ספר תהלים

{פ}　　
קיטאא אַשְׁרֵ֥י תְמִֽימֵי־דָ֑רֶךְ
הַ֝הֹלְכִ֗ים בְּתוֹרַ֥ת יְהֹוָֽה׃
בב אַ֭שְׁרֵי נֹצְרֵ֥י עֵדֹתָ֗יו
בְּכׇל־לֵ֥ב יִדְרְשֽׁוּהוּ׃
גג אַ֭ף לֹא־פָעֲל֣וּ עַוְלָ֑ה
בִּדְרָכָ֥יו הָלָֽכוּ׃
דד אַ֭תָּה צִוִּ֥יתָה פִקֻּדֶ֗יךָ
לִשְׁמֹ֥ר מְאֹֽד׃
הה אַ֭חֲלַי יִכֹּ֥נוּ דְרָכָ֗י
לִשְׁמֹ֥ר חֻקֶּֽיךָ׃
וו אָ֥ז לֹא־אֵב֑וֹשׁ
בְּ֝הַבִּיטִ֗י אֶל־כׇּל־מִצְוֺתֶֽיךָ׃
זז א֭וֹדְךָ בְּיֹ֣שֶׁר לֵבָ֑ב
בְּ֝לׇמְדִ֗י מִשְׁפְּטֵ֥י צִדְקֶֽךָ׃
חח אֶת־חֻקֶּ֥יךָ אֶשְׁמֹ֑ר
אַֽל־תַּעַזְבֵ֥נִי עַד־מְאֹֽד׃
{פ}　　
טט בַּמֶּ֣ה יְזַכֶּה־נַּ֭עַר אֶת־אׇרְח֑וֹ
לִ֝שְׁמֹ֗ר כִּדְבָרֶֽךָ׃
יי בְּכׇל־לִבִּ֥י דְרַשְׁתִּ֑יךָ
אַל־תַּ֝שְׁגֵּ֗נִי מִמִּצְוֺתֶֽיךָ׃
יאיא בְּ֭לִבִּי צָפַ֣נְתִּי אִמְרָתֶ֑ךָ
לְ֝מַ֗עַן לֹ֣א אֶחֱטָא־לָֽךְ׃
יביב בָּר֖וּךְ אַתָּ֥ה יְהֹוָ֗ה
לַמְּדֵ֥נִי חֻקֶּֽיךָ׃
יגיג בִּשְׂפָתַ֥י סִפַּ֑רְתִּי
כֹּ֝֗ל^נכֹּ֝֗ל · א=כֹּ֝ל (השמטת נקודת הרביע) מִשְׁפְּטֵי־פִֽיךָ׃
ידיד בְּדֶ֖רֶךְ עֵדְוֺתֶ֥יךָ שַּׂ֗שְׂתִּי^נשַּׂ֗שְׂתִּי=א?,ל,ש1,ב1 (שי"ן דגושה?); הדגש מטושטש בכתר. כך אצל ברויאר ומג"ה ומ"מ וסימנים; מ"ג=שַׂ֗שְׂתִּי (אין דגש בשי"ן).
כְּעַ֣ל כׇּל־הֽוֹן׃
טוטו בְּפִקּוּדֶ֥יךָ אָשִׂ֑יחָה
וְ֝אַבִּ֗יטָה אֹֽרְחֹתֶֽיךָ׃
טזטז בְּחֻקֹּתֶ֥יךָ אֶֽשְׁתַּעֲשָׁ֑ע
לֹ֖א אֶשְׁכַּ֣ח דְּבָרֶֽךָ׃
{פ}　　
יזיז גְּמֹ֖ל עַל־עַבְדְּךָ֥ אֶחְיֶ֗ה
וְאֶשְׁמְרָ֥ה דְבָרֶֽךָ׃
יחיח גַּל־עֵינַ֥י וְאַבִּ֑יטָה
נִ֝פְלָא֗וֹת מִתּוֹרָתֶֽךָ׃
יטיט גֵּ֣ר אָנֹכִ֣י בָאָ֑רֶץ
אַל־תַּסְתֵּ֥ר מִ֝מֶּ֗נִּי מִצְוֺתֶֽיךָ׃
ככ גָּרְסָ֣ה נַפְשִׁ֣י לְתַאֲבָ֑ה
אֶֽל־מִשְׁפָּטֶ֥יךָ בְכׇל־עֵֽת׃
כאכא גָּ֭עַרְתָּ זֵדִ֣ים אֲרוּרִ֑ים
הַ֝שֹּׁגִ֗ים מִמִּצְוֺתֶֽיךָ׃
כבכב גַּ֣ל מֵ֭עָלַי חֶרְפָּ֣ה וָב֑וּז
כִּ֖י עֵדֹתֶ֣יךָ נָצָֽרְתִּי׃
כגכג גַּ֤ם יָשְׁב֣וּ שָׂ֭רִים בִּ֣י נִדְבָּ֑רוּ
