ספר תהלים

קזאא הֹד֣וּ לַיהֹוָ֣ה כִּי־ט֑וֹב
כִּ֖י לְעוֹלָ֣ם חַסְדּֽוֹ׃
בב יֹ֭אמְרוּ גְּאוּלֵ֣י יְהֹוָ֑ה
אֲשֶׁ֥ר גְּ֝אָלָ֗ם מִיַּד־צָֽר׃
גג וּֽמֵאֲרָצ֗וֹתקִ֫בְּצָ֥ם
מִמִּזְרָ֥ח וּמִֽמַּעֲרָ֑ב
מִצָּפ֥וֹן וּמִיָּֽם׃
דד תָּע֣וּ בַ֭מִּדְבָּר בִּישִׁימ֣וֹן דָּ֑רֶךְ
עִ֥יר מ֝וֹשָׁ֗ב לֹ֣א מָצָֽאוּ׃
הה רְעֵבִ֥ים גַּם־צְמֵאִ֑ים
נַ֝פְשָׁ֗ם בָּהֶ֥ם תִּתְעַטָּֽף^נתִּתְעַטָּֽף=ל,ש1 ובדפוסיםא!=תִתְעַטָּֽף (חסר דגש באות תי"ו הראשונה, וסימן הרפה תלוי בין שתי אותיות התי"ו)׃
וו וַיִּצְעֲק֣וּ אֶל־יְ֭הֹוָה בַּצַּ֣ר לָהֶ֑ם
מִ֝מְּצ֥וּקוֹתֵיהֶ֗ם יַצִּילֵֽם׃
זז וַֽ֭יַּדְרִיכֵם בְּדֶ֣רֶךְ יְשָׁרָ֑ה
לָ֝לֶ֗כֶת אֶל־עִ֥יר מוֹשָֽׁב׃
חח יוֹד֣וּ לַיהֹוָ֣ה חַסְדּ֑וֹ
וְ֝נִפְלְאוֹתָ֗יו לִבְנֵ֥י אָדָֽם׃
טט כִּֽי־הִ֭שְׂבִּיעַ נֶ֣פֶשׁ שֹׁקֵקָ֑ה
וְנֶ֥פֶשׁ רְ֝עֵבָ֗ה מִלֵּא־טֽוֹב׃
יי יֹ֭שְׁבֵי חֹ֣שֶׁךְ וְצַלְמָ֑וֶת
אֲסִירֵ֖י עֳנִ֣י וּבַרְזֶֽל׃
יאיא כִּֽי־הִמְר֥וּ אִמְרֵי־אֵ֑ל
וַעֲצַ֖ת עֶלְי֣וֹן נָאָֽצוּ׃
יביב וַיַּכְנַ֣ע בֶּעָמָ֣ל לִבָּ֑ם
כָּ֝שְׁל֗וּ וְאֵ֣ין עֹזֵֽר׃
יגיג וַיִּזְעֲק֣וּ אֶל־יְ֭הֹוָה בַּצַּ֣ר לָהֶ֑ם
מִ֝מְּצֻ֥קוֹתֵיהֶ֗ם יוֹשִׁיעֵֽם׃
ידיד י֭וֹצִיאֵם מֵחֹ֣שֶׁךְ וְצַלְמָ֑וֶת
וּמוֹסְר֖וֹתֵיהֶ֣ם יְנַתֵּֽק׃
טוטו יוֹד֣וּ לַיהֹוָ֣ה חַסְדּ֑וֹ
וְ֝נִפְלְאוֹתָ֗יו לִבְנֵ֥י אָדָֽם׃
טזטז כִּי־שִׁ֭בַּר דַּלְת֣וֹת נְחֹ֑שֶׁת
וּבְרִיחֵ֖י בַרְזֶ֣ל גִּדֵּֽעַ׃
יזיז אֱ֭וִלִים מִדֶּ֣רֶךְ פִּשְׁעָ֑ם
וּֽ֝מֵעֲוֺ֥נֹתֵיהֶ֗ם יִתְעַנּֽוּ^ניִתְעַנּֽוּ=ל,ש1 וכמו כן בדפוסים וקורןא?!=יִתְעַנּֽו׃ (חסרה נקודת השורוק באות וי"ו?)׃
יחיח כׇּל־אֹ֭כֶל תְּתַעֵ֣ב נַפְשָׁ֑ם
וַ֝יַּגִּ֗יעוּ עַד־שַׁ֥עֲרֵי^נעַד־שַׁ֥עֲרֵי=ל וכך הכריעו ברויאר ומג"ה, וכמו כן בדפוסים וקורןא!,ש1=עַד שַׁ֥עֲרֵי (חסר מקף)ברויאר ציין מקף בתיבת משרת אחרי "שערי" אבל לא כך מופיע בכתב־היד. מָֽוֶת׃
יטיט וַיִּזְעֲק֣וּ אֶל־יְ֭הֹוָה בַּצַּ֣ר לָהֶ֑ם
מִ֝מְּצֻ֥קוֹתֵיהֶ֗ם יוֹשִׁיעֵֽם׃
ככ יִשְׁלַ֣ח דְּ֭בָרוֹ וְיִרְפָּאֵ֑ם
וִ֝ימַלֵּ֗ט מִשְּׁחִֽיתוֹתָֽם׃
