טואא מַֽעֲנֶה־רַּ֭ךְ יָשִׁ֣יב חֵמָ֑ה
וּדְבַר־עֶ֝֗צֶבנוּדְבַר־עֶ֝֗צֶב · א=וּדְבַר־עֶ֝צֶב (השמטת נקודת הרביע) יַעֲלֶה־אָֽף׃
בב לְשׁ֣וֹן חֲ֭כָמִים תֵּיטִ֣יב דָּ֑עַת
וּפִ֥י כְ֝סִילִ֗ים יַבִּ֥יעַ אִוֶּֽלֶת׃
גג בְּֽכׇל־מָ֭קוֹם עֵינֵ֣י יְהֹוָ֑ה
צֹ֝פ֗וֹת רָעִ֥ים וְטוֹבִֽים׃
דד מַרְפֵּ֣א לָ֭שׁוֹן עֵ֣ץ חַיִּ֑ים
וְסֶ֥לֶף בָּ֝֗הּנבָּ֝֗הּ · א=בָּ֝הּ (השמטת נקודת הרביע) שֶׁ֣בֶר בְּרֽוּחַ׃
הה אֱוִ֗יל יִ֭נְאַץ מוּסַ֣ר אָבִ֑יו
וְשֹׁמֵ֖ר תּוֹכַ֣חַת יַעְרִֽים׃
וו בֵּ֣ית צַ֭דִּיק חֹ֣סֶן רָ֑ב
וּבִתְבוּאַ֖ת רָשָׁ֣ע נֶעְכָּֽרֶת׃
זז שִׂפְתֵ֣י חֲ֭כָמִים יְזָ֣רוּ דָ֑עַת
וְלֵ֖ב כְּסִילִ֣ים לֹא־כֵֽן׃
חח זֶ֣בַח רְ֭שָׁעִים תּוֹעֲבַ֣ת יְהֹוָ֑ה
וּתְפִלַּ֖ת יְשָׁרִ֣ים רְצוֹנֽוֹ׃
טט תּוֹעֲבַ֣ת יְ֭הֹוָה דֶּ֣רֶךְ רָשָׁ֑ע
וּמְרַדֵּ֖ף צְדָקָ֣ה יֶאֱהָֽב׃
יי מוּסָ֣ר רָ֭ע לְעֹזֵ֣ב אֹ֑רַח
שׂוֹנֵ֖א תוֹכַ֣חַת יָמֽוּת׃
יאיא שְׁא֣וֹל וַ֭אֲבַדּוֹן נֶ֣גֶד יְהֹוָ֑ה
אַ֝֗ףנאַ֝֗ף · א=אַ֝ף (השמטת נקודת הרביע) כִּֽי־לִבּ֥וֹת בְּֽנֵי־אָדָֽם׃
יביב לֹ֣א יֶאֱהַב־לֵ֭ץ הוֹכֵ֣חַֽ ל֑וֹ
אֶל־חֲ֝כָמִ֗ים לֹ֣א יֵלֵֽךְ׃
יגיג לֵ֣ב שָׂ֭מֵחַ יֵיטִ֣ב פָּנִ֑ים
וּבְעַצְּבַת־לֵ֝֗בנוּבְעַצְּבַת־לֵ֝֗ב · א=וּבְעַצְּבַת־לֵ֝ב (השמטת נקודת הרביע) ר֣וּחַ נְכֵאָֽה׃
ידיד לֵ֣ב נָ֭בוֹן יְבַקֶּשׁ־דָּ֑עַת
(ופני)קקקרי/כתיב · (ופני) וּפִ֥י כְ֝סִילִ֗ים יִרְעֶ֥ה אִוֶּֽלֶת׃
טוטו כׇּל־יְמֵ֣י עָנִ֣י רָעִ֑ים
וְטֽוֹב־לֵ֝֗בנוְטֽוֹב־לֵ֝֗ב · א=וְטֽוֹב־לֵ֝ב (השמטת נקודת הרביע) מִשְׁתֶּ֥ה תָמִֽיד׃
טזטז טוֹב־מְ֭עַט בְּיִרְאַ֣ת יְהֹוָ֑ה
