ספר תהלים

{פ}　　
מדאא לַמְנַצֵּ֬חַ ׀ לִבְנֵי־קֹ֬רַח מַשְׂכִּֽיל׃
^נפרשה פתוחה בב אֱלֹהִ֤ים ׀ בְּאׇזְנֵ֬ינוּ שָׁמַ֗עְנוּ
אֲבוֹתֵ֥ינוּ סִפְּרוּ־לָ֑נוּ
פֹּ֥עַל פָּעַ֥לְתָּ בִ֝ימֵיהֶ֗םבִּ֣ימֵי קֶֽדֶם׃
גג אַתָּ֤ה ׀ יָדְךָ֡ גּוֹיִ֣ם ה֭וֹרַשְׁתָּ וַתִּטָּעֵ֑ם
תָּרַ֥ע לְ֝אֻמִּ֗ים וַֽתְּשַׁלְּחֵֽם׃
דד כִּ֤י לֹ֪א בְחַרְבָּ֡ם יָ֥רְשׁוּ אָ֗רֶץ
וּזְרוֹעָם֮ לֹא־הוֹשִׁ֢יעָ֫ה לָּ֥מוֹ
כִּֽי־יְמִינְךָ֣ וּ֭זְרוֹעֲךָ וְא֥וֹר פָּנֶ֗יךָ
כִּ֣י רְצִיתָֽם׃
הה אַתָּה־ה֣וּא מַלְכִּ֣י אֱלֹהִ֑ים
צַ֝וֵּ֗ה יְשׁוּע֥וֹת יַעֲקֹֽב׃
וו בְּ֭ךָ צָרֵ֣ינוּ נְנַגֵּ֑חַ
בְּ֝שִׁמְךָ֗ נָב֥וּס קָמֵֽינוּ׃
זז כִּ֤י לֹ֣א בְקַשְׁתִּ֣י אֶבְטָ֑ח
וְ֝חַרְבִּ֗י^נוְ֝חַרְבִּ֗י=א?,ל,ק-מ ובדפוסים (וכן הכריעו ברויאר ומג"ה)א?=וְחַרְבִּ֗י (חסר גרש בוי"ו?)אפשר להבחין בגרש באופן ברור, אמנם הוא מטושטש ואולי מחוק לֹ֣א תוֹשִׁיעֵֽנִי׃
חח כִּ֣י ה֭וֹשַׁעְתָּנוּ מִצָּרֵ֑ינוּ
וּמְשַׂנְאֵ֥ינוּ הֱבִישֽׁוֹתָ׃
טט בֵּ֭אלֹהִים הִלַּ֣לְנוּ כׇל־הַיּ֑וֹם
וְשִׁמְךָ֓ ׀ לְעוֹלָ֖ם נוֹדֶ֣ה סֶֽלָה׃
יי אַף־זָ֭נַחְתָּ וַתַּכְלִימֵ֑נוּ
וְלֹא־תֵ֝צֵ֗א בְּצִבְאוֹתֵֽינוּ׃
יאיא תְּשִׁיבֵ֣נוּ אָ֭חוֹר מִנִּי־צָ֑ר
וּ֝מְשַׂנְאֵ֗ינוּ שָׁ֣סוּ לָֽמוֹ׃
יביב תִּ֭תְּנֵנוּ כְּצֹ֣אן מַאֲכָ֑ל
וּ֝בַגּוֹיִ֗ם זֵרִיתָֽנוּ׃
יגיג תִּמְכֹּֽר־עַמְּךָ֥ בְלֹא־ה֑וֹן
וְלֹֽא־רִ֝בִּ֗יתָ בִּמְחִירֵיהֶֽם׃
ידיד תְּשִׂימֵ֣נוּ חֶ֭רְפָּה לִשְׁכֵנֵ֑ינוּ
לַ֥עַג וָ֝קֶ֗לֶס לִסְבִיבוֹתֵֽינוּ׃
טוטו תְּשִׂימֵ֣נוּ מָ֭שָׁל בַּגּוֹיִ֑ם
מְנֽוֹד־רֹ֝֗אשׁ^נמְנֽוֹד־רֹ֝֗אשׁ · א=מְנֽוֹד־רֹ֝אשׁ (השמטת נקודת הרביע) בַּלְאֻמִּֽים׃
טזטז כׇּל־הַ֭יּוֹם כְּלִמָּתִ֣י נֶגְדִּ֑י
וּבֹ֖שֶׁת פָּנַ֣י כִּסָּֽתְנִי׃
יזיז מִ֭קּוֹל מְחָרֵ֣ף וּמְגַדֵּ֑ף
מִפְּנֵ֥י א֝וֹיֵ֗ב וּמִתְנַקֵּֽם׃
יחיח כׇּל־זֹ֣את בָּ֭אַתְנוּ וְלֹ֣א שְׁכַחֲנ֑וּךָ
וְלֹֽא־שִׁ֝קַּ֗רְנוּ בִּבְרִיתֶֽךָ׃
יטיט לֹא־נָס֣וֹג אָח֣וֹר לִבֵּ֑נוּ
וַתֵּ֥ט אֲ֝שֻׁרֵ֗ינוּ מִנִּ֥י אׇרְחֶֽךָ׃
ככ כִּ֣י דִ֭כִּיתָנוּ בִּמְק֣וֹם תַּנִּ֑ים
וַתְּכַ֖ס עָלֵ֣ינוּ בְצַלְמָֽוֶת׃
כאכא אִם־שָׁ֭כַחְנוּ שֵׁ֣ם אֱלֹהֵ֑ינוּ
וַנִּפְרֹ֥שׂ כַּ֝פֵּ֗ינוּ לְאֵ֣ל זָֽר׃
כבכב הֲלֹ֣א אֱ֭לֹהִים יַחֲקׇר־זֹ֑את
כִּי־ה֥וּא יֹ֝דֵ֗עַ תַּעֲלֻמ֥וֹת לֵֽב׃
כגכג כִּֽי־עָ֭לֶיךָ הֹרַ֣גְנוּ כׇל־הַיּ֑וֹם
נֶ֝חְשַׁ֗בְנוּ כְּצֹ֣אן טִבְחָֽה׃
כדכד ע֤וּרָה ׀ לָ֖מָּה תִישַׁ֥ן ׀ אֲדֹנָ֑י
הָ֝קִ֗יצָה אַל־תִּזְנַ֥ח לָנֶֽצַח׃
כהכה לָֽמָּה־פָנֶ֥יךָ תַסְתִּ֑יר
תִּשְׁכַּ֖ח עׇנְיֵ֣נוּ וְֽלַחֲצֵֽנוּ׃
כוכו כִּ֤י שָׁ֣חָה לֶעָפָ֣ר נַפְשֵׁ֑נוּ
דָּבְקָ֖ה לָאָ֣רֶץ בִּטְנֵֽנוּ׃
כזכז ק֭וּמָֽה^נק֭וּמָֽה=א?,ל ובדפוסים (בדחי וגעיה, וכן הכריעו במג"ה)א?=ק֭וּמָ֥ה (הקו קצת נטוי כמרכא, וכן הכריע ברויאר בשתי מהדורותיו האחרונות ועל פיו במכון ממרא) עֶזְרָ֣תָה לָּ֑נוּ
וּ֝פְדֵ֗נוּ לְמַ֣עַן חַסְדֶּֽךָ׃