ספר משלי

יגאא בֵּ֣ן חָ֭כָם מ֣וּסַר אָ֑ב
וְ֝לֵ֗ץ לֹא־שָׁמַ֥ע גְּעָרָֽה׃
בב מִפְּרִ֣י פִי־אִ֭ישׁ יֹ֣אכַל ט֑וֹב
וְנֶ֖פֶשׁ בֹּגְדִ֣ים חָמָֽס׃
גג נֹצֵ֣ר פִּ֭יו שֹׁמֵ֣ר נַפְשׁ֑וֹ
פֹּשֵׂ֥ק שְׂ֝פָתָ֗יו מְחִתָּה־לֽוֹ׃
דד מִתְאַוָּ֣ה וָ֭אַיִן נַפְשׁ֣וֹ עָצֵ֑ל
וְנֶ֖פֶשׁ חָרֻצִ֣ים תְּדֻשָּֽׁן׃
הה דְּבַר־שֶׁ֭קֶר יִשְׂנָ֣א צַדִּ֑יק
וְ֝רָשָׁ֗ע יַבְאִ֥ישׁ וְיַחְפִּֽיר׃
וו צְ֭דָקָה תִּצֹּ֣ר תׇּם־דָּ֑רֶךְ
וְ֝רִשְׁעָ֗ה תְּסַלֵּ֥ף חַטָּֽאת׃
זז יֵ֣שׁ מִ֭תְעַשֵּׁר וְאֵ֣ין כֹּ֑ל
מִ֝תְרוֹשֵׁ֗שׁ וְה֣וֹן רָֽב׃
חח כֹּ֣פֶר נֶפֶשׁ־אִ֣ישׁ עׇשְׁר֑וֹ
וְ֝רָ֗שׁ לֹא־שָׁמַ֥ע גְּעָרָֽה׃
טט אוֹר־צַדִּיקִ֥ים יִשְׂמָ֑ח
וְנֵ֖ר רְשָׁעִ֣ים יִדְעָֽךְ׃
יי רַק־בְּ֭זָדוֹן יִתֵּ֣ן מַצָּ֑ה
וְאֶת־נ֖וֹעָצִ֣ים חׇכְמָֽה׃
יאיא ה֭וֹן מֵהֶ֣בֶל יִמְעָ֑ט
וְקֹבֵ֖ץ עַל־יָ֣ד יַרְבֶּֽה׃
יביב תּוֹחֶ֣לֶת מְ֭מֻשָּׁכָה מַחֲלָה־לֵ֑ב
וְעֵ֥ץ חַ֝יִּ֗ים תַּאֲוָ֥ה בָאָֽה׃
יגיג בָּ֣ז לְ֭דָבָר יֵחָ֣בֶל ל֑וֹ
וִירֵ֥א מִ֝צְוָ֗ה ה֣וּא יְשֻׁלָּֽם׃
ידיד תּוֹרַ֣ת חָ֭כָם מְק֣וֹר חַיִּ֑ים
לָ֝ס֗וּר מִמֹּ֥קְשֵׁי מָֽוֶת׃
טוטו שֵֽׂכֶל־ט֭וֹב יִתֶּן־חֵ֑ן
וְדֶ֖רֶךְ בֹּגְדִ֣ים אֵיתָֽן׃
טזטז כׇּל־עָ֭רוּם יַעֲשֶׂ֣ה בְדָ֑עַת
וּ֝כְסִ֗יל יִפְרֹ֥שׂ אִוֶּֽלֶת׃
יזיז מַלְאָ֣ךְ רָ֭שָׁע יִפֹּ֣ל בְּרָ֑ע
וְצִ֖יר אֱמוּנִ֣ים מַרְפֵּֽא׃
יחיח רֵ֣ישׁ וְ֭קָלוֹן פּוֹרֵ֣עַ מוּסָ֑ר
וְשֹׁמֵ֖ר תּוֹכַ֣חַת יְכֻבָּֽד׃
יטיט תַּאֲוָ֣ה נִ֭הְיָה תֶּעֱרַ֣ב לְנָ֑פֶשׁ
וְתוֹעֲבַ֥ת כְּ֝סִילִ֗ים ס֣וּר מֵרָֽע׃
ככ (הלוך)^קקקרי/כתיב · (הלוך) הוֹלֵ֣ךְ אֶת־חֲכָמִ֣ים ויֶחְכָּ֑ם^קקקרי/כתיב · (וחכם) יֶחְכָּ֑ם
וְרֹעֶ֖ה כְסִילִ֣ים יֵרֽוֹעַ׃
כאכא חַ֭טָּאִים תְּרַדֵּ֣ף רָעָ֑ה
וְאֶת־צַ֝דִּיקִ֗ים יְשַׁלֶּם־טֽוֹב׃
כבכב ט֗וֹב יַנְחִ֥יל בְּנֵֽי־בָנִ֑ים
וְצָפ֥וּן לַ֝צַּדִּ֗יק חֵ֣יל חוֹטֵֽא׃
כגכג רׇב־אֹ֭כֶל נִ֣יר רָאשִׁ֑ים
וְיֵ֥שׁ נִ֝סְפֶּ֗ה בְּלֹ֣א מִשְׁפָּֽט׃
כדכד חוֹשֵׂ֣ךְ שִׁ֭בְטוֹ שׂוֹנֵ֣א בְנ֑וֹ
וְ֝אֹהֲב֗וֹ שִׁחֲר֥וֹ מוּסָֽר׃
כהכה צַדִּ֗יק אֹ֭כֵֽל^נאֹ֭כֵֽל=א?,ש1 (דחי וגעיה); למרות שקו הגעיה קצת נטוי, אין הכרח לראות בו מרכא (וכן הכריעו ברויאר במהדורתו הראשונה ומג"ה)אמנם לפי ברויאר א=אֹ֭כֵ֥ל (דחי ומרכא) בשתי מהדורותיו האחרונות (וכן במכון ממרא)ל=אֹ֭כֵל (דחי בלבד) וכן בדפוסים ובקורן לְשֹׂ֣בַע נַפְשׁ֑וֹ
וּבֶ֖טֶן רְשָׁעִ֣ים תֶּחְסָֽר׃