ספר תהלים

{פ}　　
נטאא לַמְנַצֵּ֣חַ אַל־תַּשְׁחֵת֮ לְדָוִ֢ד מִ֫כְתָּ֥ם
^נפרשה סתומהבִּשְׁלֹ֥חַ שָׁא֑וּל
וַֽיִּשְׁמְר֥וּ אֶת־הַ֝בַּ֗יִתלַהֲמִיתֽוֹ׃
בב הַצִּילֵ֖נִי מֵאֹיְבַ֥י ׀ אֱלֹהָ֑י
מִֽמִּתְקוֹמְמַ֥י תְּשַׂגְּבֵֽנִי׃
גג הַ֭צִּילֵנִי מִפֹּ֣עֲלֵי אָ֑וֶן
וּֽמֵאַנְשֵׁ֥י דָ֝מִ֗ים הוֹשִׁיעֵֽנִי׃
דד כִּ֤י הִנֵּ֪ה אָרְב֡וּלְנַפְשִׁ֗י
יָג֣וּרוּ עָלַ֣י עַזִּ֑ים
לֹֽא־פִשְׁעִ֖י וְלֹא־חַטָּאתִ֣י יְהֹוָֽה׃
הה בְּֽלִי־עָ֭וֺן יְרֻצ֣וּן וְיִכּוֹנָ֑נוּ
ע֖וּרָה לִקְרָאתִ֣י וּרְאֵֽה׃
וו וְאַתָּ֤ה יְהֹוָֽה־אֱלֹהִ֥ים ׀ צְבָא֡וֹתאֱלֹ֘הֵ֤י יִשְׂרָאֵ֗ל
הָקִ֗יצָה לִפְקֹ֥ד כׇּֽל־הַגּוֹיִ֑ם
אַל־תָּחֹ֨ן כׇּל־בֹּ֖גְדֵי אָ֣וֶן סֶֽלָה׃
זז יָשׁ֣וּבוּ לָ֭עֶרֶב יֶהֱמ֥וּ כַכָּ֗לֶב
וִיס֥וֹבְﬞבוּ^נוִיס֥וֹבְﬞבוּ · א=וִיס֥וֹבֲבוּ (חטף) עִֽיר׃
חח הִנֵּ֤ה ׀ יַבִּ֘יע֤וּן בְּפִיהֶ֗ם
חֲ֭רָבוֹת בְּשִׂפְתֽוֹתֵיהֶ֑ם
כִּי־מִ֥י שֹׁמֵֽעַ׃
טט וְאַתָּ֣ה יְ֭הֹוָה תִּשְׂחַק־לָ֑מוֹ
תִּ֝לְעַ֗ג לְכׇל־גּוֹיִֽם׃
יי עֻ֭זּוֹ אֵלֶ֣יךָ אֶשְׁמֹ֑רָה
כִּֽי־אֱ֝לֹהִ֗ים מִשְׂגַּבִּֽי׃
יאיא אֱלֹהֵ֣י חַסְדִּ֣וי^קקקרי/כתיב · (חסדו) חַסְדִּ֣י יְקַדְּמֵ֑נִי
אֱ֝לֹהִ֗ים יַרְאֵ֥נִי בְשֹׁרְרָֽי׃
יביב אַל־תַּהַרְגֵ֤ם ׀ פֶּֽן־יִשְׁכְּח֬וּ עַמִּ֗י
הֲנִיעֵ֣מוֹ בְ֭חֵילְךָ וְהוֹרִידֵ֑מוֹ
מָ֖גִנֵּ֣נוּ אֲדֹנָֽי׃
יגיג חַטַּאת־פִּ֗ימוֹדְּֽבַר־שְׂפָ֫תֵ֥ימוֹ
וְיִלָּכְד֥וּ בִגְאוֹנָ֑ם
וּמֵאָלָ֖ה וּמִכַּ֣חַשׁ יְסַפֵּֽרוּ׃
ידיד כַּלֵּ֥ה בְחֵמָה֮כַּלֵּ֢ה וְֽאֵ֫ינֵ֥מוֹ
וְֽיֵדְע֗וּ כִּֽי־אֱ֭לֹהִים מֹשֵׁ֣ל בְּֽיַעֲקֹ֑ב
לְאַפְסֵ֖י הָאָ֣רֶץ סֶֽלָה׃
טוטו וְיָשֻׁ֣בוּ לָ֭עֶרֶב יֶהֱמ֥וּ כַכָּ֗לֶב
וִיס֥וֹבְﬞבוּ^נוִיס֥וֹבְﬞבוּ · א=וִיס֥וֹבֲבוּ (חטף) עִֽיר׃
טזטז הֵ֭מָּה יְנִויע֣וּן^קקקרי/כתיב · (ינועון) יְנִיע֣וּן לֶאֱכֹ֑ל
אִם־לֹ֥א יִ֝שְׂבְּע֗וּ וַיָּלִֽינוּ׃
יזיז וַאֲנִ֤י ׀ אָשִׁ֣יר עֻזֶּךָ֮
וַאֲרַנֵּ֥ן לַבֹּ֗קֶר חַ֫סְדֶּ֥ךָ
כִּֽי־הָיִ֣יתָ מִשְׂגָּ֣ב לִ֑י
וּ֝מָנ֗וֹס בְּי֣וֹם צַר־לִֽי׃
יחיח עֻ֭זִּי אֵלֶ֣יךָ אֲזַמֵּ֑רָה
כִּֽי־אֱלֹהִ֥ים מִ֝שְׂגַּבִּ֗י אֱלֹהֵ֥י חַסְדִּֽי׃