{ס}
יבאא וְאֵ֣לֶּה ׀ מַלְכֵ֣י הָאָ֗רֶץ אֲשֶׁ֨ר הִכּ֤וּ בְנֵֽי־יִשְׂרָאֵל֙ וַיִּֽרְשׁ֣וּ אֶת־אַרְצָ֔ם בְּעֵ֥בֶר הַיַּרְדֵּ֖ן מִזְרְחָ֣ה הַשָּׁ֑מֶשׁ מִנַּ֤חַל אַרְנוֹן֙ עַד־הַ֣ר חֶרְמ֔וֹן וְכׇל־הָעֲרָבָ֖ה מִזְרָֽחָה׃
בב סִיחוֹן֙ מֶ֣לֶךְ הָאֱמֹרִ֔י הַיּוֹשֵׁ֖ב בְּחֶשְׁבּ֑וֹן מֹשֵׁ֡ל מֵעֲרוֹעֵ֡ר אֲשֶׁר֩ עַל־שְׂפַת־נַ֨חַל אַרְנ֜וֹן וְת֤וֹךְ הַנַּ֙חַל֙ וַחֲצִ֣י הַגִּלְעָ֔ד וְעַד֙ יַבֹּ֣ק הַנַּ֔חַל גְּב֖וּל בְּנֵ֥י עַמּֽוֹן׃
גג וְהָעֲרָבָה֩ עַד־יָ֨ם כִּנְר֜וֹת מִזְרָ֗חָה וְ֠עַ֠ד יָ֣ם הָעֲרָבָ֤ה יָם־הַמֶּ֙לַח֙ מִזְרָ֔חָה דֶּ֖רֶךְ בֵּ֣ית הַיְשִׁמ֑וֹת וּמִ֨תֵּימָ֔ן תַּ֖חַת אַשְׁדּ֥וֹת הַפִּסְגָּֽה׃
דד וּגְב֗וּל ע֚וֹג מֶ֣לֶךְ הַבָּשָׁ֔ן מִיֶּ֖תֶר הָרְפָאִ֑ים הַיּוֹשֵׁ֥ב בְּעַשְׁתָּר֖וֹת וּבְאֶדְרֶֽעִי׃
הה וּ֠מֹשֵׁ֠ל בְּהַ֨ר חֶרְמ֤וֹן וּבְסַלְכָה֙ וּבְכׇל־הַבָּשָׁ֔ן עַד־גְּב֥וּל הַגְּשׁוּרִ֖י וְהַמַּעֲכָתִ֑י וַֽחֲצִי֙ הַגִּלְעָ֔ד גְּב֖וּל סִיח֥וֹן מֶֽלֶךְ־חֶשְׁבּֽוֹן׃
וו מֹשֶׁ֧ה עֶבֶד־יְהֹוָ֛ה וּבְנֵ֥י יִשְׂרָאֵ֖ל הִכּ֑וּם וַֽ֠יִּתְּנָ֠הּ מֹשֶׁ֨ה עֶבֶד־יְהֹוָ֜ה יְרֻשָּׁ֗ה לָרֽאוּבֵנִי֙ וְלַגָּדִ֔י וְלַחֲצִ֖י שֵׁ֥בֶט הַֽמְﬞנַשֶּֽׁהנהַֽמְﬞנַשֶּֽׁה · א=הַֽמֲנַשֶּֽׁה (חטף)׃
{ס}
זז וְאֵ֣לֶּה מַלְכֵ֣י הָאָ֡רֶץ אֲשֶׁר֩ הִכָּ֨ה יְהוֹשֻׁ֜עַ וּבְנֵ֣י יִשְׂרָאֵ֗ל בְּעֵ֤בֶר הַיַּרְדֵּן֙ יָ֔מָּה מִבַּ֤עַל גָּד֙ בְּבִקְעַ֣ת הַלְּבָנ֔וֹן וְעַד־הָהָ֥ר הֶחָלָ֖ק הָעֹלֶ֣ה שֵׂעִ֑ירָה וַיִּתְּנָ֨הּ יְהוֹשֻׁ֜עַ לְשִׁבְטֵ֧י יִשְׂרָאֵ֛ל יְרֻשָּׁ֖ה כְּמַחְלְקֹתָֽם׃
