ספר תהלים

{פ}　　
קכאאא שִׁ֗יר לַֽמַּ֫עֲל֥וֹת
^נפרשה פתוחהאֶשָּׂ֣א עֵ֭ינַי אֶל־הֶהָרִ֑ים
מֵ֝אַ֗יִן יָבֹ֥א עֶזְרִֽי׃
בב עֶ֭זְרִי מֵעִ֣ם יְהֹוָ֑ה
עֹ֝שֵׂ֗ה שָׁמַ֥יִם וָאָֽרֶץ׃
גג אַל־יִתֵּ֣ן לַמּ֣וֹט רַגְלֶ֑ךָ
אַל־יָ֝נ֗וּם שֹׁמְרֶֽךָ׃
דד הִנֵּ֣ה לֹֽא־יָ֭נוּם וְלֹ֣א יִישָׁ֑ן
שׁ֝וֹמֵ֗ר יִשְׂרָאֵֽל׃
הה יְהֹוָ֥ה שֹׁמְרֶ֑ךָ
יְהֹוָ֥ה צִ֝לְּךָ֗ עַל־יַ֥ד יְמִינֶֽךָ׃
וו יוֹמָ֗ם הַשֶּׁ֥מֶשׁ לֹֽא־יַכֶּ֗כָּה
וְיָרֵ֥חַ בַּלָּֽיְלָה׃
זז יְֽהֹוָ֗ה יִשְׁמׇרְךָ֥ מִכׇּל־רָ֑ע
יִ֝שְׁמֹ֗ר אֶת־נַפְשֶֽׁךָ׃
חח יְֽהֹוָ֗ה יִשְׁמׇר־צֵאתְךָ֥ וּבוֹאֶ֑ךָ
מֵ֝עַתָּ֗ה וְעַד־עוֹלָֽם׃