עַ֝בְדְּךָ֗ יָשִׂ֥יחַ בְּחֻקֶּֽיךָ׃
כדכד גַּֽם־עֵ֭דֹתֶיךָ שַׁעֲשֻׁעָ֗י
אַנְשֵׁ֥י עֲצָתִֽי׃
{פ}　　
כהכה דָּבְקָ֣ה לֶעָפָ֣ר נַפְשִׁ֑י
חַ֝יֵּ֗נִי כִּדְבָרֶֽךָ׃
כוכו דְּרָכַ֣י סִ֭פַּרְתִּי וַֽתַּעֲנֵ֗נִי
לַמְּדֵ֥נִי חֻקֶּֽיךָ׃
כזכז דֶּרֶךְ־פִּקּוּדֶ֥יךָ הֲבִינֵ֑נִי
וְ֝אָשִׂ֗יחָה בְּנִפְלְאוֹתֶֽיךָ׃
כחכח דָּלְפָ֣ה נַ֭פְשִׁי מִתּוּגָ֑ה
קַ֝יְּמֵ֗נִי כִּדְבָרֶֽךָ׃
כטכט דֶּֽרֶךְ־שֶׁ֭קֶר הָסֵ֣ר מִמֶּ֑נִּי
וְֽתוֹרָתְךָ֥ חׇנֵּֽנִי׃
לל דֶּֽרֶךְ־אֱמוּנָ֥ה בָחָ֑רְתִּי
מִשְׁפָּטֶ֥יךָ שִׁוִּֽיתִי׃
לאלא דָּבַ֥קְתִּי בְעֵדְוֺתֶ֑יךָ
יְ֝הֹוָ֗ה אַל־תְּבִישֵֽׁנִי׃
לבלב דֶּֽרֶךְ־מִצְוֺתֶ֥יךָ אָר֑וּץ
כִּ֖י תַרְחִ֣יב לִבִּֽי׃
{פ}　　
לגלג הוֹרֵ֣נִי יְ֭הֹוָה דֶּ֥רֶךְ חֻקֶּ֗יךָ
וְאֶצְּרֶ֥נָּה עֵֽקֶב׃
לדלד הֲ֭בִינֵנִי וְאֶצְּרָ֥ה תוֹרָתֶ֗ךָ
וְאֶשְׁמְרֶ֥נָּה בְכׇל־לֵֽב׃
להלה הַ֭דְרִיכֵנִי בִּנְתִ֣יב מִצְוֺתֶ֑יךָ
כִּי־ב֥וֹ חָפָֽצְתִּי׃
לולו הַט־לִ֭בִּי אֶל־עֵדְוֺתֶ֗יךָ
וְאַ֣ל אֶל־בָּֽצַע׃
לזלז הַעֲבֵ֣ר עֵ֭ינַי מֵרְא֣וֹת שָׁ֑וְא
בִּדְרָכֶ֥ךָ חַיֵּֽנִי׃
לחלח הָקֵ֣ם לְ֭עַבְדְּךָ אִמְרָתֶ֑ךָ
אֲ֝שֶׁ֗ר לְיִרְאָתֶֽךָ׃
לטלט הַעֲבֵ֣ר חֶ֭רְפָּתִי אֲשֶׁ֣ר יָגֹ֑רְתִּי
כִּ֖י מִשְׁפָּטֶ֣יךָ טוֹבִֽים׃
ממ הִ֭נֵּה תָּאַ֣בְתִּי לְפִקֻּדֶ֑יךָ
בְּצִדְקָתְךָ֥ חַיֵּֽנִי׃
{פ}　　
מאמא וִיבֹאֻ֣נִי חֲסָדֶ֣ךָ יְהֹוָ֑ה
תְּ֝שׁ֥וּעָתְךָ֗ כְּאִמְרָתֶֽךָ׃
מבמב וְאֶעֱנֶ֣ה חֹרְפִ֣י דָבָ֑ר
כִּֽי־בָ֝טַ֗חְתִּי בִּדְבָרֶֽךָ׃
מגמג וְֽאַל־תַּצֵּ֬ל מִפִּ֣י דְבַר־אֱמֶ֣ת עַד־מְאֹ֑ד
כִּ֖י לְמִשְׁפָּטֶ֣ךָ יִחָֽלְתִּי׃
מדמד וְאֶשְׁמְרָ֖ה תוֹרָתְךָ֥ תָמִ֗יד
לְעוֹלָ֥ם וָעֶֽד׃
מהמה וְאֶתְהַלְּכָ֥ה בָרְחָבָ֑ה
כִּ֖י פִקֻּדֶ֣יךָ דָרָֽשְׁתִּי׃
מומו וַאֲדַבְּרָ֣ה בְ֭עֵדֹתֶיךָ נֶ֥גֶד מְלָכִ֗ים
וְלֹ֣א אֵבֽוֹשׁ׃
