ספר תהלים

{פ}　　
כחאא לְדָוִ֡ד^נלְדָוִ֡ד · אין פרשה לאחר הכותרת אֵ֘לֶ֤יךָ יְהֹוָ֨ה ׀ אֶקְרָ֗א
צוּרִי֮ אַֽל־תֶּחֱרַ֢שׁ מִ֫מֶּ֥נִּי
פֶּן־תֶּחֱשֶׁ֥ה מִמֶּ֑נִּי
וְ֝נִמְשַׁ֗לְתִּי עִם־י֥וֹרְדֵי בֽוֹר׃
בב שְׁמַ֤ע ק֣וֹל תַּ֭חֲנוּנַי בְּשַׁוְּעִ֣י אֵלֶ֑יךָ
בְּנׇשְׂאִ֥י יָ֝דַ֗י אֶל־דְּבִ֥יר קׇדְשֶֽׁךָ׃
גג אַל־תִּמְשְׁכֵ֣נִי עִם־רְשָׁעִים֮
וְעִם־פֹּ֢עֲלֵ֫י אָ֥וֶן
דֹּבְרֵ֣י שָׁ֭לוֹם עִם־רֵעֵיהֶ֑ם
וְ֝רָעָ֗ה בִּלְבָבָֽם׃
דד תֶּן־לָהֶ֣ם וּכְרֹ֢עַ מַעַלְלֵ֫יהֶ֥ם
כְּמַעֲשֵׂ֣ה יְ֭דֵיהֶם תֵּ֣ן לָהֶ֑ם
הָשֵׁ֖ב גְּמוּלָ֣ם לָהֶֽם׃
הה כִּ֤י לֹ֪א יָבִ֡ינוּאֶל־פְּעֻלֹּ֣ת יְ֭הֹוָה
וְאֶל־מַעֲשֵׂ֣ה יָדָ֑יו
יֶ֝הֶרְסֵ֗ם וְלֹ֣א יִבְנֵֽם׃
וו בָּר֥וּךְ יְהֹוָ֑ה
כִּי־שָׁ֝מַ֗ע ק֣וֹל תַּחֲנוּנָֽי׃
זז יְהֹוָ֤ה ׀ עֻזִּ֥י וּמָגִנִּי֮
בּ֤וֹ בָטַ֥ח לִבִּ֗י וְֽנֶ֫עֱזָ֥רְתִּי
וַיַּעֲלֹ֥ז לִבִּ֑י
וּֽמִשִּׁירִ֥י אֲהוֹדֶֽנּוּ׃
חח יְהֹוָ֥ה עֹֽז־לָ֑מוֹ
וּמָ֘ע֤וֹז יְשׁוּע֖וֹת מְשִׁיח֣וֹ הֽוּא׃
טט הוֹשִׁ֤יעָה ׀ אֶת־עַמֶּ֗ךָ
וּבָרֵ֥ךְ אֶת־נַחֲלָתֶ֑ךָ
וּֽרְעֵ֥ם וְ֝נַשְּׂאֵ֗םעַד־הָעוֹלָֽם׃