ספר איוב

{פ}　　

כאא
בב לָ֭כֵן שְׂעִפַּ֣י יְשִׁיב֑וּנִי
וּ֝בַעֲב֗וּר ח֣וּשִׁי בִֽי׃
גג מוּסַ֣ר כְּלִמָּתִ֣י אֶשְׁמָ֑ע
וְ֝ר֗וּחַ מִֽבִּינָתִ֥י יַעֲנֵֽנִי׃
דד הֲזֹ֣את יָ֭דַעְתָּ מִנִּי־עַ֑ד
מִנִּ֤י שִׂ֖ים אָדָ֣ם עֲלֵי־אָֽרֶץ׃
הה כִּ֤י רִנְנַ֣ת רְ֭שָׁעִים מִקָּר֑וֹב
וְשִׂמְחַ֖ת חָנֵ֣ף עֲדֵי־רָֽגַע׃
וו אִם־יַעֲלֶ֣ה לַשָּׁמַ֣יִם שִׂיא֑וֹ
וְ֝רֹאשׁ֗וֹ לָעָ֥ב יַגִּֽיעַ׃
זז כְּֽ֭גֶלְﬞלוֹ^נכְּֽ֭גֶלְﬞלוֹ · א=כְּֽ֭גֶלֲלוֹ (חטף) לָנֶ֣צַח יֹאבֵ֑ד
רֹ֝אָ֗יו יֹאמְר֥וּ אַיּֽוֹ׃
חח כַּחֲל֣וֹם יָ֭עוּף וְלֹ֣א יִמְצָא֑וּהוּ
וְ֝יֻדַּ֗ד כְּחֶזְי֥וֹן לָֽיְלָה׃
טט עַ֣יִן שְׁ֭זָפַתּוּ וְלֹ֣א תוֹסִ֑יף
וְלֹֽא־ע֝֗וֹד תְּשׁוּרֶ֥נּוּ מְקוֹמֽוֹ׃
יי בָּ֭נָיו יְרַצּ֣וּ דַלִּ֑ים
וְ֝יָדָ֗יו תָּשֵׁ֥בְנָה אוֹנֽוֹ׃
יאיא עַ֭צְמוֹתָיו מָלְא֣וּ עֲלוּמָ֑ו^קקקרי/כתיב · עֲלוּמָ֑ו · עֲלוּמָ֑יו
וְ֝עִמּ֗וֹ עַל־עָפָ֥ר תִּשְׁכָּֽב׃
יביב אִם־תַּמְתִּ֣יק בְּפִ֣יו רָעָ֑ה
יַ֝כְחִידֶ֗נָּה תַּ֣חַת לְשֹׁנֽוֹ׃
יגיג יַחְמֹ֣ל עָ֭לֶיהָ וְלֹ֣א יַעַזְבֶ֑נָּה
וְ֝יִמְנָעֶ֗נָּה בְּת֣וֹךְ חִכּֽוֹ׃
ידיד לַ֭חְמוֹ בְּמֵעָ֣יו נֶהְפָּ֑ךְ
מְרוֹרַ֖ת פְּתָנִ֣ים בְּקִרְבּֽוֹ׃
טוטו חַ֣יִל בָּ֭לַע וַיְקִאֶ֑נּוּ
מִ֝בִּטְנ֗וֹ יֹרִשֶׁ֥נּוּ אֵֽל׃
טזטז רֹאשׁ־פְּתָנִ֥ים יִינָ֑ק
תַּ֝הַרְגֵ֗הוּ לְשׁ֣וֹן אֶפְעֶֽה׃
יזיז אַל־יֵ֥רֶא בִפְלַגּ֑וֹת
נַהֲרֵ֥י נַ֝חֲלֵ֗י דְּבַ֣שׁ וְחֶמְאָֽה׃
יחיח מֵשִׁ֣יב יָ֭גָע וְלֹ֣א יִבְלָ֑ע
כְּחֵ֥יל תְּ֝מוּרָת֗וֹ וְלֹ֣א יַעֲלֹֽס׃
יטיט כִּֽי־רִ֭צַּץ עָזַ֣ב דַּלִּ֑ים
בַּ֥יִת גָּ֝זַ֗ל וְלֹ֣א יִבְנֵֽהוּ׃
ככ כִּ֤י ׀ לֹא־יָדַ֣ע שָׁלֵ֣ו בְּבִטְנ֑וֹ
בַּ֝חֲמוּד֗וֹ לֹ֣א יְמַלֵּֽט׃
כאכא אֵין־שָׂרִ֥יד לְאׇכְל֑וֹ
עַל־כֵּ֝֗ן^נעַל־כֵּ֝֗ן · א=עַל־כֵּ֝ן (השמטת נקודת הרביע) לֹא־יָחִ֥יל טוּבֽוֹ׃
כבכב בִּמְלֹ֣אות שִׂ֭פְקוֹ יֵ֣צֶר ל֑וֹ
כׇּל־יַ֖ד עָמֵ֣ל תְּבֹאֶֽנּוּ׃
כגכג יְהִ֤י ׀ לְמַלֵּ֬א בִטְנ֗וֹ
יְֽשַׁלַּח־בּ֭וֹ חֲר֣וֹן אַפּ֑וֹ
וְיַמְטֵ֥ר עָ֝לֵ֗ימוֹבִּלְחוּמֽוֹ׃
כדכד יִ֭בְרַח מִנֵּ֣שֶׁק בַּרְזֶ֑ל
תַּ֝חְלְפֵ֗הוּ קֶ֣שֶׁת נְחוּשָֽׁה׃
כהכה שָׁלַף֮וַיֵּצֵ֢א מִגֵּ֫וָ֥ה
וּ֭בָרָק מִֽמְּרֹרָת֥וֹ יַהֲלֹ֗ךְ
עָלָ֥יו אֵמִֽים׃
כוכו כׇּל־חֹשֶׁךְ֮טָמ֢וּן לִצְפּ֫וּנָ֥יו
תְּ֭אׇכְלֵהוּ אֵ֣שׁ לֹא־נֻפָּ֑ח
יֵ֖רַע שָׂרִ֣יד ׃
כזכז יְגַלּ֣וּ שָׁמַ֣יִם עֲוֺנ֑וֹ
וְ֝אֶ֗רֶץ מִתְקוֹמָ֘מָ֥ה לֽוֹ׃
כחכח יִ֭גֶל יְב֣וּל בֵּית֑וֹ
נִ֝גָּר֗וֹת בְּי֣וֹם אַפּֽוֹ׃
כטכט זֶ֤ה ׀ חֵלֶק־אָדָ֣ם רָ֭שָׁע מֵאֱלֹהִ֑ים
וְנַחֲלַ֖ת אִמְר֣וֹ מֵאֵֽל׃