ספר תהלים

{פ}　　
קטאא לַ֭מְנַצֵּחַ לְדָוִ֣ד מִזְמ֑וֹר
^נפרשה פתוחהאֱלֹהֵ֥י תְ֝הִלָּתִ֗י
אַֽל־תֶּחֱרַֽשׁ׃
בב כִּ֤י פִ֪י רָשָׁ֡ע
וּֽפִי־מִ֭רְמָהעָלַ֣י פָּתָ֑חוּ
דִּבְּר֥וּ אִ֝תִּ֗י לְשׁ֣וֹן שָֽׁקֶר׃
גג וְדִבְרֵ֣י שִׂנְאָ֣ה סְבָב֑וּנִי
וַיִּֽלָּחֲמ֥וּנִי חִנָּֽם׃
דד תַּֽחַת־אַהֲבָתִ֥י יִשְׂטְנ֗וּנִי
וַאֲנִ֥י תְפִלָּֽה׃
הה וַיָּ֘שִׂ֤ימוּ עָלַ֣י רָ֭עָה תַּ֣חַת טוֹבָ֑ה
וְ֝שִׂנְאָ֗ה תַּ֣חַת אַהֲבָתִֽי׃
וו הַפְקֵ֣ד עָלָ֣יו רָשָׁ֑ע
וְ֝שָׂטָ֗ן יַעֲמֹ֥ד עַל־יְמִינֽוֹ׃
זז בְּ֭הִשָּׁ֣פְטוֹ יֵצֵ֣א רָשָׁ֑ע
וּ֝תְפִלָּת֗וֹ תִּֽהְיֶ֥ה לַחֲטָאָֽה׃
חח יִֽהְיוּ־יָמָ֥יו מְעַטִּ֑ים
פְּ֝קֻדָּת֗וֹ יִקַּ֥ח אַחֵֽר׃
טט יִֽהְיוּ־בָנָ֥יו יְתוֹמִ֑ים
וְ֝אִשְׁתּ֗וֹ אַלְמָנָֽה׃
יי וְנ֤וֹעַ יָנ֣וּעוּ בָנָ֣יו וְשִׁאֵ֑לוּ
וְ֝דָרְשׁ֗וּ מֵחׇרְבֽוֹתֵיהֶֽם׃
יאיא יְנַקֵּ֣שׁ נ֭וֹשֶׁה לְכׇל־אֲשֶׁר־ל֑וֹ
וְיָבֹ֖זּוּ זָרִ֣ים יְגִיעֽוֹ׃
יביב אַל־יְהִי־ל֭וֹ מֹשֵׁ֣ךְ חָ֑סֶד
וְֽאַל־יְהִ֥י ח֝וֹנֵ֗ן לִֽיתוֹמָֽיו׃
יגיג יְהִי־אַחֲרִית֥וֹ לְהַכְרִ֑ית
בְּד֥וֹר אַ֝חֵ֗ר יִמַּ֥ח שְׁמָֽם׃
ידיד יִזָּכֵ֤ר ׀ עֲוֺ֣ן אֲ֭בֹתָיו אֶל־יְהֹוָ֑ה
וְחַטַּ֥את אִ֝מּ֗וֹ אַל־תִּמָּֽח׃
טוטו יִהְי֣וּ נֶגֶד־יְהֹוָ֣ה תָּמִ֑יד
וְיַכְרֵ֖ת מֵאֶ֣רֶץ זִכְרָֽם׃
טזטז יַ֗עַן אֲשֶׁ֤ר ׀ לֹ֥א זָכַר֮עֲשׂ֢וֹת חָ֥֫סֶד^נחָ֥֫סֶד=דפוסיםא=חָ֥סֶד (השמטת סימן העולה)
וַיִּרְדֹּ֡ף אִישׁ־עָנִ֣י וְ֭אֶבְיוֹן
וְנִכְאֵ֨ה לֵבָ֬ב לְמוֹתֵֽת׃
יזיז וַיֶּאֱהַ֣ב קְ֭לָלָה וַתְּבוֹאֵ֑הוּ