מזמז וְאֶשְׁתַּעֲשַׁ֥ע בְּמִצְוֺתֶ֗יךָ
אֲשֶׁ֣ר אָהָֽבְתִּי׃
מחמח וְאֶשָּֽׂא־כַפַּ֗י אֶֽל־מִ֭צְוֺתֶיךָ אֲשֶׁ֥ר אָהָ֗בְתִּי
וְאָשִׂ֥יחָה בְחֻקֶּֽיךָ׃
{פ}　　
מטמט זְכֹר־דָּבָ֥ר לְעַבְדֶּ֑ךָ
עַ֝֗ל^נעַ֝֗ל · א=עַ֝ל (השמטת נקודת הרביע) אֲשֶׁ֣ר יִחַלְתָּֽנִי׃
ננ זֹ֣את נֶחָמָתִ֣י בְעׇנְיִ֑י
כִּ֖י אִמְרָתְךָ֣ חִיָּֽתְנִי׃
נאנא זֵ֭דִים הֱלִיצֻ֣נִי עַד־מְאֹ֑ד
מִ֝תּ֥וֹרָתְךָ֗ לֹ֣א נָטִֽיתִי׃
נבנב זָ֘כַ֤רְתִּי מִשְׁפָּטֶ֖יךָ מֵעוֹלָ֥ם ׀ יְהֹוָ֗ה
וָאֶתְנֶחָֽם׃
נגנג זַלְעָפָ֣ה אֲ֭חָזַתְנִי מֵרְשָׁעִ֑ים
עֹ֝זְבֵ֗י תּוֹרָתֶֽךָ׃
נדנד זְ֭מִרוֹת הָיוּ־לִ֥י חֻקֶּ֗יךָ
בְּבֵ֣ית מְגוּרָֽי׃
נהנה זָ֘כַ֤רְתִּי בַלַּ֣יְלָה שִׁמְךָ֣ יְהֹוָ֑ה
וָ֝אֶשְׁמְרָ֗ה תּוֹרָתֶֽךָ׃
נונו זֹ֥את הָיְתָה־לִּ֑י
כִּ֖י פִקֻּדֶ֣יךָ נָצָֽרְתִּי׃
{פ}　　
נזנז חֶלְקִ֖י יְהֹוָ֥ה אָמַ֗רְתִּי
לִשְׁמֹ֥ר דְּבָרֶֽיךָ׃
נחנח חִלִּ֣יתִי פָנֶ֣יךָ בְכׇל־לֵ֑ב
חׇ֝נֵּ֗נִי כְּאִמְרָתֶֽךָ׃
נטנט חִשַּׁ֥בְתִּי דְרָכָ֑י
וָאָשִׁ֥יבָה רַ֝גְלַ֗י אֶל־עֵדֹתֶֽיךָ׃
סס חַ֭שְׁתִּי וְלֹ֣א הִתְמַהְמָ֑הְתִּי
לִ֝שְׁמֹ֗ר מִצְוֺתֶֽיךָ׃
סאסא חֶבְלֵ֣י רְשָׁעִ֣ים עִוְּדֻ֑נִי
תּ֥֝וֹרָתְךָ֗ לֹ֣א שָׁכָֽחְתִּי׃
סבסב חֲצֽוֹת־לַ֗יְלָה אָ֭קוּם לְהוֹד֣וֹת לָ֑ךְ
עַ֝֗ל^נעַ֝֗ל · א=עַ֝ל (השמטת נקודת הרביע) מִשְׁפְּטֵ֥י צִדְקֶֽךָ׃
סגסג חָבֵ֣ר אָ֭נִי לְכׇל־אֲשֶׁ֣ר יְרֵא֑וּךָ
וּ֝לְשֹׁמְרֵ֗י פִּקּוּדֶֽיךָ׃
סדסד חַסְדְּךָ֣ יְ֭הֹוָה מָלְאָ֥ה הָאָ֗רֶץ
חֻקֶּ֥יךָ לַמְּדֵֽנִי׃
{פ}　　
סהסה ט֭וֹב עָשִׂ֣יתָ עִֽם־עַבְדְּךָ֑
יְ֝הֹוָ֗ה כִּדְבָרֶֽךָ׃
סוסו ט֤וּב טַ֣עַם וָדַ֣עַת לַמְּדֵ֑נִי
כִּ֖י בְמִצְוֺתֶ֣יךָ הֶאֱמָֽנְתִּי׃
סזסז טֶ֣רֶם אֶ֭עֱנֶה אֲנִ֣י שֹׁגֵ֑ג
וְ֝עַתָּ֗ה אִמְרָתְךָ֥ שָׁמָֽרְתִּי׃
סחסח טוֹב־אַתָּ֥ה וּמֵטִ֗יב
לַמְּדֵ֥נִי חֻקֶּֽיךָ׃
סטסט טָפְל֬וּ עָלַ֣י שֶׁ֣קֶר זֵדִ֑ים
