ספר איוב

גאא אַֽחֲרֵי־כֵ֗ן פָּתַ֤ח אִיּוֹב֙ אֶת־פִּ֔יהוּ וַיְקַלֵּ֖ל אֶת־יוֹמֽוֹ׃
{פ}　　

בב
גג יֹ֣אבַד י֭וֹם אִוָּ֣לֶד בּ֑וֹ
וְהַלַּ֥יְלָה אָ֝מַ֗ר הֹ֣רָה גָֽבֶר׃
דד הַיּ֥וֹם הַה֗וּא יְֽהִ֫י חֹ֥שֶׁךְ
אַֽל־יִדְרְשֵׁ֣הוּ אֱל֣וֹהַּ מִמַּ֑עַל
וְאַל־תּוֹפַ֖ע עָלָ֣יו נְהָרָֽה׃
הה יִגְאָלֻ֡הוּ חֹ֣שֶׁךְ וְ֭צַלְמָוֶת
תִּשְׁכׇּן־עָלָ֣יו עֲנָנָ֑ה
יְ֝בַעֲתֻ֗הוּ כִּֽמְרִ֥ירֵי יֽוֹם׃
וו הַלַּ֥יְלָה הַהוּא֮ יִקָּחֵ֢ה֫וּ אֹ֥פֶל
אַל־יִ֭חַדְּ בִּימֵ֣י שָׁנָ֑ה
בְּמִסְפַּ֥ר יְ֝רָחִ֗ים אַל־יָבֹֽא׃
זז הִנֵּ֤ה הַלַּ֣יְלָה הַ֭הוּא יְהִ֣י גַלְמ֑וּד
אַל־תָּב֖וֹא רְנָנָ֣ה בֽוֹ׃
חח יִקְּבֻ֥הוּ אֹֽרְﬞרֵי־י֑וֹם^נאֹֽרְﬞרֵי־י֑וֹם · א=אֹֽרֲרֵי־י֑וֹם (חטף)
הָ֝עֲתִידִ֗ים עֹרֵ֥ר לִוְיָתָֽן׃
טט יֶחְשְׁכוּ֮ כּוֹכְבֵ֢י נִ֫שְׁפּ֥וֹ
יְקַו־לְא֥וֹר וָאַ֑יִן
וְאַל־יִ֝רְאֶ֗ה בְּעַפְעַפֵּי־שָֽׁחַר׃
יי כִּ֤י לֹ֣א סָ֭גַר דַּלְתֵ֣י בִטְנִ֑י
וַיַּסְתֵּ֥ר עָ֝מָ֗ל מֵעֵינָֽי׃
יאיא לָ֤מָּה לֹּ֣א מֵרֶ֣חֶם אָמ֑וּת
מִבֶּ֖טֶן יָצָ֣אתִי וְאֶגְוָֽע׃
יביב מַ֭דּוּעַ קִדְּמ֣וּנִי בִרְכָּ֑יִם
וּמַה־שָּׁ֝דַ֗יִם כִּ֣י אִינָֽק׃
יגיג כִּֽי־עַ֭תָּה שָׁכַ֣בְתִּי וְאֶשְׁק֑וֹט
יָ֝שַׁ֗נְתִּי אָ֤ז ׀ יָנ֬וּחַֽ לִֽי׃
ידיד עִם־מְ֭לָכִים וְיֹ֣עֲצֵי אָ֑רֶץ
הַבֹּנִ֖ים חֳרָב֣וֹת לָֽמוֹ׃
טוטו א֣וֹ עִם־שָׂ֭רִים זָהָ֣ב לָהֶ֑ם
הַֽמְﬞמַלְאִ֖ים^נהַֽמְﬞמַלְאִ֖ים · א=הַֽמֲמַלְאִ֖ים (חטף) בָּתֵּיהֶ֣ם כָּֽסֶף׃
טזטז א֤וֹ כְנֵ֣פֶל טָ֭מוּן לֹ֣א אֶהְיֶ֑ה
כְּ֝עֹלְﬞלִ֗ים^נכְּ֝עֹלְﬞלִ֗ים · א=כְּ֝עֹלֲלִ֗ים (חטף) לֹא־רָ֥אוּ אֽוֹר׃
יזיז שָׁ֣ם רְ֭שָׁעִים חָ֣דְלוּ רֹ֑גֶז
וְשָׁ֥ם יָ֝נ֗וּחוּ יְגִ֣יעֵי כֹֽחַ׃
יחיח יַ֭חַד אֲסִירִ֣ים שַׁאֲנָ֑נוּ
לֹ֥א שָׁ֝מְע֗וּ ק֣וֹל נֹגֵֽשׂ׃
יטיט קָטֹ֣ן וְ֭גָדוֹל שָׁ֣ם ה֑וּא
וְ֝עֶ֗בֶד חׇפְשִׁ֥י מֵאֲדֹנָֽיו׃
ככ לָ֤מָּה יִתֵּ֣ן לְעָמֵ֣ל א֑וֹר
וְ֝חַיִּ֗ים לְמָ֣רֵי נָֽפֶשׁ׃
כאכא הַֽמְﬞחַכִּ֣ים^נהַֽמְﬞחַכִּ֣ים · א=הַֽמֲחַכִּ֣ים (חטף) לַמָּ֣וֶת וְאֵינֶ֑נּוּ
וַֽ֝יַּחְפְּרֻ֗הוּ מִמַּטְמוֹנִֽים׃
כבכב הַשְּׂמֵחִ֥ים אֱלֵי־גִ֑יל
יָ֝שִׂ֗ישׂוּ כִּ֣י יִמְצְאוּ־קָֽבֶר׃
כגכג לְ֭גֶבֶר אֲשֶׁר־דַּרְכּ֣וֹ נִסְתָּ֑רָה
וַיָּ֖סֶךְ אֱל֣וֹהַּ בַּעֲדֽוֹ׃
כדכד כִּֽי־לִפְנֵ֣י לַ֭חְמִי אַנְחָתִ֣י תָבֹ֑א
וַֽיִּתְּכ֥וּ כַ֝מַּ֗יִם שַׁאֲגֹתָֽי׃
כהכה כִּ֤י פַ֣חַד פָּ֭חַדְתִּי וַיֶּאֱתָיֵ֑נִי
וַאֲשֶׁ֥ר יָ֝גֹ֗רְתִּי יָ֣בֹא לִֽי׃
כוכו לֹ֤א שָׁלַ֨וְתִּי ׀ וְלֹ֖א שָׁקַ֥טְתִּי וְֽלֹא־נָ֗חְתִּי
וַיָּ֥בֹא רֹֽגֶז׃