ספר איוב

{פ}　　

יאאא
בב הֲרֹ֣ב דְּ֭בָרִים לֹ֣א יֵעָנֶ֑ה
וְאִם־אִ֖ישׁ שְׂפָתַ֣יִם יִצְדָּֽק׃
גג בַּ֭דֶּיךָ מְתִ֣ים יַחֲרִ֑ישׁוּ
וַ֝תִּלְעַ֗ג וְאֵ֣ין מַכְלִֽם׃
דד וַ֭תֹּאמֶר זַ֣ךְ לִקְחִ֑י
וּ֝בַ֗ר הָיִ֥יתִי בְעֵינֶֽיךָ׃
הה וְֽאוּלָ֗ם מִֽי־יִתֵּ֣ן אֱל֣וֹהַּ דַּבֵּ֑ר
וְיִפְתַּ֖ח שְׂפָתָ֣יו עִמָּֽךְ׃
וו וְיַגֶּד־לְךָ֨ ׀ תַּ֥עֲלֻמ֣וֹת חׇכְמָה֮
כִּֽי־כִפְלַ֢יִם לְֽת֫וּשִׁיָּ֥ה^נלְֽת֫וּשִׁיָּ֥ה=א (מקום העולה באות הראויה לגעיה)דפוסים=לְֽתוּשִׁ֫יָּ֥ה
וְדַ֡ע
כִּֽי־יַשֶּׁ֥ה לְךָ֥ אֱ֝ל֗וֹהַּ מֵעֲוֺנֶֽךָ׃
זז הַחֵ֣קֶר אֱל֣וֹהַּ תִּמְצָ֑א
אִ֤ם עַד־תַּכְלִ֖ית שַׁדַּ֣י תִּמְצָֽא׃
חח גׇּבְהֵ֣י שָׁ֭מַיִם מַה־תִּפְעָ֑ל
עֲמֻקָּ֥ה מִ֝שְּׁא֗וֹל מַה־תֵּדָֽע׃
טט אֲרֻכָּ֣ה מֵאֶ֣רֶץ מִדָּ֑הּ
וּ֝רְחָבָ֗ה מִנִּי־יָֽם׃
יי אִם־יַחֲלֹ֥ף וְיַסְגִּ֑יר
וְ֝יַקְהִ֗יל וּמִ֣י יְשִׁיבֶֽנּוּ׃
יאיא כִּי־ה֭וּא יָדַ֣ע מְתֵי־שָׁ֑וְא
וַיַּרְא־אָ֝֗וֶן וְלֹ֣א יִתְבּוֹנָֽן׃
יביב וְאִ֣ישׁ נָ֭בוּב יִלָּבֵ֑ב
וְעַ֥יִר פֶּ֝֗רֶא^נפֶּ֝֗רֶא · א=פֶּ֝רֶא (השמטת נקודת הרביע) אָדָ֥ם יִוָּלֵֽד׃
יגיג אִם־אַ֭תָּה^נאִם־אַ֭תָּה=א,ש1 וכן ברויאר ומג"ה (ובקורן)ל!=אִם־אַ֭תָּ֗ה (נקודת רביע בנוסף לטעם הדחי), וכך ב-BHS ובהקלדה וגם במכון ממרא (!)הערת המקליד הֲכִינ֣וֹתָ לִבֶּ֑ךָ
וּפָרַשְׂתָּ֖ אֵלָ֣יו כַּפֶּֽיךָ׃
ידיד אִם־אָ֣וֶן בְּ֭יָדְךָ הַרְחִיקֵ֑הוּ
וְאַל־תַּשְׁכֵּ֖ן בְּאֹהָלֶ֣יךָ עַוְלָֽה׃
טוטו כִּי־אָ֤ז ׀ תִּשָּׂ֣א פָנֶ֣יךָ מִמּ֑וּם
וְהָיִ֥יתָ מֻ֝צָ֗ק וְלֹ֣א תִירָֽא׃
טזטז כִּֽי־אַ֭תָּה עָמָ֣ל תִּשְׁכָּ֑ח
כְּמַ֖יִם עָבְר֣וּ תִזְכֹּֽר׃
יזיז יָק֣וּם חָ֑לֶד
תָּ֝עֻ֗פָה כַּבֹּ֥קֶר תִּהְיֶֽה׃
יחיח וּֽ֭בָטַחְתָּ כִּֽי־יֵ֣שׁ תִּקְוָ֑ה
וְ֝חָפַרְתָּ֗ לָבֶ֥טַח תִּשְׁכָּֽב׃
יטיט וְֽ֭רָבַצְתָּ וְאֵ֣ין מַחֲרִ֑יד
וְחִלּ֖וּ פָנֶ֣יךָ רַבִּֽים׃
ככ וְעֵינֵ֥י רְשָׁעִ֗ים תִּ֫כְלֶ֥ינָה
וּ֭מָנוֹס אָבַ֣ד מִנְהֶ֑ם
וְ֝תִקְוָתָ֗םמַֽפַּֽח־נָֽפֶשׁ׃