אֲ֝נִ֗י בְּכׇל־לֵ֤ב ׀ אֶצֹּ֬ר פִּקּוּדֶֽיךָ׃
עע טָפַ֣שׁ כַּחֵ֣לֶב לִבָּ֑ם
אֲ֝נִ֗י תּוֹרָתְךָ֥ שִׁעֲשָֽׁעְתִּי׃
עאעא טֽוֹב־לִ֥י כִי־עֻנֵּ֑יתִי
לְ֝מַ֗עַן אֶלְמַ֥ד חֻקֶּֽיךָ׃
עבעב טֽוֹב־לִ֥י תוֹרַת־פִּ֑יךָ
מֵ֝אַלְפֵ֗י זָהָ֥ב וָכָֽסֶף׃
{פ}　　
עגעג יָדֶ֣יךָ עָ֭שׂוּנִי וַֽיְכוֹנְנ֑וּנִי
הֲ֝בִינֵ֗נִי וְאֶלְמְדָ֥ה מִצְוֺתֶֽיךָ׃
עדעד יְ֭רֵאֶיךָ יִרְא֣וּנִי וְיִשְׂמָ֑חוּ
כִּ֖י לִדְבָרְךָ֣ יִחָֽלְתִּי׃
עהעה יָדַ֣עְתִּי יְ֭הֹוָה כִּי־צֶ֣דֶק מִשְׁפָּטֶ֑יךָ
וֶ֝אֱמוּנָ֗ה עִנִּיתָֽנִי׃
עועו יְהִי־נָ֣א חַסְדְּךָ֣ לְנַחֲמֵ֑נִי
כְּאִמְרָתְךָ֥ לְעַבְדֶּֽךָ׃
עזעז יְבֹא֣וּנִי רַחֲמֶ֣יךָ וְאֶחְיֶ֑ה
כִּי־ת֥֝וֹרָתְךָ֗ שַׁעֲשֻׁעָֽי׃
עחעח יֵבֹ֣שׁוּ זֵ֭דִים כִּי־שֶׁ֣קֶר עִוְּת֑וּנִי
אֲ֝נִ֗י אָשִׂ֥יחַ בְּפִקּוּדֶֽיךָ׃
עטעט יָשׁ֣וּבוּ לִ֣י יְרֵאֶ֑יךָ
וְ֝יֹדְעֵ֗וי^קקקרי/כתיב · (וידעו) וְ֝יֹדְעֵ֗י עֵדֹתֶֽיךָ׃
פפ יְהִי־לִבִּ֣י תָמִ֣ים בְּחֻקֶּ֑יךָ
לְ֝מַ֗עַן לֹ֣א אֵבֽוֹשׁ׃
{פ}　　
פאפא כָּלְתָ֣ה לִתְשׁוּעָתְךָ֣ נַפְשִׁ֑י
לִדְבָרְךָ֥ יִחָֽלְתִּי׃
פבפב כָּל֣וּ עֵ֭ינַי לְאִמְרָתֶ֑ךָ
לֵ֝אמֹ֗ר מָתַ֥י תְּֽנַחֲמֵֽנִי׃
פגפג כִּֽי־הָ֭יִיתִי כְּנֹ֣אד בְּקִיט֑וֹר
חֻ֝קֶּ֗יךָ לֹ֣א שָׁכָֽחְתִּי׃
פדפד כַּמָּ֥ה יְמֵֽי־עַבְדֶּ֑ךָ
מָתַ֬י תַּעֲשֶׂ֖ה בְרֹדְפַ֣י מִשְׁפָּֽט׃
פהפה כָּרוּ־לִ֣י זֵדִ֣ים שִׁיח֑וֹת
אֲ֝שֶׁ֗ר לֹ֣א כְתוֹרָתֶֽךָ׃
פופו כׇּל־מִצְוֺתֶ֥יךָ אֱמוּנָ֑ה
שֶׁ֖קֶר רְדָפ֣וּנִי עׇזְרֵֽנִי׃
פזפז כִּ֭מְעַט כִּלּ֣וּנִי בָאָ֑רֶץ
וַ֝אֲנִ֗י לֹא־עָזַ֥בְתִּי פִקֻּדֶֽיךָ׃
פחפח כְּחַסְדְּךָ֥ חַיֵּ֑נִי
וְ֝אֶשְׁמְרָ֗ה עֵד֥וּת פִּֽיךָ׃
{פ}　　
פטפט לְעוֹלָ֥ם יְהֹוָ֑ה
דְּ֝בָרְךָ֗ נִצָּ֥ב בַּשָּׁמָֽיִם׃
צצ לְדֹ֣ר וָ֭דֹר אֱמוּנָתֶ֑ךָ
כּוֹנַ֥נְתָּֽ אֶ֝֗רֶץ^נאֶ֝֗רֶץ · א=אֶ֝רֶץ (השמטת נקודת הרביע) וַֽתַּעֲמֹֽד׃
צאצא לְֽ֭מִשְׁפָּטֶיךָ עָמְד֣וּ הַיּ֑וֹם
