מגילת איכה

{פ}　　
גאא אֲנִ֤י הַגֶּ֙בֶר֙ רָאָ֣ה עֳנִ֔י בְּשֵׁ֖בֶט עֶבְרָתֽוֹ׃
{ס}　　　
בב אוֹתִ֥י נָהַ֛ג וַיֹּלַ֖ךְ חֹ֥שֶׁךְ וְלֹא־אֽוֹר׃
{ס}　　　
גג אַ֣ךְ בִּ֥י יָשֻׁ֛ב יַהֲפֹ֥ךְ יָד֖וֹ כׇּל־הַיּֽוֹם׃
{ס}　　　
דד בִּלָּ֤ה בְשָׂרִי֙ וְעוֹרִ֔י שִׁבַּ֖ר עַצְמוֹתָֽי׃
{ס}　　　
הה בָּנָ֥ה עָלַ֛י וַיַּקַּ֖ף רֹ֥אשׁ וּתְלָאָֽה׃
{ס}　　　
וו בְּמַחֲשַׁכִּ֥ים^נבְּמַחֲשַׁכִּ֥ים=ל?,ש1,ק-מ ובדפוסיםל?!=בְּמַחְשַׁכִּ֥ים (חי"ת שווּאה במקום חטף פתח?). כך לפי הערת ברויאר, אבל מעיון בכתב־היד נראה שקו הפתח קיים אך התנגש בו ראשו של הלמ"ד בשורה מתחת (וכן דעתם של דותן והמקליד) הוֹשִׁיבַ֖נִי כְּמֵתֵ֥י עוֹלָֽם׃
{ס}　　　
זז גָּדַ֧ר בַּעֲדִ֛י וְלֹ֥א אֵצֵ֖א הִכְבִּ֥יד נְחׇשְׁתִּֽי׃
{ס}　　　
חח גַּ֣ם כִּ֤י אֶזְעַק֙ וַאֲשַׁוֵּ֔עַ שָׂתַ֖ם תְּפִלָּתִֽי׃
{ס}　　　
טט גָּדַ֤ר דְּרָכַי֙ בְּגָזִ֔ית נְתִיבֹתַ֖י עִוָּֽה׃
{ס}　　　
יי דֹּ֣ב אֹרֵ֥ב הוּא֙ לִ֔י (אריה)^קקקרי/כתיב · (אריה) אֲרִ֖י בְּמִסְתָּרִֽים׃
{ס}　　　
יאיא דְּרָכַ֥י סוֹרֵ֛ר וַֽיְפַשְּׁחֵ֖נִי שָׂמַ֥נִי שֹׁמֵֽם׃
{ס}　　　
יביב דָּרַ֤ךְ קַשְׁתּוֹ֙^נקַשְׁתּוֹ֙=ש1,ק-מ ובדפוסיםל!=קַשְׁתוֹ֙ (חסר דגש באות תי"ו)הערת המקליד וַיַּצִּיבֵ֔נִי כַּמַּטָּרָ֖א לַחֵֽץ׃
{ס}　　　
יגיג הֵבִיא֙ בְּכִלְיֹתָ֔י^נבְּכִלְיֹתָ֔י=א(ק),ק-מ ומסורות-א,ל וטברניתל!=בְּכִלְיוֹתָ֔י (כתיב מלא וי"ו) בְּנֵ֖י אַשְׁפָּתֽוֹ׃
{ס}　　　
ידיד הָיִ֤יתִי שְּׂחֹק֙^נשְּׂחֹק֙=ל,ש1 (שי"ן דגושה); וכן הכריעו ברויאר ומג"ה)הערות ברויאר והמקלידדפוסים=שְׂחֹק֙ (אין דגש בשי"ן) וכן בקורן לְכׇל־עַמִּ֔י נְגִינָתָ֖ם כׇּל־הַיּֽוֹם׃
