ספר תהלים

{פ}　　
פגאא שִׁ֖יר מִזְמ֣וֹר לְאָסָֽף׃
^נפרשה פתוחה בב אֱלֹהִ֥ים אַל־דֳּמִי־לָ֑ךְ
אַל־תֶּחֱרַ֖שׁ וְאַל־תִּשְׁקֹ֣ט אֵֽל׃
גג כִּֽי־הִנֵּ֣ה א֭וֹיְבֶיךָ יֶהֱמָי֑וּן
וּ֝מְשַׂנְאֶ֗יךָ נָ֣שְׂאוּ רֹֽאשׁ׃
דד עַֽל־עַ֭מְּךָ יַעֲרִ֣ימוּ ס֑וֹד
וְ֝יִתְיָעֲצ֗וּ עַל־צְפוּנֶֽיךָ׃
הה אָמְר֗וּ לְ֭כוּ וְנַכְחִידֵ֣ם מִגּ֑וֹי
וְלֹֽא־יִזָּכֵ֖ר שֵֽׁם־יִשְׂרָאֵ֣ל עֽוֹד׃
וו כִּ֤י נוֹעֲצ֣וּ לֵ֣ב יַחְדָּ֑ו
עָ֝לֶ֗יךָ בְּרִ֣ית יִכְרֹֽתוּ׃
זז אֱ֭דוֹם וְיִשְׁמְעֵאלִ֗ים
מוֹאָ֥ב וְהַגְרִֽים׃
חח גְּבָ֣ל וְ֭עַמּוֹן וַעֲמָלֵ֑ק
פְּ֝לֶ֗שֶׁת עִם־יֹ֥שְׁבֵי צֽוֹר׃
טט גַּם־אַ֭שּׁוּר נִלְוָ֣ה עִמָּ֑ם
הָ֤יֽוּ זְר֖וֹעַ לִבְנֵי־ל֣וֹט סֶֽלָה׃
יי עֲשֵֽׂה־לָהֶ֥ם כְּמִדְיָ֑ן
כְּֽסִיסְרָ֥א כְ֝יָבִ֗ין בְּנַ֣חַל קִישֽׁוֹן׃
יאיא נִשְׁמְד֥וּ בְֽעֵין־דֹּ֑אר
הָ֥יוּ דֹ֝֗מֶן^נדֹ֝֗מֶן · א=דֹ֝מֶן (השמטת נקודת הרביע) לָאֲדָמָֽה׃
יביב שִׁיתֵ֣מוֹ נְ֭דִיבֵימוֹ כְּעֹרֵ֣ב וְכִזְאֵ֑ב
וּֽכְזֶ֥בַח וּ֝כְצַלְמֻנָּ֗ע כׇּל־נְסִיכֵֽימוֹ׃
יגיג אֲשֶׁ֣ר אָ֭מְרוּ נִ֣ירְﬞשָׁה^ננִ֣ירְﬞשָׁה · א=נִ֣ירֲשָׁה (חטף) לָּ֑נוּ
אֵ֝֗ת^נאֵ֝֗ת · א=אֵ֝ת (השמטת נקודת הרביע) נְא֣וֹת אֱלֹהִֽים׃
ידיד אֱֽלֹהַ֗י שִׁיתֵ֥מוֹ כַגַּלְגַּ֑ל
כְּ֝קַ֗שׁ לִפְנֵי־רֽוּחַ׃
טוטו כְּאֵ֥שׁ תִּבְעַר־יָ֑עַר
וּ֝כְלֶהָבָ֗ה תְּלַהֵ֥ט הָרִֽים׃
טזטז כֵּ֭ן תִּרְדְּפֵ֣ם בְּסַעֲרֶ֑ךָ
וּבְסוּפָתְךָ֥ תְבַהֲלֵֽם׃
יזיז מַלֵּ֣א פְנֵיהֶ֣ם קָל֑וֹן
וִיבַקְשׁ֖וּ שִׁמְךָ֣ יְהֹוָֽה׃
יחיח יֵבֹ֖שׁוּ וְיִבָּהֲל֥וּ עֲדֵי־עַ֗ד
וְֽיַחְפְּר֥וּ וְיֹאבֵֽדוּ׃
יטיט וְֽיֵדְע֗וּ כִּי־אַתָּ֬ה שִׁמְךָ֣ יְהֹוָ֣ה לְבַדֶּ֑ךָ
עֶ֝לְי֗וֹן עַל־כׇּל־הָאָֽרֶץ׃