וְֽלֹא־חָפֵ֥ץ בִּ֝בְרָכָ֗ה וַתִּרְחַ֥ק מִמֶּֽנּוּ׃
יחיח וַיִּלְבַּ֥שׁ קְלָלָ֗הכְּמַ֫דּ֥וֹ
וַתָּבֹ֣א כַמַּ֣יִם בְּקִרְבּ֑וֹ
וְ֝כַשֶּׁ֗מֶן בְּעַצְמוֹתָֽיו׃
יטיט תְּהִי־ל֭וֹ כְּבֶ֣גֶד יַעְטֶ֑ה
וּ֝לְמֵ֗זַח תָּמִ֥יד יַחְגְּרֶֽהָ׃
ככ זֹ֤את פְּעֻלַּ֣ת שֹׂ֭טְנַי מֵאֵ֣ת יְהֹוָ֑ה
וְהַדֹּבְרִ֥ים רָ֝֗ע^נרָ֝֗ע · א=רָ֝ע (השמטת נקודת הרביע) עַל־נַפְשִֽׁי׃
כאכא וְאַתָּ֤ה ׀ יֱ֘הֹוִ֤ה^ניֱ֘הֹוִ֤ה · =א (מקום הצינורית כדרכו <יְ֘הוִ֤ה>) אֲדֹנָ֗י
עֲֽשֵׂה־אִ֭תִּילְמַ֣עַן שְׁמֶ֑ךָ
כִּי־ט֥וֹב חַ֝סְדְּךָ֗ הַצִּילֵֽנִי׃
כבכב כִּי־עָנִ֣י וְאֶבְי֣וֹן אָנֹ֑כִי
וְ֝לִבִּ֗י חָלַ֥ל בְּקִרְבִּֽי׃
כגכג כְּצֵל־כִּנְטוֹת֥וֹ נֶהֱלָ֑כְתִּי
נִ֝נְעַ֗רְתִּי כָּאַרְבֶּֽה׃
כדכד בִּ֭רְכַּי כָּשְׁל֣וּ מִצּ֑וֹם
וּ֝בְשָׂרִ֗י כָּחַ֥שׁ מִשָּֽׁמֶן׃
כהכה וַאֲנִ֤י ׀ הָיִ֣יתִי חֶרְפָּ֣ה לָהֶ֑ם
יִ֝רְא֗וּנִי יְנִיע֥וּן רֹאשָֽׁם׃
כוכו עׇ֭זְרֵנִי יְהֹוָ֣ה אֱלֹהָ֑י
ה֖וֹשִׁיעֵ֣נִי כְחַסְדֶּֽךָ׃
כזכז וְֽ֭יֵדְעוּ כִּי־יָ֣דְךָ זֹּ֑את
אַתָּ֖ה יְהֹוָ֣ה עֲשִׂיתָֽהּ׃
כחכח יְקַֽלְﬞלוּ־הֵמָּה֮^ניְקַֽלְﬞלוּ־הֵמָּה֮ · א=יְקַֽלֲלוּ־הֵמָּה֮ (חטף) וְאַתָּ֢ה תְבָ֫רֵ֥ךְ
קָ֤מוּ ׀ וַיֵּבֹ֗שׁוּ וְֽעַבְדְּךָ֥ יִשְׂמָֽח׃
כטכט יִלְבְּשׁ֣וּ שׂוֹטְנַ֣י כְּלִמָּ֑ה
וְיַעֲט֖וּ כַמְעִ֣יל בׇּשְׁתָּֽם׃
לל א֘וֹדֶ֤ה יְהֹוָ֣ה מְאֹ֣ד בְּפִ֑י
וּבְת֖וֹךְ רַבִּ֣ים אֲהַלְﬞלֶֽנּוּ^נאֲהַלְﬞלֶֽנּוּ · א=אֲהַלֲלֶֽנּוּ (חטף)׃
לאלא כִּֽי־יַ֭עֲמֹד לִימִ֣ין אֶבְי֑וֹן
לְ֝הוֹשִׁ֗יעַ מִשֹּׁפְטֵ֥י נַפְשֽׁוֹ׃