ספר תהלים

{פ}　　
סגאא מִזְמ֥וֹר לְדָוִ֑ד
^נפרשה סתומהבִּ֝הְיוֹת֗וֹ בְּמִדְבַּ֥ר יְהוּדָֽה׃
בב אֱלֹהִ֤ים ׀ אֵלִ֥י אַתָּ֗האֲֽשַׁ֫חֲרֶ֥ךָּ
צָמְאָ֬ה לְךָ֨ ׀ נַפְשִׁ֗י כָּמַ֣הּ לְךָ֣ בְשָׂרִ֑י
בְּאֶרֶץ־צִיָּ֖ה וְעָיֵ֣ף בְּלִי־מָֽיִם׃
גג כֵּ֭ן בַּקֹּ֣דֶשׁ חֲזִיתִ֑ךָ
לִרְא֥וֹת עֻ֝זְּךָ֗ וּכְבוֹדֶֽךָ׃
דד כִּי־ט֣וֹב חַ֭סְדְּךָ מֵחַיִּ֗ים
שְׂפָתַ֥י יְשַׁבְּחֽוּנְךָ׃
הה כֵּ֣ן אֲבָרֶכְךָ֣ בְחַיָּ֑י
בְּ֝שִׁמְךָ֗ אֶשָּׂ֥א כַפָּֽי׃
וו כְּמ֤וֹ חֵ֣לֶב וָ֭דֶשֶׁן תִּשְׂבַּ֣ע נַפְשִׁ֑י
וְשִׂפְתֵ֥י רְ֝נָנ֗וֹת יְהַלֶּל־פִּֽי׃
זז אִם־זְכַרְתִּ֥יךָ עַל־יְצוּעָ֑י
בְּ֝אַשְׁמֻר֗וֹת אֶהְגֶּה־בָּֽךְ׃
חח כִּֽי־הָיִ֣יתָ עֶזְרָ֣תָה לִּ֑י
וּבְצֵ֖ל כְּנָפֶ֣יךָ אֲרַנֵּֽן׃
טט דָּבְקָ֣ה נַפְשִׁ֣י אַחֲרֶ֑יךָ
בִּ֝֗י^נבִּ֝֗י · א=בִּ֝י (השמטת נקודת הרביע) תָּמְכָ֥ה יְמִינֶֽךָ׃
יי וְהֵ֗מָּה לְ֭שׁוֹאָה יְבַקְשׁ֣וּ נַפְשִׁ֑י
יָ֝בֹ֗אוּ בְּֽתַחְתִּיּ֥וֹת הָאָֽרֶץ׃
יאיא יַגִּירֻ֥הוּ עַל־יְדֵי־חָ֑רֶב
מְנָ֖ת שֻׁעָלִ֣ים יִהְיֽוּ׃
יביב וְהַמֶּלֶךְ֮יִשְׂמַ֢ח בֵּאלֹ֫הִ֥ים
יִ֭תְהַלֵּל כׇּל־הַנִּשְׁבָּ֣ע בּ֑וֹ
כִּ֥י יִ֝סָּכֵ֗ר פִּ֣י דוֹבְרֵי־שָֽׁקֶר׃