{פ}
גאא בְּ֭נִי תּוֹרָתִ֣י אַל־תִּשְׁכָּ֑ח
וּ֝מִצְוֺתַ֗י יִצֹּ֥ר לִבֶּֽךָ׃
בב כִּ֤י אֹ֣רֶךְ יָ֭מִים וּשְׁנ֣וֹת חַיִּ֑ים
וְ֝שָׁל֗וֹם יוֹסִ֥יפוּ לָֽךְ׃
גג חֶ֥סֶד וֶאֱמֶ֗תאַֽל־יַ֫עַזְבֻ֥ךָ
קׇשְׁרֵ֥ם עַל־גַּרְגְּרוֹתֶ֑יךָ
כׇּ֝תְבֵ֗ם עַל־ל֥וּחַ לִבֶּֽךָ׃
דד וּמְצָא־חֵ֥ן וְשֵֽׂכֶל־ט֑וֹב
בְּעֵינֵ֖י אֱלֹהִ֣ים וְאָדָֽם׃
הה בְּטַ֣ח אֶל־יְ֭הֹוָה בְּכׇל־לִבֶּ֑ךָ
וְאֶל־בִּ֥֝ינָתְךָ֗ אַל־תִּשָּׁעֵֽן׃
וו בְּכׇל־דְּרָכֶ֥יךָ דָעֵ֑הוּ
וְ֝ה֗וּא יְיַשֵּׁ֥ר אֹֽרְחֹתֶֽיךָ׃
זז אַל־תְּהִ֣י חָכָ֣ם בְּעֵינֶ֑יךָ
יְרָ֥א אֶת־יְ֝הֹוָ֗ה וְס֣וּר מֵרָֽע׃
חח רִ֭פְאוּת תְּהִ֣י לְשׇׁרֶּ֑ךָ
וְ֝שִׁקּ֗וּי לְעַצְמוֹתֶֽיךָ׃
טט כַּבֵּ֣ד אֶת־יְ֭הֹוָה מֵהוֹנֶ֑ךָ
וּ֝מֵרֵאשִׁ֗ית כׇּל־תְּבוּאָתֶֽךָ׃
יי וְיִמָּלְא֣וּ אֲסָמֶ֣יךָ שָׂבָ֑ע
וְ֝תִיר֗וֹשׁ יְקָבֶ֥יךָ יִפְרֹֽצוּ׃
{פ}
יאיא מוּסַ֣ר יְ֭הֹוָה בְּנִ֣י אַל־תִּמְאָ֑ס
וְאַל־תָּ֝קֹ֗ץ בְּתוֹכַחְתּֽוֹ׃
יביב כִּ֤י אֶ֥ת אֲשֶׁ֣ר יֶאֱהַ֣ב יְהֹוָ֣ה יוֹכִ֑יחַ
וּ֝כְאָ֗ב אֶת־בֵּ֥ן יִרְצֶֽה׃
יגיג אַשְׁרֵ֣י אָ֭דָם מָצָ֣א חׇכְמָ֑ה
וְ֝אָדָ֗ם יָפִ֥יק תְּבוּנָֽה׃
ידיד כִּ֤י ט֣וֹב סַ֭חְרָהּ מִסְּחַר־כָּ֑סֶף
וּ֝מֵחָר֗וּץ תְּבוּאָתָֽהּ׃
טוטו יְקָ֣רָה הִ֭יא (מפניים)קקקרי/כתיב · (מפניים) מִפְּנִינִ֑ים
וְכׇל־חֲ֝פָצֶ֗יךָ לֹ֣א יִֽשְׁווּ־בָֽהּ׃
טזטז אֹ֣רֶךְ יָ֭מִים בִּֽימִינָ֑הּ
בִּ֝שְׂמֹאולָ֗הּ עֹ֣שֶׁר וְכָבֽוֹד׃
יזיז דְּרָכֶ֥יהָ דַרְכֵי־נֹ֑עַם
וְֽכׇל־נְתִ֖יבוֹתֶ֣יהָ שָׁלֽוֹם׃
יחיח עֵץ־חַיִּ֣ים הִ֭יא לַמַּחֲזִיקִ֣ים בָּ֑הּ