מֵאוֹצָ֥ר רָ֝֗בנרָ֝֗ב · א=רָ֝ב (השמטת נקודת הרביע) וּמְה֥וּמָה בֽוֹ׃
יזיז ט֤וֹב אֲרֻחַ֣ת יָ֭רָק וְאַהֲבָה־שָׁ֑ם
מִשּׁ֥וֹר אָ֝ב֗וּס וְשִׂנְאָה־בֽוֹ׃
יחיח אִ֣ישׁ חֵ֭מָה יְגָרֶ֣ה מָד֑וֹן
וְאֶ֥רֶךְ אַ֝פַּ֗יִם יַשְׁקִ֥יט רִֽיב׃
יטיט דֶּ֣רֶךְ עָ֭צֵל כִּמְשֻׂ֣כַת חָ֑דֶק
וְאֹ֖רַח יְשָׁרִ֣ים סְלֻלָֽה׃
ככ בֵּ֣ן חָ֭כָם יְשַׂמַּח־אָ֑ב
וּכְסִ֥יל אָ֝דָ֗ם בּוֹזֶ֥ה אִמּֽוֹ׃
כאכא אִ֭וֶּלֶת שִׂמְחָ֣ה לַחֲסַר־לֵ֑ב
וְאִ֥ישׁ תְּ֝בוּנָ֗ה יְיַשֶּׁר־לָֽכֶת׃
כבכב הָפֵ֣ר מַ֭חֲשָׁבוֹת בְּאֵ֣ין ס֑וֹד
וּבְרֹ֖ב יוֹעֲצִ֣ים תָּקֽוּם׃
כגכג שִׂמְחָ֣ה לָ֭אִישׁ בְּמַעֲנֵה־פִ֑יו
וְדָבָ֖ר בְּעִתּ֣וֹ מַה־טּֽוֹב׃
כדכד אֹ֣רַח חַ֭יִּים לְמַ֣עְלָה לְמַשְׂכִּ֑יל
לְמַ֥עַן ס֝֗וּרנס֝֗וּר · א=ס֝וּר (השמטת נקודת הרביע) מִשְּׁא֥וֹל מָֽטָּה׃
כהכה בֵּ֣ית גֵּ֭אִים יִסַּ֥ח ׀ יְהֹוָ֑ה
וְ֝יַצֵּ֗ב גְּב֣וּל אַלְמָנָֽה׃
כוכו תּוֹעֲבַ֣ת יְ֭הֹוָה מַחְשְׁב֣וֹת רָ֑ע
וּ֝טְהֹרִ֗ים אִמְרֵי־נֹֽעַם׃
כזכז עֹכֵ֣ר בֵּ֭יתוֹ בּוֹצֵ֣עַ בָּ֑צַע
וְשׂוֹנֵ֖א מַתָּנֹ֣ת יִחְיֶֽה׃
כחכח לֵ֣ב צַ֭דִּיק יֶהְגֶּ֣ה לַעֲנ֑וֹת
וּפִ֥י רְ֝שָׁעִ֗ים יַבִּ֥יעַ רָעֽוֹת׃
כטכט רָח֣וֹק יְ֭הֹוָה מֵרְשָׁעִ֑ים
וּתְפִלַּ֖ת צַדִּיקִ֣ים יִשְׁמָֽע׃
לל מְֽאוֹר־עֵ֭ינַיִם יְשַׂמַּֽח־לֵ֑ב
שְׁמוּעָ֥ה ט֝וֹבָ֗ה תְּדַשֶּׁן־עָֽצֶם׃
לאלא אֹ֗זֶן שֹׁ֭מַעַת תּוֹכַ֣חַת חַיִּ֑ים
בְּקֶ֖רֶב חֲכָמִ֣ים תָּלִֽין׃
לבלב פּוֹרֵ֣עַ מ֭וּסָר מוֹאֵ֣ס נַפְשׁ֑וֹ
וְשׁוֹמֵ֥עַ תּ֝וֹכַ֗חַת ק֣וֹנֶה לֵּֽב׃
לגלג יִרְאַ֣ת יְ֭הֹוָה מוּסַ֣ר חׇכְמָ֑ה
וְלִפְנֵ֖י כָב֣וֹד עֲנָוָֽה׃