ספר איוב

{פ}　　

טזאא
בב שָׁמַ֣עְתִּי כְאֵ֣לֶּה רַבּ֑וֹת
מְנַחֲמֵ֖י עָמָ֣ל כֻּלְּכֶֽם׃
גג הֲקֵ֥ץ לְדִבְרֵי־ר֑וּחַ
א֥וֹ מַה־יַּ֝מְרִֽיצְךָ֗ כִּ֣י תַֽעֲנֶֽה׃
דד גַּ֤ם ׀ אָנֹכִי֮ כָּכֶ֢ם אֲדַ֫בֵּ֥רָה
ל֤וּ יֵ֪שׁ נַפְשְׁכֶ֡ם תַּ֤חַת נַפְשִׁ֗י
אַחְבִּ֣ירָה עֲלֵיכֶ֣ם בְּמִלִּ֑ים
וְאָנִ֥יעָה עֲ֝לֵיכֶ֗ם בְּמ֣וֹ רֹאשִֽׁי׃
הה אֲאַמִּצְכֶ֥ם בְּמוֹ־פִ֑י
וְנִ֖יד שְׂפָתַ֣י יַחְשֹֽׂךְ׃
וו אִֽם־אֲ֭דַבְּרָה לֹא־יֵחָשֵׂ֣ךְ כְּאֵבִ֑י
וְ֝אַחְדְּלָ֗ה מַה־מִּנִּ֥י יַהֲלֹֽךְ׃
זז אַךְ־עַתָּ֥ה הֶלְאָ֑נִי
הֲ֝שִׁמּ֗וֹתָ כׇּל־עֲדָתִֽי׃
חח וַֽ֭תִּקְמְטֵנִי לְעֵ֣ד הָיָ֑ה
וַיָּ֥קׇם^נוַיָּ֥קׇם=א?,ל במרכא (וכן הכריעו ברויאר ומג"ה)א=וַיָּ֖קָם? הקו ישר בערך וייתכן שהוא טרחא, אבל קצת יותר נראה שהוא מרכא. בִּ֥י כַ֝חֲשִׁ֗י בְּפָנַ֥י יַעֲנֶֽה׃
טט אַפּ֤וֹ טָרַ֨ף ׀ וַֽיִּשְׂטְמֵ֗נִי
חָרַ֣ק עָלַ֣י בְּשִׁנָּ֑יו
צָרִ֓י ׀ יִלְטֹ֖שׁ עֵינָ֣יו לִֽי׃
יי פָּעֲר֬וּ עָלַ֨י ׀ בְּפִיהֶ֗ם
בְּ֭חֶרְפָּה הִכּ֣וּ לְחָיָ֑י
יַ֝֗חַד^ניַ֝֗חַד · א=יַ֝חַד (השמטת נקודת הרביע)עָלַ֥י יִתְמַלָּאֽוּן׃
יאיא יַסְגִּירֵ֣נִי אֵ֭ל אֶ֣ל עֲוִ֑יל
וְעַל־יְדֵ֖י רְשָׁעִ֣ים יִרְטֵֽנִי׃
יביב שָׁ֘לֵ֤ו הָיִ֨יתִי ׀ וַֽיְפַרְפְּרֵ֗נִי
וְאָחַ֣ז בְּ֭עׇרְפִּי וַֽיְפַצְפְּצֵ֑נִי
וַיְקִימֵ֥נִי ל֝֗וֹ^נל֝֗וֹ · א=ל֝וֹ (השמטת נקודת הרביע)לְמַטָּרָֽה׃
יגיג יָ֘סֹ֤בּוּ עָלַ֨י ׀ רַבָּ֗יו
יְפַלַּ֣ח כִּ֭לְיוֹתַי וְלֹ֣א יַחְמֹ֑ל
יִשְׁפֹּ֥ךְ לָ֝אָ֗רֶץמְרֵרָתִֽי׃
ידיד יִפְרְצֵ֣נִי פֶ֭רֶץ^נפֶ֭רֶץ · =מ"ש (אות צד"י סופית קטנה) וכך בדפוסים וקורן עַל־פְּנֵי־פָ֑רֶץ
יָרֻ֖ץ עָלַ֣י כְּגִבּֽוֹר׃
טוטו שַׂ֣ק תָּ֭פַרְתִּי עֲלֵ֣י גִלְדִּ֑י
וְעֹלַ֖לְתִּי בֶעָפָ֣ר קַרְנִֽי׃
טזטז פָּנַ֣י (חמרמרה)^קקקרי/כתיב · (חמרמרה) חֳ֭מַרְמְרוּ מִנִּי־בֶ֑כִי
וְעַ֖ל עַפְעַפַּ֣י צַלְמָֽוֶת׃
יזיז עַ֭ל לֹא־חָמָ֣ס בְּכַפָּ֑י
וּֽתְפִלָּתִ֥י זַכָּֽה׃
יחיח אֶ֭רֶץ אַל־תְּכַסִּ֣י דָמִ֑י
וְֽאַל־יְהִ֥י מָ֝ק֗וֹם לְזַעֲקָתִֽי׃
יטיט גַּם־עַ֭תָּה הִנֵּה־בַשָּׁמַ֣יִם עֵדִ֑י
וְ֝שָׂהֲדִ֗י בַּמְּרֹמִֽים׃
ככ מְלִיצַ֥י רֵעָ֑י
אֶל־אֱ֝ל֗וֹהַּ דָּלְפָ֥ה עֵינִֽי׃
כאכא וְיוֹכַ֣ח לְגֶ֣בֶר עִם־אֱל֑וֹהַּ
וּֽבֶן־אָדָ֥ם לְרֵעֵֽהוּ׃
כבכב כִּֽי־שְׁנ֣וֹת מִסְפָּ֣ר יֶאֱתָ֑יוּ
וְאֹ֖רַח לֹא־אָשׁ֣וּב אֶהֱלֹֽךְ׃