ספר משלי

יחאא לְֽ֭תַאֲוָה יְבַקֵּ֣שׁ נִפְרָ֑ד
בְּכׇל־תּ֝וּשִׁיָּ֗ה יִתְגַּלָּֽע׃
בב לֹא־יַחְפֹּ֣ץ כְּ֭סִיל בִּתְבוּנָ֑ה
כִּ֝֗י^נכִּ֝֗י · א=כִּ֝י (השמטת נקודת הרביע) אִֽם־בְּהִתְגַּלּ֥וֹת לִבּֽוֹ׃
גג בְּֽבוֹא־רָ֭שָׁע בָּ֣א גַם־בּ֑וּז
וְֽעִם־קָל֥וֹן חֶרְפָּֽה׃
דד מַ֣יִם עֲ֭מֻקִּים דִּבְרֵ֣י פִי־אִ֑ישׁ
נַ֥חַל נֹ֝בֵ֗עַ מְק֣וֹר חׇכְמָֽה׃
הה שְׂאֵ֣ת פְּנֵי־רָשָׁ֣ע לֹא־ט֑וֹב
לְהַטּ֥וֹת צַ֝דִּ֗יק בַּמִּשְׁפָּֽט׃
וו שִׂפְתֵ֣י כְ֭סִיל יָבֹ֣אוּ בְרִ֑יב
וּ֝פִ֗יו לְֽמַהֲלֻמ֥וֹת יִקְרָֽא׃
זז פִּֽי־כְ֭סִיל מְחִתָּה־ל֑וֹ
וּ֝שְׂפָתָ֗יו מוֹקֵ֥שׁ נַפְשֽׁוֹ׃
חח דִּבְרֵ֣י נִ֭רְגָּן כְּמִֽתְלַהֲמִ֑ים
וְ֝הֵ֗ם יָרְד֥וּ חַדְרֵי־בָֽטֶן׃
טט גַּ֭ם מִתְרַפֶּ֣ה בִמְלַאכְתּ֑וֹ
אָ֥ח ה֝֗וּא^נה֝֗וּא · א=ה֝וּא (השמטת נקודת הרביע) לְבַ֣עַל מַשְׁחִֽית׃
יי מִגְדַּל־עֹ֭ז שֵׁ֣ם יְהֹוָ֑ה
בּֽוֹ־יָר֖וּץ צַדִּ֣יק וְנִשְׂגָּֽב׃
יאיא ה֣וֹן עָ֭שִׁיר קִרְיַ֣ת עֻזּ֑וֹ
וּכְחוֹמָ֥ה נִ֝שְׂגָּבָ֗ה בְּמַשְׂכִּתֽוֹ׃
יביב לִפְנֵי־שֶׁ֭בֶר יִגְבַּ֣הּ לֶב־אִ֑ישׁ
וְלִפְנֵ֖י כָב֣וֹד עֲנָוָֽה׃
יגיג מֵשִׁ֣יב דָּ֭בָר בְּטֶ֣רֶם יִשְׁמָ֑ע
אִוֶּ֥לֶת הִיא־ל֝֗וֹ^נהִיא־ל֝֗וֹ · א=הִיא־ל֝וֹ (השמטת נקודת הרביע) וּכְלִמָּֽה׃
ידיד רֽוּחַ־אִ֭ישׁ יְכַלְכֵּ֣ל מַחֲלֵ֑הוּ
וְר֥וּחַ נְ֝כֵאָ֗ה מִ֣י יִשָּׂאֶֽנָּה׃
טוטו לֵ֣ב נָ֭בוֹן יִקְנֶה־דָּ֑עַת
וְאֹ֥זֶן חֲ֝כָמִ֗ים תְּבַקֶּשׁ־דָּֽעַת׃
טזטז מַתָּ֣ן אָ֭דָם יַרְחִ֣יב ל֑וֹ
וְלִפְנֵ֖י גְדֹלִ֣ים יַנְחֶֽנּוּ׃
יזיז צַדִּ֣יק הָרִאשׁ֣וֹן בְּרִיב֑וֹ
יוּבָֽא־^קקקרי/כתיב · (יבא) וּבָֽא־רֵ֝עֵ֗הוּ וַחֲקָרֽוֹ׃
יחיח מִ֭דְיָנִים יַשְׁבִּ֣ית הַגּוֹרָ֑ל
וּבֵ֖ין עֲצוּמִ֣ים יַפְרִֽיד׃
יטיט אָ֗ח נִפְשָׁ֥ע מִקִּרְיַת־עֹ֑ז
וּ֝מִדְויָנִ֗ים^קקקרי/כתיב · (ומדונים) וּ֝מִדְיָנִ֗ים כִּבְרִ֥יחַ אַרְמֽוֹן׃
ככ מִפְּרִ֣י פִי־אִ֭ישׁ תִּשְׂבַּ֣ע בִּטְנ֑וֹ
תְּבוּאַ֖ת שְׂפָתָ֣יו יִשְׂבָּֽע׃
כאכא מָ֣וֶת וְ֭חַיִּים בְּיַד־לָשׁ֑וֹן
וְ֝אֹהֲבֶ֗יהָ יֹאכַ֥ל פִּרְיָֽהּ׃
כבכב מָצָ֣א אִ֭שָּׁה מָ֣צָא ט֑וֹב
וַיָּ֥פֶק רָ֝צ֗וֹן מֵיְהֹוָֽה׃
כגכג תַּחֲנוּנִ֥ים יְדַבֶּר־רָ֑שׁ
וְ֝עָשִׁ֗יר יַעֲנֶ֥ה עַזּֽוֹת׃
כדכד אִ֣ישׁ רֵ֭עִים לְהִתְרֹעֵ֑עַ
וְיֵ֥שׁ אֹ֝הֵ֗ב דָּבֵ֥ק מֵאָֽח׃