ספר תהלים

{פ}　　
נאאא לַמְנַצֵּ֗חַ מִזְמ֥וֹר לְדָוִֽד׃
^נפרשה פתוחה בב בְּֽבוֹא־אֵ֭לָיו נָתָ֣ן הַנָּבִ֑יא
כַּאֲשֶׁר־בָּ֝֗א^נכַּאֲשֶׁר־בָּ֝֗א · א=כַּאֲשֶׁר־בָּ֝א (השמטת נקודת הרביע) אֶל־בַּת־שָֽׁבַע׃
גג חׇנֵּ֣נִי אֱלֹהִ֣ים כְּחַסְדֶּ֑ךָ
כְּרֹ֥ב רַ֝חֲמֶ֗יךָ מְחֵ֣ה פְשָׁעָֽי׃
דד (הרבה)^קקקרי/כתיב · (הרבה) הֶ֭רֶב כַּבְּסֵ֣נִי מֵעֲוֺנִ֑י
וּֽמֵחַטָּאתִ֥י טַהֲרֵֽנִי׃
הה כִּֽי־פְ֭שָׁעַי אֲנִ֣י אֵדָ֑ע
וְחַטָּאתִ֖י נֶגְדִּ֣י תָמִֽיד׃
וו לְךָ֤ לְבַדְּךָ֨ ׀ חָטָאתִי֮
וְהָרַ֥ע בְּעֵינֶ֗יךָ עָ֫שִׂ֥יתִי
לְ֭מַעַן תִּצְדַּ֥ק בְּדׇבְרֶ֗ךָ
תִּזְכֶּ֥ה בְשׇׁפְטֶֽךָ׃
זז הֵן־בְּעָו֥וֹן חוֹלָ֑לְתִּי
וּ֝בְחֵ֗טְא יֶחֱמַ֥תְנִי אִמִּֽי׃
חח הֵן־אֱ֭מֶת חָפַ֣צְתָּ בַטֻּח֑וֹת
וּ֝בְסָתֻ֗ם חׇכְמָ֥ה תוֹדִיעֵֽנִי׃
טט תְּחַטְּאֵ֣נִי בְאֵז֣וֹב וְאֶטְהָ֑ר
תְּ֝כַבְּסֵ֗נִי וּמִשֶּׁ֥לֶג אַלְבִּֽין׃
יי תַּ֭שְׁמִיעֵנִי שָׂשׂ֣וֹן וְשִׂמְחָ֑ה
תָּ֝גֵ֗לְנָה עֲצָמ֥וֹת דִּכִּֽיתָ׃
יאיא הַסְתֵּ֣ר פָּ֭נֶיךָ מֵחֲטָאָ֑י
וְֽכׇל־עֲוֺ֖נֹתַ֣י^נוְֽכׇל־עֲוֺ֖נֹתַ֣י=אממ!=וְֽכָל־עֲ֖וֹנֹתַ֣י (הטעם באות עי״ן ונקודת החולם רגילה) מְחֵֽה׃
יביב לֵ֣ב טָ֭הוֹר בְּרָא־לִ֣י אֱלֹהִ֑ים
וְר֥וּחַ נָ֝כ֗וֹן חַדֵּ֥שׁ בְּקִרְבִּֽי׃
יגיג אַל־תַּשְׁלִיכֵ֥נִי מִלְּפָנֶ֑יךָ
וְר֥וּחַ קׇ֝דְשְׁךָ֗ אַל־תִּקַּ֥ח מִמֶּֽנִּי׃
ידיד הָשִׁ֣יבָה לִּ֭י שְׂשׂ֣וֹן יִשְׁעֶ֑ךָ
וְר֖וּחַ נְדִיבָ֣ה תִסְמְכֵֽנִי׃
טוטו אֲלַמְּדָ֣ה פֹשְׁעִ֣ים דְּרָכֶ֑יךָ
וְ֝חַטָּאִ֗ים אֵלֶ֥יךָ יָשֽׁוּבוּ׃
טזטז הַצִּ֘ילֵ֤נִי מִדָּמִ֨ים ׀ אֱֽלֹהִ֗ים
אֱלֹהֵ֥י תְשׁוּעָתִ֑י
תְּרַנֵּ֥ן לְ֝שׁוֹנִ֗י^נלְ֝שׁוֹנִ֗י · ממ=לְשׁוֹנִ֗יצִדְקָתֶֽךָ׃
יזיז אֲ֭דֹנָי שְׂפָתַ֣י תִּפְתָּ֑ח
וּ֝פִ֗י יַגִּ֥יד תְּהִלָּתֶֽךָ׃
יחיח כִּ֤י ׀ לֹא־תַחְפֹּ֣ץ זֶ֣בַח וְאֶתֵּ֑נָה
ע֝וֹלָ֗ה לֹ֣א תִרְצֶֽה׃
יטיט זִ֥בְחֵ֣י אֱלֹהִים֮ר֤וּחַ נִשְׁבָּ֫רָ֥ה
לֵב־נִשְׁבָּ֥ר וְנִדְכֶּ֑ה
אֱ֝לֹהִ֗ים לֹ֣א תִבְזֶֽה׃
ככ הֵיטִ֣יבָה בִ֭רְצוֹנְךָ אֶת־צִיּ֑וֹן
תִּ֝בְנֶ֗ה חוֹמ֥וֹת יְרוּשָׁלָֽ͏ִםם׃
כאכא אָ֤ז תַּחְפֹּ֣ץ זִבְחֵי־צֶ֭דֶק עוֹלָ֣ה וְכָלִ֑יל
אָ֤ז יַעֲל֖וּ עַל־מִזְבַּחֲךָ֣ פָרִֽים׃