וְֽתֹמְכֶ֥יהָ מְאֻשָּֽׁר׃
{פ}
יטיט יְֽהֹוָ֗ה בְּחׇכְמָ֥ה יָסַד־אָ֑רֶץ
כּוֹנֵ֥ן שָׁ֝מַ֗יִם בִּתְבוּנָֽה׃
ככ בְּ֭דַעְתּוֹ תְּהוֹמ֣וֹת נִבְקָ֑עוּ
וּ֝שְׁחָקִ֗ים יִרְעֲפוּ־טָֽל׃
כאכא בְּ֭נִי אַל־יָלֻ֣זוּ מֵעֵינֶ֑יךָ
נְצֹ֥ר תֻּ֝שִׁיָּ֗ה וּמְזִמָּֽה׃
כבכב וְיִֽהְי֣וּ חַיִּ֣ים לְנַפְשֶׁ֑ךָ
וְ֝חֵ֗ן לְגַרְגְּרֹתֶֽיךָ׃
כגכג אָ֤ז תֵּלֵ֣ךְ לָבֶ֣טַח דַּרְכֶּ֑ךָ
וְ֝רַגְלְךָ֗ לֹ֣א תִגּֽוֹף׃
כדכד אִם־תִּשְׁכַּ֥ב לֹֽא־תִפְחָ֑ד
וְ֝שָׁכַבְתָּ֗ וְֽעָרְבָ֥ה שְׁנָתֶֽךָ׃
כהכה אַל־תִּ֭ירָא מִפַּ֣חַד פִּתְאֹ֑ם
וּמִשֹּׁאַ֥ת רְ֝שָׁעִ֗ים כִּ֣י תָבֹֽא׃
כוכו כִּֽי־יְ֭הֹוָה יִֽהְיֶ֣ה בְכִסְלֶ֑ךָ
וְשָׁמַ֖ר רַגְלְךָ֣ מִלָּֽכֶד׃
כזכז אַל־תִּמְנַע־ט֥וֹב מִבְּעָלָ֑יו
בִּֽהְי֨וֹת לְאֵ֖ל (ידיך)קקקרי/כתיב · (ידיך) יָדְךָ֣ לַעֲשֽׂוֹת׃
כחכח אַל־תֹּ֘אמַ֤ר (לרעיך)קקקרי/כתיב · (לרעיך) לְרֵעֲךָ֨ |
לֵ֣ךְ וָ֭שׁוּב וּמָחָ֥ר אֶתֵּ֗ן
וְיֵ֣שׁ אִתָּֽךְ׃
כטכט אַל־תַּחֲרֹ֣שׁ עַל־רֵעֲךָ֣ רָעָ֑ה
וְהֽוּא־יוֹשֵׁ֖ב לָבֶ֣טַח אִתָּֽךְ׃
לל אַל־תרובקקקרי/כתיב · (תָּרִ֣יב) תרוב עִם־אָדָ֣ם חִנָּ֑ם
אִם־לֹ֖א גְמָלְךָ֣ רָעָֽה׃
לאלא אַל־תְּ֭קַנֵּא בְּאִ֣ישׁ חָמָ֑ס
וְאַל־תִּ֝בְחַ֗ר בְּכׇל־דְּרָכָֽיו׃
לבלב כִּ֤י תוֹעֲבַ֣ת יְהֹוָ֣ה נָל֑וֹז
וְֽאֶת־יְשָׁרִ֥ים סוֹדֽוֹ׃
לגלג מְאֵרַ֣ת יְ֭הֹוָה בְּבֵ֣ית רָשָׁ֑ע
וּנְוֵ֖ה צַדִּיקִ֣ים יְבָרֵֽךְ׃
לדלד אִם־לַלֵּצִ֥ים הֽוּא־יָלִ֑יץ
וְ֝לַעֲנָוִ֗יםקקקרי/כתיב · (ולעניים) וְ֝לַעֲנָוִ֗ים יִתֶּן־חֵֽן׃
להלה כָּ֭בוֹד חֲכָמִ֣ים יִנְחָ֑לוּ
וּ֝כְסִילִ֗ים מֵרִ֥ים קָלֽוֹן׃