ספר תהלים

{פ}　　
כבאא לַ֭מְנַצֵּחַ עַל־אַיֶּ֥לֶת הַשַּׁ֗חַר
^נפרשה סתומהמִזְמ֥וֹר לְדָוִֽד׃
בב אֵלִ֣י אֵ֭לִי לָמָ֣ה עֲזַבְתָּ֑נִי
רָח֥וֹק מִֽ֝ישׁוּעָתִ֗י דִּבְרֵ֥י שַׁאֲגָתִֽי׃
גג אֱֽלֹהַ֗י אֶקְרָ֣א י֭וֹמָם וְלֹ֣א תַעֲנֶ֑ה
וְ֝לַ֗יְלָה וְֽלֹא־דֻֽמִיָּ֥ה^נדֻֽמִיָּ֥ה=ש1 ומסורת-א וטברנית ומ"ש (כתיב חסר וי"ו)ל=דֽוּמִיָּ֥ה (כתיב מלא וי"ו) לִֽי׃
דד וְאַתָּ֥ה קָד֑וֹשׁ
י֝וֹשֵׁ֗ב תְּהִלּ֥וֹת יִשְׂרָאֵֽל׃
הה בְּ֭ךָ בָּטְח֣וּ אֲבֹתֵ֑ינוּ
בָּ֝טְח֗וּ וַֽתְּפַלְּטֵֽמוֹ׃
וו אֵלֶ֣יךָ זָעֲק֣וּ וְנִמְלָ֑טוּ
בְּךָ֖ בָטְח֣וּ וְלֹא־בֽוֹשׁוּ׃
זז וְאָנֹכִ֣י תוֹלַ֣עַת וְלֹא־אִ֑ישׁ
חֶרְפַּ֥ת אָ֝דָ֗ם וּבְז֥וּי עָֽם׃
חח כׇּל־רֹ֭אַי יַלְעִ֣גוּ לִ֑י
יַפְטִ֥ירוּ בְ֝שָׂפָ֗ה יָנִ֥יעוּ רֹֽאשׁ׃
טט גֹּ֣ל אֶל־יְהֹוָ֣ה יְפַלְּטֵ֑הוּ
יַ֝צִּילֵ֗הוּ כִּ֘י חָ֥פֵֽץ בּֽוֹ׃
יי כִּֽי־אַתָּ֣ה גֹחִ֣י מִבָּ֑טֶן
מַ֝בְטִיחִ֗י עַל־שְׁדֵ֥י אִמִּֽי׃
יאיא עָ֭לֶיךָ הׇשְׁלַ֣כְתִּי מֵרָ֑חֶם
מִבֶּ֥טֶן אִ֝מִּ֗י אֵ֣לִי אָֽתָּה׃
יביב אַל־תִּרְחַ֣ק מִ֭מֶּנִּי כִּי־צָרָ֣ה קְרוֹבָ֑ה
כִּי־אֵ֥ין עוֹזֵֽר׃
יגיג סְ֭בָבוּנִי פָּרִ֣ים רַבִּ֑ים
אַבִּירֵ֖י בָשָׁ֣ן כִּתְּרֽוּנִי׃
ידיד פָּצ֣וּ עָלַ֣י פִּיהֶ֑ם
אַ֝רְיֵ֗ה טֹרֵ֥ף וְשֹׁאֵֽג׃
טוטו כַּמַּ֥יִם נִשְׁפַּכְתִּי֮
וְהִתְפָּֽרְד֗וּ כׇּֽל־עַצְמ֫וֹתָ֥י
הָיָ֣ה לִ֭בִּי כַּדּוֹנָ֑ג
נָ֝מֵ֗ס בְּת֣וֹךְ מֵעָֽי׃
טזטז יָ֘בֵ֤שׁ כַּחֶ֨רֶשׂ ׀ כֹּחִ֗י
וּ֭לְשׁוֹנִימֻדְבָּ֣ק מַלְקוֹחָ֑י
וְֽלַעֲפַר־מָ֥וֶת תִּשְׁפְּתֵֽנִי׃
יזיז כִּ֥י סְבָב֗וּנִיכְּלָ֫בִ֥ים
עֲדַ֣ת מְ֭רֵעִים הִקִּיפ֑וּנִי
כָּ֝אֲרִ֗י יָדַ֥י וְרַגְלָֽי׃
יחיח אֲסַפֵּ֥ר כׇּל־עַצְמוֹתָ֑י
הֵ֥מָּה יַ֝בִּ֗יטוּ יִרְאוּ־בִֽי׃
יטיט יְחַלְּק֣וּ בְגָדַ֣י לָהֶ֑ם
וְעַל־לְ֝בוּשִׁ֗י יַפִּ֥ילוּ גוֹרָֽל׃