כִּ֖י הַכֹּ֣ל עֲבָדֶֽיךָ׃
צבצב לוּלֵ֣י ת֭וֹרָתְךָ שַׁעֲשֻׁעָ֑י
אָ֝֗ז^נאָ֝֗ז · א=אָ֝ז (השמטת נקודת הרביע) אָבַ֥דְתִּי בְעׇנְיִֽי׃
צגצג לְ֭עוֹלָם לֹא־אֶשְׁכַּ֣ח פִּקּוּדֶ֑יךָ
כִּ֥י בָ֝֗ם^נבָ֝֗ם · א=בָ֝ם (השמטת נקודת הרביע) חִיִּיתָֽנִי׃
צדצד לְֽךָ־אֲ֭נִי הוֹשִׁיעֵ֑נִי
כִּ֖י פִקּוּדֶ֣יךָ דָרָֽשְׁתִּי׃
צהצה לִ֤י קִוּ֣וּ רְשָׁעִ֣ים לְאַבְּדֵ֑נִי
עֵ֝דֹתֶ֗יךָ אֶתְבּוֹנָֽן׃
צוצו לְֽכׇל־תִּ֭כְלָה רָאִ֣יתִי קֵ֑ץ
רְחָבָ֖ה מִצְוָתְךָ֣ מְאֹֽד׃
{פ}　　
צזצז מָה־אָהַ֥בְתִּי תוֹרָתֶ֑ךָ
כׇּל־הַ֝יּ֗וֹם הִ֣יא שִׂיחָתִֽי׃
צחצח מֵֽ֭אֹיְבַי תְּחַכְּמֵ֣נִי מִצְוֺתֶ֑ךָ
כִּ֖י לְעוֹלָ֣ם הִיא־לִֽי׃
צטצט מִכׇּל־מְלַמְּדַ֥י הִשְׂכַּ֑לְתִּי
כִּ֥י עֵ֝דְוֺתֶ֗יךָ שִׂ֣יחָה לִֽי׃
קק מִזְּקֵנִ֥ים אֶתְבּוֹנָ֑ן
כִּ֖י פִקּוּדֶ֣יךָ נָצָֽרְתִּי׃
קאקא מִכׇּל־אֹ֣רַח רָ֭ע כָּלִ֣אתִי רַגְלָ֑י
לְ֝מַ֗עַן אֶשְׁמֹ֥ר דְּבָרֶֽךָ׃
קבקב מִמִּשְׁפָּטֶ֥יךָ לֹא־סָ֑רְתִּי
כִּי־אַ֝תָּ֗ה הוֹרֵתָֽנִי׃
קגקג מַה־נִּמְלְצ֣וּ לְ֭חִכִּי אִמְרָתֶ֗ךָ
מִדְּבַ֥שׁ לְפִֽי׃
קדקד מִפִּקּוּדֶ֥יךָ אֶתְבּוֹנָ֑ן
עַל־כֵּ֝֗ן^נעַל־כֵּ֝֗ן · א=עַל־כֵּ֝ן (השמטת נקודת הרביע) שָׂנֵ֤אתִי ׀ כׇּל־אֹ֬רַח שָֽׁקֶר׃
{פ}　　
קהקה נֵר־לְרַגְלִ֥י דְבָרֶ֑ךָ
וְ֝א֗וֹר לִנְתִיבָתִֽי׃
קוקו נִשְׁבַּ֥עְתִּי וָאֲקַיֵּ֑מָה
לִ֝שְׁמֹ֗ר מִשְׁפְּטֵ֥י צִדְקֶֽךָ׃
קזקז נַעֲנֵ֥יתִי עַד־מְאֹ֑ד
יְ֝הֹוָ֗ה חַיֵּ֥נִי כִדְבָרֶֽךָ׃
קחקח נִדְב֣וֹת פִּ֭י רְצֵה־נָ֣א יְהֹוָ֑ה
וּֽמִשְׁפָּטֶ֥יךָ לַמְּדֵֽנִי׃
קטקט נַפְשִׁ֣י בְכַפִּ֣י תָמִ֑יד
וְ֝ת֥וֹרָתְךָ֗ לֹ֣א שָׁכָֽחְתִּי׃
קיקי נָתְנ֬וּ רְשָׁעִ֣ים פַּ֣ח לִ֑י
וּ֝מִפִּקּוּדֶ֗יךָ לֹ֣א תָעִֽיתִי׃
קיאקיא נָחַ֣לְתִּי עֵדְוֺתֶ֣יךָ לְעוֹלָ֑ם
כִּֽי־שְׂשׂ֖וֹן לִבִּ֣י הֵֽמָּה׃
קיבקיב נָטִ֣יתִי לִ֭בִּי לַעֲשׂ֥וֹת חֻקֶּ֗יךָ
לְעוֹלָ֥ם עֵֽקֶב׃
{פ}　　
