ספר תהלים

{פ}　　
קלבאא שִׁ֗יר הַֽמַּ֫עֲל֥וֹת
^נפרשה פתוחהזְכוֹר־יְהֹוָ֥ה לְדָוִ֑ד
אֵ֝֗ת^נאֵ֝֗ת · א=אֵ֝ת (השמטת נקודת הרביע) כׇּל־עֻנּוֹתֽוֹ׃
בב אֲשֶׁ֣ר נִ֭שְׁבַּע לַֽיהֹוָ֑ה
נָ֝דַ֗ר לַאֲבִ֥יר יַעֲקֹֽב׃
גג אִם־אָ֭בֹא בְּאֹ֣הֶל בֵּיתִ֑י
אִם־אֶ֝עֱלֶ֗ה עַל־עֶ֥רֶשׂ יְצוּעָֽי׃
דד אִם־אֶתֵּ֣ן שְׁנַ֣ת לְעֵינָ֑י
לְֽעַפְעַפַּ֥י תְּנוּמָֽה׃
הה עַד־אֶמְצָ֣א מָ֭קוֹם לַיהֹוָ֑ה
מִ֝שְׁכָּנ֗וֹת לַאֲבִ֥יר יַעֲקֹֽב׃
וו הִנֵּֽה־שְׁמַעֲנ֥וּהָ בְאֶפְרָ֑תָה
מְ֝צָאנ֗וּהָ בִּשְׂדֵי־יָֽעַר׃
זז נָב֥וֹאָה לְמִשְׁכְּנוֹתָ֑יו
נִ֝שְׁתַּחֲוֶ֗ה לַהֲדֹ֥ם רַגְלָֽיו׃
חח קוּמָ֣ה יְ֭הֹוָה לִמְנוּחָתֶ֑ךָ
אַ֝תָּ֗ה וַאֲר֥וֹן עֻזֶּֽךָ׃
טט כֹּהֲנֶ֥יךָ יִלְבְּשׁוּ־צֶ֑דֶק
וַחֲסִידֶ֥יךָ יְרַנֵּֽנוּ׃
יי בַּ֭עֲבוּר דָּוִ֣ד עַבְדֶּ֑ךָ
אַל־תָּ֝שֵׁ֗ב פְּנֵ֣י מְשִׁיחֶֽךָ׃
יאיא נִשְׁבַּֽע־יְהֹוָ֨ה ׀ לְדָוִ֡ד אֱמֶת֮
לֹא־יָשׁ֢וּב מִ֫מֶּ֥נָּה
מִפְּרִ֥י בִטְנְךָ֑
אָ֝שִׁ֗ית לְכִסֵּא־לָֽךְ׃
יביב אִֽם־יִשְׁמְר֬וּ בָנֶ֨יךָ ׀ בְּרִיתִי֮
וְעֵדֹתִ֥י ז֗וֹ אֲלַ֫מְּדֵ֥ם
גַּם־בְּנֵיהֶ֥ם עֲדֵי־עַ֑ד
יֵ֝שְׁב֗וּ לְכִסֵּא־לָֽךְ׃
יגיג כִּי־בָחַ֣ר יְהֹוָ֣ה בְּצִיּ֑וֹן
אִ֝וָּ֗הּ לְמוֹשָׁ֥ב לֽוֹ׃
ידיד זֹאת־מְנוּחָתִ֥י עֲדֵי־עַ֑ד
פֹּה־אֵ֝שֵׁ֗ב כִּ֣י אִוִּתִֽיהָ׃
טוטו צֵ֭ידָהּ בָּרֵ֣ךְ אֲבָרֵ֑ךְ
אֶ֝בְיוֹנֶ֗יהָ אַשְׂבִּ֥יעַֽ לָֽחֶם׃
טזטז וְֽ֭כֹהֲנֶיהָ אַלְבִּ֣ישׁ יֶ֑שַׁע
וַ֝חֲסִידֶ֗יהָ רַנֵּ֥ן יְרַנֵּֽנוּ׃
יזיז שָׁ֤ם אַצְמִ֣יחַ קֶ֣רֶן לְדָוִ֑ד
עָרַ֥כְתִּי נֵ֝֗ר^ננֵ֝֗ר · א=נֵ֝ר (השמטת נקודת הרביע) לִמְשִׁיחִֽי׃
יחיח א֭וֹיְבָיו אַלְבִּ֣ישׁ בֹּ֑שֶׁת
וְ֝עָלָ֗יו יָצִ֥יץ נִזְרֽוֹ׃