ספר משלי

{פ}　　
האא בְּ֭נִי לְחׇכְמָתִ֣י הַקְשִׁ֑יבָה
לִ֝תְבוּנָתִ֗י הַט־אׇזְנֶֽךָ׃
בב לִשְׁמֹ֥ר מְזִמּ֑וֹת
וְ֝דַ֗עַת שְׂפָתֶ֥יךָ יִנְצֹֽרוּ׃
גג כִּ֤י נֹ֣פֶת תִּ֭טֹּפְנָה שִׂפְתֵ֣י זָרָ֑ה
וְחָלָ֖ק מִשֶּׁ֣מֶן חִכָּֽהּ׃
דד וְֽ֭אַחֲרִיתָהּ מָרָ֣ה כַֽלַּעֲנָ֑ה
חַ֝דָּ֗ה כְּחֶ֣רֶב פִּיּֽוֹת׃
הה רַ֭גְלֶיהָ יֹרְד֣וֹת מָ֑וֶת
שְׁ֝א֗וֹל צְעָדֶ֥יהָ יִתְמֹֽכוּ׃
וו אֹ֣רַח חַ֭יִּים פֶּן־תְּפַלֵּ֑ס
נָע֥וּ מַ֝עְגְּלֹתֶ֗יהָ לֹ֣א תֵדָֽע׃
{פ}　　
זז וְעַתָּ֣ה בָ֭נִים שִׁמְעוּ־לִ֑י
וְאַל־תָּ֝ס֗וּרוּ מֵאִמְרֵי־פִֽי׃
חח הַרְחֵ֣ק מֵעָלֶ֣יהָ דַרְכֶּ֑ךָ
וְאַל־תִּ֝קְרַ֗ב אֶל־פֶּ֥תַח בֵּיתָֽהּ׃
טט פֶּן־תִּתֵּ֣ן לַאֲחֵרִ֣ים הוֹדֶ֑ךָ
וּ֝שְׁנֹתֶ֗יךָ לְאַכְזָרִֽי׃
יי פֶּֽן־יִשְׂבְּע֣וּ זָרִ֣ים כֹּחֶ֑ךָ
וַ֝עֲצָבֶ֗יךָ בְּבֵ֣ית נׇכְרִֽי׃
יאיא וְנָהַמְתָּ֥ בְאַחֲרִיתֶ֑ךָ
בִּכְל֥וֹת בְּ֝שָׂרְךָ֗ וּשְׁאֵרֶֽךָ׃
יביב וְֽאָמַרְתָּ֗ אֵ֭יךְ שָׂנֵ֣אתִי מוּסָ֑ר
וְ֝תוֹכַ֗חַת נָאַ֥ץ לִבִּֽי׃
יגיג וְֽלֹא־שָׁ֭מַעְתִּי בְּק֣וֹל מוֹרָ֑י
וְ֝לִֽמְלַמְּדַ֗י לֹֽא־הִטִּ֥יתִי אׇזְנִֽי׃
ידיד כִּ֭מְעַט הָיִ֣יתִי בְכׇל־רָ֑ע
בְּת֖וֹךְ קָהָ֣ל וְעֵדָֽה׃
טוטו שְׁתֵה־מַ֥יִם מִבּוֹרֶ֑ךָ
וְ֝נֹזְלִ֗ים מִתּ֥וֹךְ בְּאֵרֶֽךָ׃
טזטז יָפ֣וּצוּ מַעְיְנֹתֶ֣יךָ ח֑וּצָה
בָּ֝רְחֹב֗וֹת פַּלְגֵי־מָֽיִם׃
יזיז יִֽהְיוּ־לְךָ֥ לְבַדֶּ֑ךָ
וְאֵ֖ין לְזָרִ֣ים אִתָּֽךְ׃
יחיח יְהִֽי־מְקוֹרְךָ֥ בָר֑וּךְ
וּ֝שְׂמַ֗ח מֵאֵ֥שֶׁת נְעוּרֶֽךָ׃
יטיט אַיֶּ֥לֶת אֲהָבִ֗יםוְֽיַ֫עֲלַת־חֵ֥ן^נוְֽיַ֫עֲלַת־חֵ֥ןא=וְֽיַעֲלַ֫ת־חֵ֥ן (בניגוד לדרכו ה"עולה" אינו מסומן בהברה הראויה לגעיה); יש מקף בין תיבת העולה לתיבת היורד בכתב־היד. יש גם התחלה של כתיבת ה"עולה" גם מעל האות עי"ן, והמסרן התחרט באמצע הכתיבה אך לא מחק.ל,ש1=<וְֽיַעֲלַ֫ת חֵ֥ן> (אין מקף) וכן בדפוסים (גינצבורג, קורן)
דַּ֭דֶּיהָ יְרַוֻּ֣ךָ בְכׇל־עֵ֑ת
בְּ֝אַהֲבָתָ֗הּ תִּשְׁגֶּ֥ה תָמִֽיד׃
ככ וְלָ֤מָּה תִשְׁגֶּ֣ה בְנִ֣י בְזָרָ֑ה
וּ֝תְחַבֵּ֗ק חֵ֣ק נׇכְרִיָּֽה׃
כאכא כִּ֤י נֹ֨כַח ׀ עֵינֵ֣י יְ֭הֹוָה דַּרְכֵי־אִ֑ישׁ
וְֽכׇל־מַעְגְּלֹתָ֥יו מְפַלֵּֽס׃
כבכב עֲֽווֹנֹתָ֗יו יִלְכְּדֻנ֥וֹ אֶת־הָרָשָׁ֑ע
וּבְחַבְלֵ֥י חַ֝טָּאת֗וֹ יִתָּמֵֽךְ׃
כגכג ה֗וּא יָ֭מוּת בְּאֵ֣ין מוּסָ֑ר
וּבְרֹ֖ב אִוַּלְתּ֣וֹ יִשְׁגֶּֽה׃