{ס}　　　
טוטו הִשְׂבִּיעַ֥נִי בַמְּרוֹרִ֖ים הִרְוַ֥נִי לַעֲנָֽה׃
{ס}　　　
טזטז וַיַּגְרֵ֤ס בֶּֽחָצָץ֙ שִׁנָּ֔י הִכְפִּישַׁ֖נִי בָּאֵֽפֶר׃
{ס}　　　
יזיז וַתִּזְנַ֧ח מִשָּׁל֛וֹם נַפְשִׁ֖י נָשִׁ֥יתִי טוֹבָֽה׃
{ס}　　　
יחיח וָאֹמַר֙ אָבַ֣ד נִצְחִ֔י וְתוֹחַלְתִּ֖י מֵיְהֹוָֽה׃
{ס}　　　
יטיט זְכׇר־עׇנְיִ֥י וּמְרוּדִ֖י לַעֲנָ֥ה וָרֹֽאשׁ׃
{ס}　　　
ככ זָכ֣וֹר תִּזְכּ֔וֹר וְתָשׁ֥יוֹחַ^קקקרי/כתיב · (ותשיח) וְתָשׁ֥וֹחַ עָלַ֖י נַפְשִֽׁי׃
{ס}　　　
כאכא זֹ֛את אָשִׁ֥יב אֶל־לִבִּ֖י עַל־כֵּ֥ן אוֹחִֽיל׃
{ס}　　　
כבכב חַֽסְדֵ֤י יְהֹוָה֙ כִּ֣י לֹא־תָ֔מְנוּ כִּ֥י לֹא־כָל֖וּ רַחֲמָֽיו׃
{ס}　　　
כגכג חֲדָשִׁים֙ לַבְּקָרִ֔ים רַבָּ֖ה אֱמוּנָתֶֽךָ׃
{ס}　　　
כדכד חֶלְקִ֤י יְהֹוָה֙ אָמְרָ֣ה נַפְשִׁ֔י עַל־כֵּ֖ן אוֹחִ֥יל לֽוֹ׃
{ס}　　　
כהכה ט֤וֹב יְהֹוָה֙ לְקֹוָ֔ו לְנֶ֖פֶשׁ תִּדְרְשֶֽׁנּוּ׃
{ס}　　　
כוכו ט֤וֹב וְיָחִיל֙ וְדוּמָ֔ם לִתְשׁוּעַ֖ת יְהֹוָֽה׃
{ס}　　　
כזכז ט֣וֹב לַגֶּ֔בֶר כִּֽי־יִשָּׂ֥א עֹ֖ל בִּנְעוּרָֽיו׃
{ס}　　　
כחכח יֵשֵׁ֤ב בָּדָד֙ וְיִדֹּ֔ם כִּ֥י נָטַ֖ל עָלָֽיו׃
{ס}　　　
כטכט יִתֵּ֤ן בֶּֽעָפָר֙ פִּ֔יהוּ אוּלַ֖י יֵ֥שׁ תִּקְוָֽה׃
{ס}　　　
לל יִתֵּ֧ן לְמַכֵּ֛הוּ לֶ֖חִי יִשְׂבַּ֥ע בְּחֶרְפָּֽה׃
{ס}　　　
לאלא כִּ֣י לֹ֥א יִזְנַ֛ח לְעוֹלָ֖ם אֲדֹנָֽי׃
{ס}　　　
לבלב כִּ֣י אִם־הוֹגָ֔ה וְרִחַ֖ם כְּרֹ֥ב חֲסָדָֽיו^נחֲסָדָֽיו=א(ק),ק-מ ומסורת-ל וטברנית (כתיב מלא יו"ד)ל-כתיב!=חֲסָדָֽו (כתיב חסר יו"ד), ל-קרי!=חֲסָדָֽיו׃
{ס}　　　
