוָה שֹׁמֵ֣ר נַפְשׁ֑וֹ
בּוֹזֵ֖ה דְרָכָ֣יו (יומת)^קקקרי/כתיב · (יומת) יָמֽוּת׃
יזיז מַלְוֵ֣ה יְ֭הֹוָה ח֣וֹנֵֽן דָּ֑ל
וּ֝גְמֻל֗וֹ יְשַׁלֶּם־לֽוֹ׃
יחיח יַסֵּ֣ר בִּ֭נְךָ כִּֽי־יֵ֣שׁ תִּקְוָ֑ה
וְאֶל־הֲ֝מִית֗וֹ אַל־תִּשָּׂ֥א נַפְשֶֽׁךָ׃
יטיט (גרל)^קקקרי/כתיב · (גרל) גְּֽדׇל־חֵ֭מָה נֹ֣שֵׂא עֹ֑נֶשׁ
כִּ֥י אִם־תַּ֝צִּ֗יל וְע֣וֹד תּוֹסִֽף׃
ככ שְׁמַ֣ע עֵ֭צָה וְקַבֵּ֣ל מוּסָ֑ר
לְ֝מַ֗עַן תֶּחְכַּ֥ם בְּאַחֲרִיתֶֽךָ׃
כאכא רַבּ֣וֹת מַחֲשָׁב֣וֹת בְּלֶב־אִ֑ישׁ
וַעֲצַ֥ת יְ֝הֹוָ֗ה הִ֣יא תָקֽוּם׃
כבכב תַּאֲוַ֣ת אָדָ֣ם חַסְדּ֑וֹ
וְטֽוֹב־רָ֝֗שׁ^נוְטֽוֹב־רָ֝֗שׁ · א=וְטֽוֹב־רָ֝שׁ (השמטת נקודת הרביע) מֵאִ֥ישׁ כָּזָֽב׃
כגכג יִרְאַ֣ת יְהֹוָ֣ה לְחַיִּ֑ים
וְשָׂבֵ֥עַ יָ֝לִ֗ין בַּל־יִפָּ֥קֶד רָֽע׃
כדכד טָ֘מַ֤ן עָצֵ֣ל יָ֭דוֹ בַּצַּלָּ֑חַת
גַּם־אֶל־פִּ֝֗יהוּ^נגַּם־אֶל־פִּ֝֗יהוּ · א=גַּם־אֶל־פִּ֝יהוּ (השמטת נקודת הרביע) לֹ֣א יְשִׁיבֶֽנָּה׃
כהכה לֵ֣ץ תַּ֭כֶּה וּפֶ֣תִי יַעְרִ֑ם
וְהוֹכִ֥יחַ לְ֝נָב֗וֹן יָבִ֥ין דָּֽעַת׃
כוכו מְֽשַׁדֶּד־אָ֭ב יַבְרִ֣יחַ אֵ֑ם
בֵּ֝֗ן^נבֵּ֝֗ן · =א?! (נקודת הרביע בכתר אינה מובהקת) מֵבִ֥ישׁ וּמַחְפִּֽיר׃
כזכז חֲֽדַל־בְּ֭נִי לִשְׁמֹ֣עַ מוּסָ֑ר
לִ֝שְׁג֗וֹת מֵאִמְרֵי־דָֽעַת׃
כחכח עֵ֣ד בְּ֭לִיַּעַל יָלִ֣יץ מִשְׁפָּ֑ט
וּפִ֥י רְ֝שָׁעִ֗ים יְבַלַּע־אָֽוֶן׃
כטכט נָכ֣וֹנוּ לַלֵּצִ֣ים שְׁפָטִ֑ים
וּ֝מַהֲלֻמ֗וֹת לְגֵ֣ו כְּסִילִֽים׃