קיגקיג סֵעֲפִ֥ים שָׂנֵ֑אתִי
וְֽתוֹרָתְךָ֥ אָהָֽבְתִּי׃
קידקיד סִתְרִ֣י וּמָגִנִּ֣י אָ֑תָּה
לִדְבָרְךָ֥ יִחָֽלְתִּי׃
קטוקטו סוּרוּ־מִמֶּ֥נִּי מְרֵעִ֑ים
וְ֝אֶצְּﬞרָ֗ה^נוְ֝אֶצְּﬞרָ֗ה · א=וְ֝אֶצֲּרָ֗ה (חטף) מִצְוֺ֥ת אֱלֹהָֽי׃
קטזקטז סׇמְכֵ֣נִי כְאִמְרָתְךָ֣ וְאֶחְיֶ֑ה
וְאַל־תְּ֝בִישֵׁ֗נִי מִשִּׂבְרִֽי׃
קיזקיז סְעָדֵ֥נִי וְאִוָּשֵׁ֑עָה
וְאֶשְׁעָ֖ה בְחֻקֶּ֣יךָ תָמִֽיד׃
קיחקיח סָ֭לִיתָ כׇּל־שׁוֹגִ֣ים מֵחֻקֶּ֑יךָ
כִּי־שֶׁ֝֗קֶר^נכִּי־שֶׁ֝֗קֶר · א=כִּי־שֶׁ֝קֶר (השמטת נקודת הרביע) תַּרְמִיתָֽם׃
קיטקיט סִגִ֗ים הִשְׁבַּ֥תָּ כׇל־רִשְׁעֵי־אָ֑רֶץ
לָ֝כֵ֗ן אָהַ֥בְתִּי עֵדֹתֶֽיךָ׃
קכקכ סָמַ֣ר מִפַּחְדְּךָ֣ בְשָׂרִ֑י
וּֽמִמִּשְׁפָּטֶ֥יךָ יָרֵֽאתִי׃
{פ}　　
קכאקכא עָ֭שִׂיתִי מִשְׁפָּ֣ט וָצֶ֑דֶק
בַּל־תַּ֝נִּיחֵ֗נִי לְעֹשְׁקָֽי׃
קכבקכב עֲרֹ֣ב עַבְדְּךָ֣ לְט֑וֹב
אַֽל־יַעַשְׁקֻ֥נִי זֵדִֽים׃
קכגקכג עֵ֭ינַי כָּל֣וּ לִישׁוּעָתֶ֑ךָ
וּלְאִמְרַ֥ת צִדְקֶֽךָ׃
קכדקכד עֲשֵׂ֖ה עִם־עַבְדְּךָ֥ כְחַסְדֶּ֗ךָ
וְחֻקֶּ֥יךָ לַמְּדֵֽנִי׃
קכהקכה עַבְדְּךָ־אָ֥נִי הֲבִינֵ֑נִי
וְ֝אֵדְעָ֗ה עֵדֹתֶֽיךָ׃
קכוקכו עֵ֭ת לַעֲשׂ֣וֹת לַיהֹוָ֑ה
הֵ֝פֵ֗רוּ תּוֹרָתֶֽךָ׃
קכזקכז עַל־כֵּ֭ן אָהַ֣בְתִּי מִצְוֺתֶ֑יךָ
מִזָּהָ֥ב וּמִפָּֽז׃
קכחקכח עַל־כֵּ֤ן ׀ כׇּל־פִּקּ֣וּדֵי כֹ֣ל יִשָּׁ֑רְתִּי
כׇּל־אֹ֖רַח שֶׁ֣קֶר שָׂנֵֽאתִי׃
{פ}　　
קכטקכט פְּלָא֥וֹת עֵדְוֺתֶ֑יךָ
עַל־כֵּ֝֗ן^נעַל־כֵּ֝֗ן · א=עַל־כֵּ֝ן (השמטת נקודת הרביע) נְצָרָ֥תַם נַפְשִֽׁי׃
קלקל פֵּ֖תַח דְּבָרֶ֥יךָ יָאִ֗יר
מֵבִ֥ין פְּתָיִֽים׃
קלאקלא פִּֽי־פָ֭עַרְתִּי וָאֶשְׁאָ֑פָה
כִּ֖י לְמִצְוֺתֶ֣יךָ יָאָֽבְתִּי׃
קלבקלב פְּנֵה־אֵלַ֥י וְחׇנֵּ֑נִי
כְּ֝מִשְׁפָּ֗ט לְאֹהֲבֵ֥י שְׁמֶֽךָ׃
קלגקלג פְּ֭עָמַי הָכֵ֣ן בְּאִמְרָתֶ֑ךָ
וְֽאַל־תַּשְׁלֶט־בִּ֥י כׇל־אָֽוֶן׃
קלדקלד פְּ֭דֵנִי מֵעֹ֣שֶׁק אָדָ֑ם