לגלג כִּ֣י לֹ֤א עִנָּה֙ מִלִּבּ֔וֹ^נמִלִּבּ֔וֹ=ק-מ ובדפוסיםל!=מִלִבּ֔וֹ (חסר דגש באות למ"ד)הערת דותן וַיַּגֶּ֖ה בְּנֵי־אִֽישׁ^נבְּנֵי־אִֽישׁ=ק-מ ובדפוסיםל!=בְנֵי־אִֽישׁ (חסר דגש באות בי"ת)הערת המקליד׃
{ס}　　　
לדלד לְדַכֵּא֙ תַּ֣חַת רַגְלָ֔יו כֹּ֖ל אֲסִ֥ירֵי אָֽרֶץ׃
{ס}　　　
להלה לְהַטּוֹת֙ מִשְׁפַּט־גָּ֔בֶר נֶ֖גֶד פְּנֵ֥י עֶלְיֽוֹן׃
{ס}　　　
לולו לְעַוֵּ֤ת^נלְעַוֵּ֤ת=מ"ס-ל ובדפוסים וקורןל=לְעַוֵּ֤ת (אין אות קטנה) וכן במג"ה כדרכם. אָדָם֙ בְּרִיב֔וֹ אֲדֹנָ֖י לֹ֥א רָאָֽה׃
{ס}　　　
לזלז מִ֣י זֶ֤ה אָמַר֙ וַתֶּ֔הִי אֲדֹנָ֖י לֹ֥א צִוָּֽה׃
{ס}　　　
לחלח מִפִּ֤י עֶלְיוֹן֙ לֹ֣א תֵצֵ֔א הָרָע֖וֹת וְהַטּֽוֹב׃
{ס}　　　
לטלט מַה־יִּתְאוֹנֵן֙ אָדָ֣ם חָ֔י גֶּ֖בֶר עַל־חֲטָאָֽו^קקקרי/כתיב · חֲטָאָֽו · חֲטָאָֽיו׃
{ס}　　　
ממ נַחְפְּשָׂ֤ה דְרָכֵ֙ינוּ֙ וְֽנַחְקֹ֔רָה וְנָשׁ֖וּבָה עַד־יְהֹוָֽה׃
{ס}　　　
מאמא נִשָּׂ֤א לְבָבֵ֙נוּ֙ אֶל־כַּפָּ֔יִם אֶל־אֵ֖ל בַּשָּׁמָֽיִם׃
{ס}　　　
מבמב נַ֤חְנוּ פָשַׁ֙עְנוּ֙ וּמָרִ֔ינוּ אַתָּ֖ה לֹ֥א סָלָֽחְתָּ׃
{ס}　　　
מגמג סַכּ֤וֹתָה^נסַכּ֤וֹתָה=ק-מ ומסורות-א,ל וטברנית ובדפוסיםל!=סַכֹּ֤תָה (כתיב חסר וי"ו)התיבה מוכתמת בכתי"ל, אבל בהגדלה רואים בבירור שהכתיב חסר וי"ו (אמנם ברויאר ציין את הכתיב החסר רק כספק). בָאַף֙ וַֽתִּרְדְּפֵ֔נוּ הָרַ֖גְתָּ לֹ֥א חָמָֽלְתָּ׃
{ס}　　　
מדמד סַכּ֤וֹתָה בֶֽעָנָן֙ לָ֔ךְ מֵעֲב֖וֹר תְּפִלָּֽה׃
{ס}　　　
מהמה סְחִ֧י וּמָא֛וֹס תְּשִׂימֵ֖נוּ בְּקֶ֥רֶב הָעַמִּֽים׃
{ס}　　　
מומו פָּצ֥וּ עָלֵ֛ינוּ פִּיהֶ֖ם כׇּל־אֹיְבֵֽינוּ׃
{ס}　　　