חח בָּהָ֣ר וּבַשְּׁפֵלָ֗ה וּבָֽעֲרָבָה֙ וּבָ֣אֲשֵׁד֔וֹת וּבַמִּדְבָּ֖ר וּבַנֶּ֑גֶב הַֽחִתִּי֙ הָאֱמֹרִ֔י וְהַֽכְּנַעֲנִי֙ הַפְּרִזִּ֔י הַחִוִּ֖י וְהַיְבוּסִֽי׃
{פ}
טט מֶ֥לֶךְ יְרִיח֖וֹ אֶחָ֑דמֶ֧לֶךְ הָעַ֛י אֲשֶׁר־מִצַּ֥ד בֵּֽית־אֵ֖ל אֶחָֽד׃
יי מֶ֤לֶךְ יְרֽוּשָׁלַ֙͏ִםם֙ אֶחָ֔דמֶ֥לֶךְ חֶבְר֖וֹן אֶחָֽד׃
יאיא מֶ֤לֶךְ יַרְמוּת֙ אֶחָ֔דמֶ֥לֶךְ לָכִ֖ישׁ אֶחָֽד׃
יביב מֶ֤לֶךְ עֶגְלוֹן֙ אֶחָ֔דמֶ֥לֶךְ גֶּ֖זֶר אֶחָֽד׃
יגיג מֶ֤לֶךְ דְּבִר֙ אֶחָ֔דמֶ֥לֶךְ גֶּ֖דֶר אֶחָֽד׃
ידיד מֶ֤לֶךְ חׇרְמָה֙ אֶחָ֔דמֶ֥לֶךְ עֲרָ֖ד אֶחָֽד׃
טוטו מֶ֤לֶךְ לִבְנָה֙ אֶחָ֔דמֶ֥לֶךְ עֲדֻלָּ֖ם אֶחָֽד׃
טזטז מֶ֤לֶךְ מַקֵּדָה֙ אֶחָ֔דמֶ֥לֶךְ בֵּֽית־אֵ֖ל אֶחָֽד׃
יזיז מֶ֤לֶךְ תַּפּ֙וּחַ֙ אֶחָ֔דמֶ֥לֶךְ חֵ֖פֶר אֶחָֽד׃
יחיח מֶ֤לֶךְ אֲפֵק֙ אֶחָ֔דמֶ֥לֶךְ לַשָּׁר֖וֹן אֶחָֽד׃
יטיט מֶ֤לֶךְ מָדוֹן֙ אֶחָ֔דמֶ֥לֶךְ חָצ֖וֹר אֶחָֽד׃
ככ מֶ֣לֶךְ שִׁמְר֤וֹן מְרֹאון֙ אֶחָ֔דמֶ֥לֶךְ אַכְשָׁ֖ף אֶחָֽד׃
כאכא מֶ֤לֶךְ תַּעְנַךְ֙ אֶחָ֔דמֶ֥לֶךְ מְגִדּ֖וֹ אֶחָֽד׃
כבכב מֶ֤לֶךְ קֶ֙דֶשׁ֙ אֶחָ֔דמֶלֶךְ־יׇקְנְעָ֥ם לַכַּרְמֶ֖ל אֶחָֽד׃
כגכג מֶ֥לֶךְ דּ֛וֹר לְנָפַ֥ת דּ֖וֹר אֶחָ֑דמֶלֶךְ־גּוֹיִ֥ם לְגִלְגָּ֖ל אֶחָֽד׃
כדכד מֶ֥לֶךְ תִּרְצָ֖ה אֶחָ֑דכׇּל־מְלָכִ֖ים שְׁלֹשִׁ֥ים וְאֶחָֽד׃