וְ֝אֶשְׁמְרָ֗ה פִּקּוּדֶֽיךָ׃
קלהקלה פָּ֭נֶיךָ הָאֵ֣ר בְּעַבְדֶּ֑ךָ
וְ֝לַמְּדֵ֗נִי אֶת־חֻקֶּֽיךָ׃
קלוקלו פַּלְגֵי־מַ֭יִם יָרְד֣וּ עֵינָ֑י
עַ֝֗ל^נעַ֝֗ל · א=עַ֝ל (השמטת נקודת הרביע) לֹא־שָׁמְר֥וּ תוֹרָתֶֽךָ׃
{פ}　　
קלזקלז צַדִּ֣יק אַתָּ֣ה יְהֹוָ֑ה
וְ֝יָשָׁ֗ר מִשְׁפָּטֶֽיךָ׃
קלחקלח צִ֭וִּיתָ צֶ֣דֶק עֵדֹתֶ֑יךָ
וֶאֱמוּנָ֥ה^נוֶאֱמוּנָ֥ה=ל,ש1 ובדפוסים (וכן הכריעו ברויאר ומג"ה)א!=וֶאֱמוּנָ֥֗ה (נקודת רביע מיותרת באות נו"ן בנוסף למרכא) מְאֹֽד׃
קלטקלט צִמְּתַ֥תְנִי קִנְאָתִ֑י
כִּֽי־שָׁכְח֖וּ דְבָרֶ֣יךָ צָרָֽי׃
קמקמ צְרוּפָ֖ה אִמְרָתְךָ֥ מְאֹ֗ד
וְֽעַבְדְּךָ֥ אֲהֵבָֽהּ׃
קמאקמא צָעִ֣יר אָנֹכִ֣י וְנִבְזֶ֑ה
פִּ֝קֻּדֶ֗יךָ לֹ֣א שָׁכָֽחְתִּי׃
קמבקמב צִדְקָתְךָ֣ צֶ֣דֶק לְעוֹלָ֑ם
וְֽתוֹרָתְךָ֥ אֱמֶֽת׃
קמגקמג צַר־וּמָצ֥וֹק מְצָא֑וּנִי
מִ֝צְוֺתֶ֗יךָ שַׁעֲשֻׁעָֽי׃
קמדקמד צֶ֖דֶק עֵדְוֺתֶ֥יךָ לְעוֹלָ֗ם
הֲבִינֵ֥נִי וְאֶחְיֶֽה׃
{פ}　　
קמהקמה קָרָ֣אתִי בְכׇל־לֵ֭ב עֲנֵ֥נִי יְהֹוָ֗ה
חֻקֶּ֥יךָ אֶצֹּֽרָה׃
קמוקמו קְרָאתִ֥יךָ הוֹשִׁיעֵ֑נִי
וְ֝אֶשְׁמְרָ֗ה עֵדֹתֶֽיךָ׃
קמזקמז קִדַּ֣מְתִּי בַ֭נֶּשֶׁף וָאֲשַׁוֵּ֑עָה
(לדבריך)^קקקרי/כתיב · (לדבריך) לִדְבָרְךָ֥ יִחָֽלְתִּי׃
קמחקמח קִדְּמ֣וּ עֵ֭ינַי אַשְׁמֻר֑וֹת
לָ֝שִׂ֗יחַ בְּאִמְרָתֶֽךָ׃
קמטקמט ק֭וֹלִי שִׁמְעָ֣ה כְחַסְדֶּ֑ךָ
יְ֝הֹוָ֗ה כְּֽמִשְׁפָּטֶ֥ךָ חַיֵּֽנִי׃
קנקנ קָ֭רְבוּ רֹדְפֵ֣י זִמָּ֑ה
מִתּוֹרָתְךָ֥ רָחָֽקוּ׃
קנאקנא קָר֣וֹב אַתָּ֣ה יְהֹוָ֑ה
וְֽכׇל־מִצְוֺתֶ֥יךָ אֱמֶֽת׃
קנבקנב קֶ֣דֶם יָ֭דַעְתִּי מֵעֵדֹתֶ֑יךָ
כִּ֖י לְעוֹלָ֣ם יְסַדְתָּֽם׃
{פ}　　
קנגקנג רְאֵה־עׇנְיִ֥י וְחַלְּצֵ֑נִי
כִּי־ת֥֝וֹרָתְךָ֗ לֹ֣א שָׁכָֽחְתִּי׃
קנדקנד רִיבָ֣ה רִ֭יבִי וּגְאָלֵ֑נִי
לְאִמְרָתְךָ֥ חַיֵּֽנִי׃
קנהקנה רָח֣וֹק מֵרְשָׁעִ֣ים יְשׁוּעָ֑ה
כִּי־חֻ֝קֶּ֗יךָ לֹ֣א דָרָֽשׁוּ׃
