ספר איוב

{פ}　　

כזאא
בב חַי־אֵ֭ל הֵסִ֣יר מִשְׁפָּטִ֑י
וְ֝שַׁדַּ֗י הֵמַ֥ר נַפְשִֽׁי׃
גג כִּי־כׇל־ע֣וֹד נִשְׁמָתִ֣י בִ֑י
וְר֖וּחַ אֱל֣וֹהַּ בְּאַפִּֽי׃
דד אִם־תְּדַבֵּ֣רְנָה שְׂפָתַ֣י עַוְלָ֑ה
וּ֝לְשׁוֹנִ֗י אִם־יֶהְגֶּ֥ה רְמִיָּֽה׃
הה חָלִ֣ילָה לִּי֮אִם־אַצְדִּ֢יק אֶ֫תְכֶ֥ם
עַד־אֶגְוָ֑ע
לֹֽא־אָסִ֖יר תֻּמָּתִ֣י מִמֶּֽנִּי׃
וו בְּצִדְקָתִ֣י הֶ֭חֱזַקְתִּי וְלֹ֣א אַרְפֶּ֑הָ
לֹא־יֶחֱרַ֥ף לְ֝בָבִ֗י מִיָּמָֽי׃
זז יְהִ֣י כְ֭רָשָׁע אֹ֣יְבִ֑י
וּמִתְקוֹמְﬞמִ֥י^נוּמִתְקוֹמְﬞמִ֥י · א=וּמִתְקוֹמֲמִ֥י (חטף) כְעַוָּֽל׃
חח כִּ֤י מַה־תִּקְוַ֣ת חָ֭נֵף כִּ֣י יִבְצָ֑ע
כִּ֤י יֵ֖שֶׁל אֱל֣וֹהַּ נַפְשֽׁוֹ׃
טט הֲֽ֭צַעֲקָתוֹ יִשְׁמַ֥ע ׀ אֵ֑ל
כִּֽי־תָב֖וֹא עָלָ֣יו צָרָֽה׃
יי אִם־עַל־שַׁדַּ֥י יִתְעַנָּ֑ג
יִקְרָ֖א אֱל֣וֹהַּ בְּכׇל־עֵֽת׃
יאיא אוֹרֶ֣ה אֶתְכֶ֣ם בְּיַד־אֵ֑ל
אֲשֶׁ֥ר עִם־שַׁ֝דַּ֗י לֹ֣א אֲכַחֵֽד׃
יביב הֵן־אַתֶּ֣ם כֻּלְּכֶ֣ם חֲזִיתֶ֑ם
וְלָמָּה־זֶּ֝֗ה^נוְלָמָּה־זֶּ֝֗ה · א=וְלָמָּה־זֶּ֝ה (השמטת נקודת הרביע) הֶ֣בֶל תֶּהְבָּֽלוּ׃
יגיג זֶ֤ה ׀ חֵלֶק־אָדָ֖ם רָשָׁ֥ע ׀ עִם־אֵ֑ל
וְֽנַחֲלַ֥ת עָ֝רִיצִ֗ים מִשַּׁדַּ֥י יִקָּֽחוּ׃
ידיד אִם־יִרְבּ֣וּ בָנָ֣יו לְמוֹ־חָ֑רֶב
וְ֝צֶאֱצָאָ֗יו לֹ֣א יִשְׂבְּעוּ־לָֽחֶם׃
טוטו שְׂ֭רִידָו^קקקרי/כתיב · שְׂ֭רִידָו · שְׂ֭רִידָיו בַּמָּ֣וֶת יִקָּבֵ֑רוּ
וְ֝אַלְמְנֹתָ֗יו לֹ֣א תִבְכֶּֽינָה׃
טזטז אִם־יִצְבֹּ֣ר כֶּעָפָ֣ר כָּ֑סֶף
וְ֝כַחֹ֗מֶר יָכִ֥ין מַלְבּֽוּשׁ׃
יזיז יָ֭כִין וְצַדִּ֣יק יִלְבָּ֑שׁ
וְ֝כֶ֗סֶף נָקִ֥י יַחֲלֹֽק׃
יחיח בָּנָ֣ה כָעָ֣שׁ בֵּית֑וֹ
וּ֝כְסֻכָּ֗ה עָשָׂ֥ה נֹצֵֽר׃
יטיט עָשִׁ֣יר יִ֭שְׁכַּב וְלֹ֣א יֵאָסֵ֑ף
עֵינָ֖יו פָּקַ֣ח וְאֵינֶֽנּוּ׃
ככ תַּשִּׂיגֵ֣הוּ כַ֭מַּיִם בַּלָּה֑וֹת
לַ֝֗יְלָה^נלַ֝֗יְלָה · א=לַ֝יְלָה (השמטת נקודת הרביע) גְּנָבַ֥תּוּ סוּפָֽה׃
כאכא יִשָּׂאֵ֣הוּ קָדִ֣ים וְיֵלַ֑ךְ
וִ֝ישָׂעֲרֵ֗הוּ מִמְּקֹמֽוֹ׃
כבכב וְיַשְׁלֵ֣ךְ עָ֭לָיו וְלֹ֣א יַחְמֹ֑ל
מִ֝יָּד֗וֹ בָּר֥וֹחַ יִבְרָֽח׃
כגכג יִשְׂפֹּ֣ק עָלֵ֣ימוֹ כַפֵּ֑ימוֹ
וְיִשְׁרֹ֥ק עָ֝לָ֗יו מִמְּקֹמֽוֹ׃