מזמז פַּ֧חַד וָפַ֛חַת הָ֥יָה לָ֖נוּ הַשֵּׁ֥את וְהַשָּֽׁבֶר׃
{ס}　　　
מחמח פַּלְגֵי־מַ֙יִם֙ תֵּרַ֣ד עֵינִ֔י עַל־שֶׁ֖בֶר בַּת־עַמִּֽי׃
{ס}　　　
מטמט עֵינִ֧י נִגְּרָ֛ה וְלֹ֥א תִדְמֶ֖ה מֵאֵ֥ין הֲפֻגֽוֹת׃
{ס}　　　
ננ עַד־יַשְׁקִ֣יף וְיֵ֔רֶא יְהֹוָ֖ה מִשָּׁמָֽיִם׃
{ס}　　　
נאנא עֵינִי֙ עֽוֹלְלָ֣ה לְנַפְשִׁ֔י מִכֹּ֖ל בְּנ֥וֹת עִירִֽי׃
{ס}　　　
נבנב צ֥וֹד צָד֛וּנִי כַּצִּפּ֖וֹר אֹיְבַ֥י חִנָּֽם׃
{ס}　　　
נגנג צָֽמְת֤וּ בַבּוֹר֙ חַיָּ֔י וַיַּדּוּ־אֶ֖בֶן בִּֽי׃
{ס}　　　
נדנד צָֽפוּ־מַ֥יִם עַל־רֹאשִׁ֖י אָמַ֥רְתִּי נִגְזָֽרְתִּי׃
{ס}　　　
נהנה קָרָ֤אתִי שִׁמְךָ֙ יְהֹוָ֔ה מִבּ֖וֹר תַּחְתִּיּֽוֹת׃
{ס}　　　
נונו קוֹלִ֖י שָׁמָ֑עְתָּ אַל־תַּעְלֵ֧ם אׇזְנְךָ֛ לְרַוְחָתִ֖י לְשַׁוְעָתִֽי׃
{ס}　　　
נזנז קָרַ֙בְתָּ֙ בְּי֣וֹם אֶקְרָאֶ֔ךָּ אָמַ֖רְתָּ אַל־תִּירָֽא׃
{ס}　　　
נחנח רַ֧בְתָּ אֲדֹנָ֛י רִיבֵ֥י נַפְשִׁ֖י גָּאַ֥לְתָּ חַיָּֽי׃
{ס}　　　
נטנט רָאִ֤יתָה יְהֹוָה֙ עַוָּ֣תָתִ֔י שׇׁפְטָ֖ה מִשְׁפָּטִֽי׃
{ס}　　　
סס רָאִ֙יתָה֙ כׇּל־נִקְמָתָ֔ם כׇּל־מַחְשְׁבֹתָ֖ם לִֽי׃
{ס}　　　
סאסא שָׁמַ֤עְתָּ חֶרְפָּתָם֙ יְהֹוָ֔ה כׇּל־מַחְשְׁבֹתָ֖ם עָלָֽי׃
{ס}　　　
סבסב שִׂפְתֵ֤י קָמַי֙ וְהֶגְיוֹנָ֔ם עָלַ֖י כׇּל־הַיּֽוֹם׃
{ס}　　　
סגסג שִׁבְתָּ֤ם וְקִֽימָתָם֙ הַבִּ֔יטָה אֲנִ֖י מַנְגִּינָתָֽם׃
{ס}　　　
סדסד תָּשִׁ֨יב לָהֶ֥ם גְּמ֛וּל יְהֹוָ֖ה כְּמַעֲשֵׂ֥ה יְדֵיהֶֽם׃
{ס}　　　
סהסה תִּתֵּ֤ן לָהֶם֙ מְגִנַּת־לֵ֔ב תַּאֲלָֽתְךָ֖ לָהֶֽם׃
{ס}　　　
סוסו תִּרְדֹּ֤ף בְּאַף֙ וְתַשְׁמִידֵ֔ם מִתַּ֖חַת שְׁמֵ֥י יְהֹוָֽה׃