כאכא יוֹד֣וּ לַיהֹוָ֣ה חַסְדּ֑וֹ
וְ֝נִפְלְאוֹתָ֗יו לִבְנֵ֥י אָדָֽם׃
כבכב וְ֭יִזְבְּחוּ זִבְחֵ֣י תוֹדָ֑ה
וִיסַפְּר֖וּ מַעֲשָׂ֣יו בְּרִנָּֽה׃
כגכג ׆יוֹרְדֵ֣י הַ֭יָּם
עֹשֵׂ֥י מְ֝לָאכָ֗ה בְּמַ֣יִם רַבִּֽים׃
כדכד ׆הֵ֣מָּה רָ֭אוּ מַעֲשֵׂ֣י יְהֹוָ֑ה
וְ֝נִפְלְאוֹתָ֗יו בִּמְצוּלָֽה׃
כהכה ׆וַיֹּ֗אמֶר וַֽ֭יַּעֲמֵד ר֣וּחַ סְעָרָ֑ה
וַתְּרוֹמֵ֥ם גַּלָּֽיו׃
כוכו ׆יַעֲל֣וּ שָׁ֭מַיִם יֵרְד֣וּ תְהוֹמ֑וֹת
נַ֝פְשָׁ֗ם בְּרָעָ֥ה תִתְמוֹגָֽג׃
כזכז ׆יָח֣וֹגּוּ וְ֭יָנוּעוּ כַּשִּׁכּ֑וֹר
וְכׇל־חׇ֝כְמָתָ֗ם תִּתְבַּלָּֽע׃
כחכח ׆וַיִּצְעֲק֣וּ אֶל־יְ֭הֹוָה בַּצַּ֣ר לָהֶ֑ם
וּֽ֝מִמְּצ֥וּקֹתֵיהֶ֗ם יוֹצִיאֵֽם׃
כטכט יָקֵ֣ם סְ֭עָרָה לִדְמָמָ֑ה
וַ֝יֶּחֱשׁ֗וּ גַּלֵּיהֶֽם׃
לל וַיִּשְׂמְח֥וּ כִֽי־יִשְׁתֹּ֑קוּ
וַ֝יַּנְחֵ֗ם אֶל־מְח֥וֹז חֶפְצָֽם׃
לאלא יוֹד֣וּ לַיהֹוָ֣ה חַסְדּ֑וֹ
וְ֝נִפְלְאוֹתָ֗יו לִבְנֵ֥י אָדָֽם׃
לבלב וִֽ֭ירוֹמְמוּהוּ בִּקְהַל־עָ֑ם
וּבְמוֹשַׁ֖ב זְקֵנִ֣ים יְהַלְלֽוּהוּ׃
לגלג יָשֵׂ֣ם נְהָר֣וֹת לְמִדְבָּ֑ר
וּמֹצָ֥אֵי מַ֝֗יִם^נמַ֝֗יִם · א=מַ֝יִם (השמטת נקודת הרביע) לְצִמָּאֽוֹן׃
לדלד אֶ֣רֶץ פְּ֭רִי לִמְלֵחָ֑ה
מֵ֝רָעַ֗ת י֣וֹשְׁבֵי בָֽהּ׃
להלה יָשֵׂ֣ם מִ֭דְבָּר לַאֲגַם־מַ֑יִם
וְאֶ֥רֶץ צִ֝יָּ֗ה לְמֹצָ֥אֵי מָֽיִם׃
לולו וַיּ֣וֹשֶׁב שָׁ֣ם רְעֵבִ֑ים
וַ֝יְכוֹנְﬞנ֗וּ^נוַ֝יְכוֹנְﬞנ֗וּ · א=וַ֝יְכוֹנֲנ֗וּ (חטף) עִ֣יר מוֹשָֽׁב׃
לזלז וַיִּזְרְע֣וּ שָׂ֭דוֹת וַיִּטְּע֣וּ כְרָמִ֑ים
וַ֝יַּעֲשׂ֗וּ פְּרִ֣י תְבוּאָֽה׃
לחלח וַיְבָרְﬞכֵ֣ם^נוַיְבָרְﬞכֵ֣ם · א=וַיְבָרֲכֵ֣ם וַיִּרְבּ֣וּ מְאֹ֑ד
וּ֝בְהֶמְתָּ֗ם לֹ֣א יַמְעִֽיט׃
לטלט וַיִּמְעֲט֥וּ וַיָּשֹׁ֑חוּ
מֵעֹ֖צֶר רָעָ֣ה וְיָגֽוֹן׃
ממ ׆שֹׁפֵ֣ךְ בּ֭וּז עַל־נְדִיבִ֑ים
וַ֝יַּתְעֵ֗ם בְּתֹ֣הוּ לֹא־דָֽרֶךְ׃
מאמא וַיְשַׂגֵּ֣ב אֶבְי֣וֹן מֵע֑וֹנִי
וַיָּ֥שֶׂם כַּ֝צֹּ֗אן מִשְׁפָּחֽוֹת׃
מבמב יִרְא֣וּ יְשָׁרִ֣ים וְיִשְׂמָ֑חוּ
וְכׇל־עַ֝וְלָ֗ה קָ֣פְצָה פִּֽיהָ׃
מגמג מִי־חָכָ֥ם וְיִשְׁמׇר־אֵ֑לֶּה
וְ֝יִתְבּוֹנְﬞנ֗וּ^נוְ֝יִתְבּוֹנְﬞנ֗וּ · א=וְ֝יִתְבּוֹנֲנ֗וּ (חטף) חַֽסְדֵ֥י יְהֹוָֽה׃