ספר איוב

{פ}　　

חאא
בב עַד־אָ֥ן תְּמַלֶּל־אֵ֑לֶּה
וְר֥וּחַ כַּ֝בִּ֗יר אִמְרֵי־פִֽיךָ׃
גג הַ֭אֵל יְעַוֵּ֣ת מִשְׁפָּ֑ט
וְאִם־שַׁ֝דַּ֗י יְעַוֵּת־צֶֽדֶק׃
דד אִם־בָּנֶ֥יךָ חָֽטְאוּ־ל֑וֹ
וַֽ֝יְשַׁלְּחֵ֗ם בְּיַד־פִּשְׁעָֽם׃
הה אִם־אַ֭תָּה תְּשַׁחֵ֣ר אֶל־אֵ֑ל
וְאֶל־שַׁ֝דַּ֗י תִּתְחַנָּֽן׃
וו אִם־זַ֥ךְ וְיָשָׁ֗ר אָ֥֫תָּה^נאָ֥֫תָּה · א=אָ֥תָּה (השמטת סימן העולה)
כִּֽי־עַ֭תָּה יָעִ֣יר עָלֶ֑יךָ
וְ֝שִׁלַּ֗םנְוַ֣ת צִדְקֶֽךָ׃
זז וְהָיָ֣ה רֵאשִׁיתְךָ֣ מִצְעָ֑ר
וְ֝אַחֲרִֽיתְךָ֗ יִשְׂגֶּ֥ה מְאֹֽד׃
חח כִּֽי־שְׁאַל־נָ֭א לְדֹ֣ר רִישׁ֑וֹן
וְ֝כוֹנֵ֗ן לְחֵ֣קֶר אֲבוֹתָֽם׃
טט כִּֽי־תְמ֣וֹל אֲ֭נַחְנוּ וְלֹ֣א נֵדָ֑ע
כִּ֤י צֵ֖ל יָמֵ֣ינוּ עֲלֵי־אָֽרֶץ׃
יי הֲלֹא־הֵ֣ם י֭וֹרוּךָ יֹ֣אמְרוּ לָ֑ךְ
וּ֝מִלִּבָּ֗ם יוֹצִ֥אוּ מִלִּֽים׃
יאיא הֲיִֽגְאֶה־גֹּ֭מֶא בְּלֹ֣א בִצָּ֑ה
יִשְׂגֶּה־אָ֥חוּ בְלִי־מָֽיִם׃
יביב עֹדֶ֣נּוּ בְ֭אִבּוֹ לֹ֣א יִקָּטֵ֑ף
וְלִפְנֵ֖י כׇל־חָצִ֣יר יִיבָֽשׁ׃
יגיג כֵּ֗ן אׇ֭רְחוֹת כׇּל־שֹׁ֣כְחֵי אֵ֑ל
וְתִקְוַ֖ת חָנֵ֣ף תֹּאבֵֽד׃
ידיד אֲשֶׁר־יָק֥וֹט כִּסְל֑וֹ
וּבֵ֥ית עַ֝כָּבִ֗ישׁ מִבְטַחֽוֹ׃
טוטו יִשָּׁעֵ֣ן עַל־בֵּ֭יתוֹ וְלֹ֣א יַעֲמֹ֑ד
יַחֲזִ֥יק בּ֝֗וֹ וְלֹ֣א יָקֽוּם׃
טזטז רָטֹ֣ב ה֭וּא לִפְנֵי־שָׁ֑מֶשׁ
וְעַ֥ל גַּ֝נָּת֗וֹ יֹנַקְתּ֥וֹ תֵצֵֽא׃
יזיז עַל־גַּ֭ל יְסֻבָּ֑כוּ
בֵּ֖ית אֲבָנִ֣ים יֶחֱזֶֽה׃
יחיח אִם־יְבַלְּעֶ֥נּוּ מִמְּקֹמ֑וֹ
וְכִ֥חֶשׁ בּ֝֗וֹ^נבּ֝֗וֹ · א=בּ֝וֹ (השמטת נקודת הרביע) לֹ֣א רְאִיתִֽיךָ׃
יטיט הֶן־ה֭וּא מְשׂ֣וֹשׂ דַּרְכּ֑וֹ
וּ֝מֵעָפָ֗ר אַחֵ֥ר יִצְמָֽחוּ׃
ככ הֶן־אֵ֭ל לֹ֣א יִמְאַס־תָּ֑ם
וְלֹֽא־יַ֝חֲזִ֗יק בְּיַד־מְרֵעִֽים׃
כאכא עַד־יְמַלֵּ֣ה שְׂח֣וֹק פִּ֑יךָ
וּשְׂפָתֶ֥יךָ תְרוּעָֽה׃
כבכב שֹׂנְאֶ֥יךָ יִלְבְּשׁוּ־בֹ֑שֶׁת
וְאֹ֖הֶל רְשָׁעִ֣ים אֵינֶֽנּוּ׃