ספר תהלים

{פ}　　
דאא לַמְנַצֵּ֥חַ בִּנְגִינ֗וֹת מִזְמ֥וֹר לְדָוִֽד׃
בב בְּקׇרְאִ֡י עֲנֵ֤נִי ׀ אֱלֹ֘הֵ֤י צִדְקִ֗י
בַּ֭צָּר הִרְחַ֣בְתָּ לִּ֑י
חׇ֝נֵּ֗נִיוּשְׁמַ֥ע תְּפִלָּתִֽי׃
גג בְּנֵ֥י אִ֡ישׁ
עַד־מֶ֬ה כְבוֹדִ֣י לִ֭כְלִמָּה
תֶּאֱהָב֣וּן רִ֑יק
תְּבַקְשׁ֖וּ כָזָ֣ב סֶֽלָה׃
דד וּדְע֗וּ כִּֽי־הִפְלָ֣ה יְ֭הֹוָה חָסִ֣יד ל֑וֹ
יְהֹוָ֥ה יִ֝שְׁמַ֗ע בְּקׇרְאִ֥י אֵלָֽיו׃
הה רִגְז֗וּוְֽאַל־תֶּ֫חֱטָ֥אוּ
אִמְר֣וּ בִ֭לְבַבְכֶם עַֽל־מִשְׁכַּבְכֶ֗ם
וְדֹ֣מּוּ סֶֽלָה׃
וו זִבְח֥וּ זִבְחֵי־צֶ֑דֶק
וּ֝בִטְח֗וּ אֶל־יְהֹוָֽה׃
זז רַבִּ֥ים אֹמְרִים֮ מִֽי־יַרְאֵ֢נ֫וּ ט֥וֹב
נְֽסָה־עָ֭לֵינוּ א֨וֹר פָּנֶ֬יךָ יְהֹוָֽה׃
חח נָתַ֣תָּה שִׂמְחָ֣ה בְלִבִּ֑י
מֵעֵ֬ת דְּגָנָ֖ם וְתִירוֹשָׁ֣ם רָֽבּוּ׃
טט בְּשָׁל֣וֹם יַחְדָּו֮אֶשְׁכְּבָ֢ה וְאִ֫ישָׁ֥ן
כִּֽי־אַתָּ֣ה יְהֹוָ֣ה לְבָדָ֑ד
לָ֝בֶ֗טַח תּוֹשִׁיבֵֽנִי׃