ספר איוב

{פ}　　

כגאא
בב גַּם־הַ֭יּוֹם מְרִ֣י שִׂחִ֑י
יָ֝דִ֗י כָּבְדָ֥ה עַל־אַנְחָתִֽי׃
גג מִֽי־יִתֵּ֣ן יָ֭דַעְתִּי וְאֶמְצָאֵ֑הוּ
אָ֝ב֗וֹא עַד־תְּכוּנָתֽוֹ׃
דד אֶעֶרְכָ֣ה לְפָנָ֣יו מִשְׁפָּ֑ט
וּ֝פִ֗י אֲמַלֵּ֥א תוֹכָחֽוֹת׃
הה אֵ֭דְעָה מִלִּ֣ים יַעֲנֵ֑נִי
וְ֝אָבִ֗ינָה מַה־יֹּ֥אמַר לִֽי^נמַה־יֹּ֥אמַר לִֽי=ל,ק13,פטרבורג-EVR-II-B-92,פרטבורג-EVR-II-B-55 (מרכא, ואין מקף בתיבת המשרת) וכמו כן בתיגאן (ק-מ,ב1 וכתב יד של יוסף בן בניה) ובדפוסים וקורן.א=<מַה־יֹּ֥אמַר־לִֽי> (המקף השני בתיבת משרת) או <מַה־יֹּֽאמַר־לִֽי> ("יאמר" בגעיה ומוקפת); במג"ה הכריעו געיה באות יו"ד, אמנם בכתב־היד נראה יותר כמו מרכא (וכך הכריע ברויאר).׃
וו הַבְּרׇב־כֹּ֭חַ יָרִ֣יב עִמָּדִ֑י
לֹ֥א אַךְ־ה֝֗וּא^נאַךְ־ה֝֗וּא · א=אַךְ־ה֝וּא (השמטת נקודת הרביע) יָשִׂ֥ם בִּֽי׃
זז שָׁ֗ם יָ֭שָׁר נוֹכָ֣ח עִמּ֑וֹ
וַאֲפַלְּטָ֥ה לָ֝נֶ֗צַח מִשֹּׁפְטִֽי׃
חח הֵ֤ן קֶ֣דֶם אֶהֱלֹ֣ךְ וְאֵינֶ֑נּוּ
וְ֝אָח֗וֹר וְֽלֹא־אָבִ֥ין לֽוֹ׃
טט שְׂמֹ֣אול בַּעֲשֹׂת֣וֹ וְלֹא־אָ֑חַז
יַעְטֹ֥ף יָ֝מִ֗ין וְלֹ֣א אֶרְאֶֽה׃
יי כִּֽי־יָ֭דַע דֶּ֣רֶךְ עִמָּדִ֑י
בְּ֝חָנַ֗נִי כַּזָּהָ֥ב אֵצֵֽא׃
יאיא בַּ֭אֲשֻׁרוֹ אָחֲזָ֣ה רַגְלִ֑י
דַּרְכּ֖וֹ שָׁמַ֣רְתִּי וְלֹא־אָֽט׃
יביב מִצְוַ֣ת שְׂ֭פָתָיו וְלֹ֣א אָמִ֑ישׁ
מֵ֝חֻקִּ֗י צָפַ֥נְתִּי אִמְרֵי־פִֽיו׃
יגיג וְה֣וּא בְ֭אֶחָד וּמִ֣י יְשִׁיבֶ֑נּוּ
וְנַפְשׁ֖וֹ אִוְּתָ֣ה וַיָּֽעַשׂ׃
ידיד כִּ֭י יַשְׁלִ֣ים חֻקִּ֑י
וְכָהֵ֖נָּה רַבּ֣וֹת עִמּֽוֹ׃
טוטו עַל־כֵּ֭ן מִפָּנָ֣יו אֶבָּהֵ֑ל
אֶ֝תְבּוֹנֵ֗ן וְאֶפְחַ֥ד מִמֶּֽנּוּ׃
טזטז וְ֭אֵל הֵרַ֣ךְ לִבִּ֑י
וְ֝שַׁדַּ֗י הִבְהִילָֽנִי׃
יזיז כִּֽי־לֹ֣א נִ֭צְמַתִּי מִפְּנֵי־חֹ֑שֶׁךְ
וּ֝מִפָּנַ֗י כִּסָּה־אֹֽפֶל׃