ספר איוב

{פ}　　

מאא
בב הֲ֭רֹב עִם־שַׁדַּ֣י יִסּ֑וֹר
מוֹכִ֖יחַ אֱל֣וֹהַּ יַעֲנֶֽנָּה׃
{פ}　　

^ניש רווח של שורה ריקה בכתר לפני הכותרת הממורכזת גג
דד הֵ֣ן קַ֭לֹּתִי מָ֣ה אֲשִׁיבֶ֑ךָּ
יָ֝דִ֗י שַׂ֣מְתִּי לְמוֹ־פִֽי׃
הה אַחַ֣ת דִּ֭בַּרְתִּי וְלֹ֣א אֶעֱנֶ֑ה
וּ֝שְׁתַּ֗יִם וְלֹ֣א אוֹסִֽיף׃
{פ}　　
וו וַיַּעַן־יְהֹוָ֣ה אֶת־אִ֭יּוֹב מנסערה^קקקרי/כתיב · מנסערה
וַיֹּאמַֽר׃
זז אֱזׇר־נָ֣א כְגֶ֣בֶר חֲלָצֶ֑יךָ
אֶ֝שְׁאָלְךָ֗^נאֶ֝שְׁאָלְךָ֗ · לגבי הקמץ הרחב ראו בהערה על שמות יג,יד. וְהוֹדִיעֵֽנִי׃
חח הַ֭אַף תָּפֵ֣ר מִשְׁפָּטִ֑י
תַּ֝רְשִׁיעֵ֗נִי לְמַ֣עַן תִּצְדָּֽק׃
טט וְאִם־זְר֖וֹעַ כָּאֵ֥ל ׀ לָ֑ךְ
וּ֝בְק֗וֹל כָּמֹ֥הוּ תַרְעֵֽם׃
יי עֲדֵ֥ה נָ֣א גָא֣וֹן וָגֹ֑בַהּ
וְה֖וֹד וְהָדָ֣ר תִּלְבָּֽשׁ׃
יאיא הָ֭פֵץ עֶבְר֣וֹת אַפֶּ֑ךָ
וּרְאֵ֥ה כׇל־גֵּ֝אֶ֗ה וְהַשְׁפִּילֵֽהוּ׃
יביב רְאֵ֣ה כׇל־גֵּ֭אֶה הַכְנִיעֵ֑הוּ
וַהֲדֹ֖ךְ רְשָׁעִ֣ים תַּחְתָּֽם׃
יגיג טׇמְנֵ֣ם בֶּעָפָ֣ר יָ֑חַד
פְּ֝נֵיהֶ֗ם חֲבֹ֣שׁ בַּטָּמֽוּן׃
ידיד וְגַם־אֲנִ֥י אוֹדֶ֑ךָּ
כִּֽי־תוֹשִׁ֖עַ לְךָ֣ יְמִינֶֽךָ׃
טוטו הִנֵּה־נָ֣א בְ֭הֵמוֹת אֲשֶׁר־עָשִׂ֣יתִי עִמָּ֑ךְ
חָ֝צִ֗יר כַּבָּקָ֥ר יֹאכֵֽל׃
טזטז הִנֵּה־נָ֣א כֹח֣וֹ בְמׇתְנָ֑יו
וְ֝אוֹנ֗וֹ בִּשְׁרִירֵ֥י בִטְנֽוֹ׃
יזיז יַחְפֹּ֣ץ זְנָב֣וֹ כְמוֹ־אָ֑רֶז
גִּידֵ֖י פַחֲדָ֣ו^קקקרי/כתיב · פַחֲדָ֣ו · פַחֲדָ֣יו יְשֹׂרָֽגוּ׃
יחיח עֲ֭צָמָיו אֲפִיקֵ֣י נְחֻשָׁ֑ה
גְּ֝רָמָ֗יו כִּמְטִ֥יל בַּרְזֶֽל׃
יטיט ה֭וּא רֵאשִׁ֣ית דַּרְכֵי־אֵ֑ל
הָ֝עֹשׂ֗וֹ יַגֵּ֥שׁ חַרְבּֽוֹ׃
ככ כִּי־ב֭וּל הָרִ֣ים יִשְׂאוּ־ל֑וֹ
וְֽכׇל־חַיַּ֥ת הַ֝שָּׂדֶ֗ה יְשַׂחֲקוּ־שָֽׁם׃
כאכא תַּֽחַת־צֶאֱלִ֥ים יִשְׁכָּ֑ב
בְּסֵ֖תֶר קָנֶ֣ה וּבִצָּֽה׃
כבכב יְסֻכֻּ֣הוּ צֶאֱלִ֣ים צִֽלְﬞל֑וֹ^נצִֽלְﬞל֑וֹ · א=צִֽלֲל֑וֹ (חטף)
יְ֝סֻבּ֗וּהוּ עַרְבֵי־נָֽחַל׃
כגכג הֵ֤ן יַעֲשֹׁ֣ק נָ֭הָר לֹ֣א יַחְפּ֑וֹז
יִבְטַ֓ח ׀ כִּֽי־יָגִ֖יחַ יַרְדֵּ֣ן אֶל־פִּֽיהוּ׃
כדכד בְּעֵינָ֥יו יִקָּחֶ֑נּוּ
בְּ֝מוֹקְשִׁ֗ים יִנְקׇב־אָֽף׃
כהכה תִּמְשֹׁ֣ךְ לִוְיָתָ֣ן בְּחַכָּ֑ה
וּ֝בְחֶ֗בֶל תַּשְׁקִ֥יעַ לְשֹׁנֽוֹ׃
כוכו הֲתָשִׂ֣ים אַגְמֹ֣ן בְּאַפּ֑וֹ
וּ֝בְח֗וֹחַ תִּקֹּ֥ב לֶחֱיֽוֹ׃
כזכז הֲיַרְבֶּ֣ה אֵ֭לֶיךָ תַּחֲנוּנִ֑ים
אִם־יְדַבֵּ֖ר אֵלֶ֣יךָ רַכּֽוֹת׃
כחכח הֲיִכְרֹ֣ת בְּרִ֣ית עִמָּ֑ךְ
תִּ֝קָּחֶ֗נּוּ לְעֶ֣בֶד עוֹלָֽם׃
כטכט הַֽתְשַׂחֶק־בּ֭וֹ כַּצִּפּ֑וֹר
וְ֝תִקְשְׁרֶ֗נּוּ לְנַעֲרוֹתֶֽיךָ׃
לל יִכְר֣וּ עָ֭לָיו חַבָּרִ֑ים
יֶ֝חֱצ֗וּהוּ בֵּ֣ין כְּֽנַעֲנִֽים׃
לאלא הַֽתְﬞמַלֵּ֣א^נהַֽתְﬞמַלֵּ֣א · א=הַֽתֲמַלֵּ֣א (חטף) בְשֻׂכּ֣וֹת עוֹר֑וֹ
וּבְצִלְצַ֖ל דָּגִ֣ים רֹאשֽׁוֹ׃
לבלב שִׂים־עָלָ֥יו כַּפֶּ֑ךָ
זְכֹ֥ר מִ֝לְחָמָ֗ה אַל־תּוֹסַֽף׃