ספר תהלים

{פ}　　
קטזאא אָ֭הַבְתִּי כִּי־יִשְׁמַ֥ע ׀ יְהֹוָ֑ה
אֶת־ק֝וֹלִ֗י תַּחֲנוּנָֽי׃
בב כִּֽי־הִטָּ֣ה אׇזְנ֣וֹ לִ֑י
וּבְיָמַ֥י אֶקְרָֽא׃
גג אֲפָפ֤וּנִי ׀ חֶבְלֵי־מָ֗וֶת
וּמְצָרֵ֣י שְׁא֣וֹל מְצָא֑וּנִי
צָרָ֖ה וְיָג֣וֹן אֶמְצָֽא׃
דד וּבְשֵֽׁם־יְהֹוָ֥ה אֶקְרָ֑א
אָנָּ֥ה יְ֝הֹוָ֗ה מַלְּטָ֥ה נַפְשִֽׁי׃
הה חַנּ֣וּן יְהֹוָ֣ה וְצַדִּ֑יק
וֵ֖אלֹהֵ֣ינוּ מְרַחֵֽם׃
וו שֹׁמֵ֣ר פְּתָאיִ֣ם יְהֹוָ֑ה
דַּ֝לֹּתִ֗י וְלִ֣י יְהוֹשִֽׁיעַ׃
זז שׁוּבִ֣י נַ֭פְשִׁי לִמְנוּחָ֑יְכִי
כִּֽי־יְ֝הֹוָ֗ה גָּמַ֥ל עָלָֽיְכִי׃
חח כִּ֤י חִלַּ֥צְתָּ נַפְשִׁ֗ימִ֫מָּ֥וֶת
אֶת־עֵינִ֥י מִן־דִּמְעָ֑ה
אֶת־רַגְלִ֥י מִדֶּֽחִי׃
טט אֶ֭תְהַלֵּךְ לִפְנֵ֣י יְהֹוָ֑ה
בְּ֝אַרְצ֗וֹת הַחַיִּֽים׃
יי הֶ֭אֱמַנְתִּי כִּ֣י אֲדַבֵּ֑ר
אֲ֝נִ֗י עָנִ֥יתִי מְאֹֽד׃
יאיא אֲ֭נִי אָמַ֣רְתִּי בְחׇפְזִ֑י
כׇּֽל־הָאָדָ֥ם כֹּזֵֽב׃
יביב מָה־אָשִׁ֥יב לַיהֹוָ֑ה
כׇּֽל־תַּגְמוּל֥וֹהִי עָלָֽי׃
יגיג כּוֹס־יְשׁוּע֥וֹת אֶשָּׂ֑א
וּבְשֵׁ֖ם יְהֹוָ֣ה אֶקְרָֽא׃
ידיד נְ֭דָרַי לַיהֹוָ֣ה אֲשַׁלֵּ֑ם
נֶגְדָה־נָּ֝֗א^ננֶגְדָה־נָּ֝֗א · א=נֶגְדָה־נָּ֝א (השמטת נקודת הרביע) לְכׇל־עַמּֽוֹ׃
טוטו יָ֭קָר בְּעֵינֵ֣י יְהֹוָ֑ה
הַ֝מָּ֗וְתָה לַחֲסִידָֽיו׃
טזטז אָנָּ֣ה יְהֹוָה֮כִּי־אֲנִ֢י עַ֫בְדֶּ֥ךָ
אֲֽנִי־עַ֭בְדְּךָ בֶּן־אֲמָתֶ֑ךָ
פִּ֝תַּ֗חְתָּ לְמֽוֹסֵרָֽי׃
יזיז לְֽךָ־אֶ֭זְבַּח זֶ֣בַח תּוֹדָ֑ה
וּבְשֵׁ֖ם יְהֹוָ֣ה אֶקְרָֽא׃
יחיח נְ֭דָרַי לַיהֹוָ֣ה אֲשַׁלֵּ֑ם
נֶגְדָה־נָּ֝֗א^ננֶגְדָה־נָּ֝֗א · א=נֶגְדָה־נָּ֝א (השמטת נקודת הרביע) לְכׇל־עַמּֽוֹ׃
יטיט בְּחַצְר֤וֹת ׀ בֵּ֤ית יְהֹוָ֗ה
בְּֽת֘וֹכֵ֤כִי יְֽרוּשָׁלָ֗͏ִםם
הַֽלְלוּ־יָֽהּ׃