ספר איוב

{פ}　　

כואא
בב מֶה־עָזַ֥רְתָּ לְלֹא־כֹ֑חַ
ה֝וֹשַׁ֗עְתָּ זְר֣וֹעַ לֹא־עֹֽז׃
גג מַה־יָּ֭עַצְתָּ לְלֹ֣א חׇכְמָ֑ה
וְ֝תֻשִׁיָּ֗ה לָרֹ֥ב הוֹדָֽעְתָּ׃
דד אֶת־מִ֭י הִגַּ֣דְתָּ מִלִּ֑ין
וְנִשְׁמַת־מִ֝֗י^נוְנִשְׁמַת־מִ֝֗י · א=וְנִשְׁמַת־מִ֝י (השמטת נקודת הרביע) יָצְאָ֥ה מִמֶּֽךָּ׃
הה הָרְפָאִ֥ים יְחוֹלָ֑לוּ
מִתַּ֥חַת מַ֝֗יִם וְשֹׁכְנֵיהֶֽם׃
וו עָר֣וֹם שְׁא֣וֹל נֶגְדּ֑וֹ
וְאֵ֥ין כְּ֝ס֗וּת לָאֲבַדּֽוֹן׃
זז נֹטֶ֣ה צָפ֣וֹן עַל־תֹּ֑הוּ
תֹּ֥לֶה אֶ֝֗רֶץ^נאֶ֝֗רֶץ · א=אֶ֝רֶץ (השמטת נקודת הרביע) עַל־בְּלִי־מָֽה׃
חח צֹרֵֽר־מַ֥יִם בְּעָבָ֑יו
וְלֹֽא־נִבְקַ֖ע עָנָ֣ן תַּחְתָּֽם׃
טט מְאַחֵ֥ז פְּנֵֽי־כִסֵּ֑ה
פַּרְשֵׁ֖ז עָלָ֣יו עֲנָנֽוֹ׃
יי חֹֽק־חָ֭ג עַל־פְּנֵי־מָ֑יִם
עַד־תַּכְלִ֖ית א֣וֹר עִם־חֹֽשֶׁךְ׃
יאיא עַמּוּדֵ֣י שָׁמַ֣יִם יְרוֹפָ֑פוּ
וְ֝יִתְמְה֗וּ מִגַּעֲרָתֽוֹ׃
יביב בְּ֭כֹחוֹ רָגַ֣ע הַיָּ֑ם
(ובתובנתו)^קקקרי/כתיב · (ובתובנתו) וּ֝בִתְבוּנָת֗וֹ מָ֣חַץ רָֽהַב׃
יגיג בְּ֭רוּחוֹ שָׁמַ֣יִם שִׁפְרָ֑ה
חֹלְﬞלָ֥ה^נחֹלְﬞלָ֥ה · א=חֹלֲלָ֥ה (חטף) יָ֝ד֗וֹ נָחָ֥שׁ בָּרִֽחַ׃
ידיד הֶן־אֵ֤לֶּה ׀ קְצ֬וֹת דְּרָכָ֗ו
וּמַה־שֵּׁ֣מֶץ דָּ֭בָר נִשְׁמַע־בּ֑וֹ
וְרַ֥עַם גְּ֝בוּרֹתָ֗ו^קקקרי/כתיב · גְּ֝בוּרֹתָ֗ו · גְּ֝בוּרֹתָ֗יומִ֣י יִתְבּוֹנָֽן׃