לטאא הֲיָדַ֗עְתָּ עֵ֭ת לֶ֣דֶת יַעֲלֵי־סָ֑לַע
חֹלֵ֖ל אַיָּל֣וֹת תִּשְׁמֹֽר׃
בב תִּסְפֹּ֣ר יְרָחִ֣ים תְּמַלֶּ֑אנָה
וְ֝יָדַעְתָּ֗ עֵ֣ת לִדְתָּֽנָה׃
גג תִּ֭כְרַעְנָה יַלְדֵיהֶ֣ן תְּפַלַּ֑חְנָה
חֶבְלֵיהֶ֥ם תְּשַׁלַּֽחְנָה׃
דד יַחְלְמ֣וּ בְ֭נֵיהֶם יִרְבּ֣וּ בַבָּ֑ר
יָ֝צְא֗וּ וְלֹא־שָׁ֥בוּ לָֽמוֹ׃
הה מִי־שִׁלַּ֣ח פֶּ֣רֶא חׇפְשִׁ֑י
וּמֹסְר֥וֹת עָ֝ר֗וֹד מִ֣י פִתֵּֽחַ׃
וו אֲשֶׁר־שַׂ֣מְתִּי עֲרָבָ֣ה בֵית֑וֹ
וּֽמִשְׁכְּנוֹתָ֥יו מְלֵחָֽה׃
זז יִ֭שְׂחַק לַהֲמ֣וֹן קִרְיָ֑ה
תְּשֻׁא֥וֹת נֹ֝גֵ֗שׂ לֹ֣א יִשְׁמָֽע׃
חח יְת֣וּר הָרִ֣ים מִרְעֵ֑הוּ
וְאַחַ֖ר כׇּל־יָר֣וֹק יִדְרֽוֹשׁ׃
טט הֲיֹ֣אבֶה רֵּ֣ים עׇבְדֶ֑ךָ
אִם־יָ֝לִ֗ין עַל־אֲבוּסֶֽךָ׃
יי הֲֽתִקְשׇׁר־רֵ֭ים בְּתֶ֣לֶם עֲבֹת֑וֹ
אִם־יְשַׂדֵּ֖ד עֲמָקִ֣ים אַחֲרֶֽיךָ׃
יאיא הֲֽתִבְטַח־בּ֭וֹ כִּֽי־רַ֣ב כֹּח֑וֹ
וְתַעֲזֹ֖ב אֵלָ֣יו יְגִיעֶֽךָ׃
יביב הֲתַאֲמִ֣ין בּ֭וֹ כִּֽי־ישובקקקרי/כתיב · (יָשִׁ֣יב) ישוב זַרְעֶ֑ךָ
וְֽגׇרְנְךָ֥ יֶאֱסֹֽף׃
יגיג כְּנַף־רְנָנִ֥ים נֶעֱלָ֑סָה
אִם־אֶ֝בְרָ֗ה חֲסִידָ֥ה וְנֹצָֽה׃
ידיד כִּי־תַעֲזֹ֣ב לָאָ֣רֶץ בֵּצֶ֑יהָ
וְֽעַל־עָפָ֥ר תְּחַמֵּֽם׃
טוטו וַ֭תִּשְׁכַּח כִּי־רֶ֣גֶל תְּזוּרֶ֑הָ
וְחַיַּ֖ת הַשָּׂדֶ֣ה תְדוּשֶֽׁהָ׃
טזטז הִקְשִׁ֣יחַ בָּנֶ֣יהָ לְּלֹא־לָ֑הּ
לְרִ֖יק יְגִיעָ֣הּ בְּלִי־פָֽחַד׃
יזיז כִּי־הִשָּׁ֣הּ אֱל֣וֹהַּ חׇכְמָ֑ה
וְלֹא־חָ֥לַק לָ֝֗הּנלָ֝֗הּ · א=לָ֝הּ (השמטת נקודת הרביע) בַּבִּינָֽה׃
יחיח כָּ֭עֵת בַּמָּר֣וֹם תַּמְרִ֑יא
תִּֽשְׂחַ֥ק לַ֝סּ֗וּס וּלְרֹכְבֽוֹ׃
{פ}
יטיט הֲתִתֵּ֣ן לַסּ֣וּס גְּבוּרָ֑ה
הֲתַלְבִּ֖ישׁ צַוָּאר֣וֹ רַעְמָֽה׃
ככ הֲֽ֭תַרְעִישֶׁנּוּ כָּאַרְבֶּ֑ה
ה֖וֹד נַחְר֣וֹ אֵימָֽה׃
כאכא יַחְפְּר֣וּ בָ֭עֵמֶק וְיָשִׂ֣ישׂ בְּכֹ֑חַ
יֵ֝צֵ֗א לִקְרַאת־נָֽשֶׁק׃
כבכב יִשְׂחַ֣ק לְ֭פַחַד וְלֹ֣א יֵחָ֑ת
וְלֹא־יָ֝שׁ֗וּב מִפְּנֵי־חָֽרֶב׃
כגכג עָ֭לָיו תִּרְנֶ֣ה אַשְׁפָּ֑ה
לַ֖הַב חֲנִ֣ית וְכִידֽוֹן׃
כדכד בְּרַ֣עַשׁ וְ֭רֹגֶז יְגַמֶּא־אָ֑רֶץ
וְלֹא־יַ֝אֲמִ֗ין כִּי־ק֥וֹל שׁוֹפָֽר׃
כהכה בְּדֵ֤י שֹׁפָ֨ר ׀ יֹ֘אמַ֤ר הֶאָ֗ח
וּֽ֭מֵרָחוֹק יָרִ֣יחַ מִלְחָמָ֑ה
רַ֥עַם שָׂ֝רִ֗ים וּתְרוּעָֽה׃
כוכו הֲֽ֭מִבִּינָ֣תְךָ יַאֲבֶר־נֵ֑ץ
יִפְרֹ֖שׂ כְּנָפָ֣וקקקרי/כתיב · כְּנָפָ֣ו · כְּנָפָ֣יו לְתֵימָֽן׃
כזכז אִם־עַל־פִּ֭יךָ יַגְבִּ֣יהַּ נָ֑שֶׁר
וְ֝כִ֗י יָרִ֥ים קִנּֽוֹ׃
כחכח סֶ֣לַע יִ֭שְׁכֹּן וְיִתְלֹנָ֑ן
עַ֥ל שֶׁן־סֶ֝֗לַענשֶׁן־סֶ֝֗לַע · א=שֶׁן־סֶ֝לַע (השמטת נקודת הרביע) וּמְצוּדָֽה׃
כטכט מִשָּׁ֥ם חָֽפַר־אֹ֑כֶל
לְ֝מֵרָח֗וֹק עֵינָ֥יו יַבִּֽיטוּ׃
לל וְאֶפְרֹחָ֥ו יְעַלְעוּ־דָ֑ם
וּבַאֲשֶׁ֥ר חֲ֝לָלִ֗ים שָׁ֣ם הֽוּא׃