קנוקנו רַחֲמֶ֖יךָ רַבִּ֥ים ׀ יְהֹוָ֑ה
כְּֽמִשְׁפָּטֶ֥יךָ חַיֵּֽנִי׃
קנזקנז רַ֭בִּים רֹדְפַ֣י וְצָרָ֑י
מֵ֝עֵדְוֺתֶ֗יךָ לֹ֣א נָטִֽיתִי׃
קנחקנח רָאִ֣יתִי בֹ֭גְדִים וָאֶתְקוֹטָ֑טָה
אֲשֶׁ֥ר אִ֝מְרָתְךָ֗ לֹ֣א שָׁמָֽרוּ׃
קנטקנט רְ֭אֵה כִּי־פִקּוּדֶ֣יךָ אָהָ֑בְתִּי
יְ֝הֹוָ֗ה כְּֽחַסְדְּךָ֥ חַיֵּֽנִי׃
קסקס רֹאשׁ־דְּבָרְךָ֥ אֱמֶ֑ת
וּ֝לְעוֹלָ֗ם כׇּל־מִשְׁפַּ֥ט צִדְקֶֽךָ׃
{פ}　　
קסאקסא שָׂ֭רִים רְדָפ֣וּנִי חִנָּ֑ם
(ומדבריך)^קקקרי/כתיב · (ומדבריך) וּ֝מִדְּבָרְךָ֗ פָּחַ֥ד לִבִּֽי׃
קסבקסב שָׂ֣שׂ אָ֭נֹכִי עַל־אִמְרָתֶ֑ךָ
כְּ֝מוֹצֵ֗א שָׁלָ֥ל רָֽב׃
קסגקסג שֶׁ֣קֶר שָׂ֭נֵאתִי וַאֲתַעֵ֑בָה
תּוֹרָתְךָ֥ אָהָֽבְתִּי׃
קסדקסד שֶׁ֣בַע בַּ֭יּוֹם הִלַּלְתִּ֑יךָ
עַ֝֗ל מִשְׁפְּטֵ֥י צִדְקֶֽךָ׃
קסהקסה שָׁל֣וֹם רָ֭ב לְאֹהֲבֵ֣י תוֹרָתֶ֑ךָ
וְאֵֽין־לָ֥מוֹ מִכְשֽׁוֹל׃
קסוקסו שִׂבַּ֣רְתִּי לִישׁוּעָתְךָ֣ יְהֹוָ֑ה
וּֽמִצְוֺתֶ֥יךָ עָשִֽׂיתִי׃
קסזקסז שָֽׁמְרָ֣ה נַ֭פְשִׁי עֵדֹתֶ֑יךָ
וָאֹהֲבֵ֥ם מְאֹֽד׃
קסחקסח שָׁמַ֣רְתִּי פִ֭קּוּדֶיךָ וְעֵדֹתֶ֑יךָ
כִּ֖י כׇל־דְּרָכַ֣י נֶגְדֶּֽךָ׃
{פ}　　
קסטקסט תִּקְרַ֤ב רִנָּתִ֣י לְפָנֶ֣יךָ יְהֹוָ֑ה
כִּדְבָרְךָ֥ הֲבִינֵֽנִי׃
קעקע תָּב֣וֹא תְחִנָּתִ֣י לְפָנֶ֑יךָ
כְּ֝אִמְרָתְךָ֗ הַצִּילֵֽנִי׃
קעאקעא תַּבַּ֣עְנָה שְׂפָתַ֣י תְּהִלָּ֑ה
כִּ֖י תְלַמְּדֵ֣נִי חֻקֶּֽיךָ׃
קעבקעב תַּ֣עַן לְ֭שׁוֹנִי אִמְרָתֶ֑ךָ
כִּ֖י כׇל־מִצְוֺתֶ֣יךָ צֶּֽדֶק׃
קעגקעג תְּהִי־יָדְךָ֥ לְעׇזְרֵ֑נִי
כִּ֖י פִקּוּדֶ֣יךָ בָחָֽרְתִּי׃
קעדקעד תָּאַ֣בְתִּי לִישׁוּעָתְךָ֣ יְהֹוָ֑ה
וְ֝ת֥וֹרָתְךָ֗ שַׁעֲשֻׁעָֽי׃
קעהקעה תְּֽחִי־נַ֭פְשִׁי וּֽתְהַלְﬞלֶ֑ךָּ^נוּֽתְהַלְﬞלֶ֑ךָּ · א=וּֽתְהַלֲלֶ֑ךָּ (חטף)
וּֽמִשְׁפָּטֶ֥ךָ יַעְזְרֻֽנִי׃
קעוקעו תָּעִ֗יתִי כְּשֶׂ֣ה אֹ֭בֵד בַּקֵּ֣שׁ עַבְדֶּ֑ךָ
כִּ֥י מִ֝צְוֺתֶ֗יךָ לֹ֣א שָׁכָֽחְתִּי׃