ככ וְאַתָּ֣ה יְ֭הֹוָה אַל־תִּרְחָ֑ק
אֱ֝יָלוּתִ֗י לְעֶזְרָ֥תִי חֽוּשָׁה׃
כאכא הַצִּ֣ילָה מֵחֶ֣רֶב נַפְשִׁ֑י
מִיַּד־כֶּ֝֗לֶב^נמִיַּד־כֶּ֝֗לֶב=ל ובדפוסיםשיטת-א=מִיַּד־כֶּ֝לֶב (השמטת נקודת הרביע) יְחִידָתִֽי׃
כבכב ה֭וֹשִׁיעֵנִי מִפִּ֣י אַרְיֵ֑ה
וּמִקַּרְנֵ֖י רֵמִ֣ים עֲנִיתָֽנִי׃
כגכג אֲסַפְּרָ֣ה שִׁמְךָ֣ לְאֶחָ֑י
בְּת֖וֹךְ קָהָ֣ל אֲהַלְלֶֽךָּ׃
כדכד יִרְאֵ֤י יְהֹוָ֨ה ׀ הַֽלְל֗וּהוּ
כׇּל־זֶ֣רַע יַעֲקֹ֣ב כַּבְּד֑וּהוּ
וְג֥וּרוּ מִ֝מֶּ֗נּוּכׇּל־זֶ֥רַע יִשְׂרָאֵֽל׃
כהכה כִּ֤י לֹֽא־בָזָ֨ה וְלֹ֪א שִׁקַּ֡ץ
עֱנ֬וּת עָנִ֗י
וְלֹא־הִסְתִּ֣יר פָּנָ֣יו מִמֶּ֑נּוּ
וּֽבְשַׁוְּע֖וֹ אֵלָ֣יו שָׁמֵֽעַ׃
כוכו מֵ֥אִתְּךָ֗ תְּֽהִלָּ֫תִ֥י^נתְּֽהִלָּ֫תִ֥י=ל,ש1,ק-מ (תי"ו דגושה באופן ברור בכתי"ל אחרי טעם מפסיק, אמנם הנקודה קצת צמודה לרגל השמאלי של התי"ו)הקלדה=תְֽהִלָּ֫תִ֥י (חסר דגש בטעות בעקבות BHS) וכן בדותןקורן, ברויאר, מג"ה (במרשתת אך לא בדפוס), סימנים
בְּקָהָ֥ל רָ֑ב
נְדָרַ֥י אֲ֝שַׁלֵּ֗םנֶ֣גֶד יְרֵאָֽיו׃
כזכז יֹאכְל֬וּ עֲנָוִ֨ים ׀ וְיִשְׂבָּ֗עוּ
יְהַֽלְל֣וּ יְ֭הֹוָהדֹּ֣רְשָׁ֑יו
יְחִ֖י לְבַבְכֶ֣ם לָעַֽד׃
כחכח יִזְכְּר֤וּ ׀ וְיָשֻׁ֣בוּ אֶל־יְ֭הֹוָה
כׇּל־אַפְסֵי־אָ֑רֶץ
וְיִֽשְׁתַּחֲו֥וּ לְ֝פָנֶ֗יךָ
כׇּֽל־מִשְׁפְּח֥וֹת גּוֹיִֽם׃
כטכט כִּ֣י לַ֭יהֹוָה הַמְּלוּכָ֑ה
וּ֝מֹשֵׁ֗ל בַּגּוֹיִֽם׃
לל אָכְל֬וּ וַיִּֽשְׁתַּחֲו֨וּ ׀ ^נוַיִּֽשְׁתַּחֲו֨וּ | =ש1,ק-מ ובדפוסיםל=<וַיִּֽשְׁתַּחֲוּ֨וּ ׀> (דגש בוי"ו עיצורית)הערות ברויאר ודותן והמקלידכׇּֽל־דִּשְׁנֵי־אֶ֗רֶץ
לְפָנָ֣יו יִ֭כְרְעוּ כׇּל־יוֹרְדֵ֣י עָפָ֑ר
וְ֝נַפְשׁ֗וֹ לֹ֣א חִיָּֽה׃
לאלא זֶ֥רַע יַֽעַבְדֶ֑נּוּ
יְסֻפַּ֖ר לַֽאדֹנָ֣י לַדּֽוֹר׃
לבלב יָ֭בֹאוּ וְיַגִּ֣ידוּ צִדְקָת֑וֹ
לְעַ֥ם נ֝וֹלָ֗ד כִּ֣י עָשָֽׂה׃